رعشة بسيطة ف العربية بأسباب غريبة ومختلفة

سلام عليكم

دلوقتي انا عندي البطارية ضعيفه فى النوبيرا وعاوزه تتغير هي بطارية جافة بس بتقوملي العربية الصبح كويس فانا صابر بيها شوية

وكنت لسه عامل الدينامو ومظبطه والقواطيش وسلوك الاراضي وكتاوت نور والفيوزات والكلام ده كله مظبطه ع الاخر

-- بس فى مشكلة وهي اني لو واقف بالعربية خالص شغالة ع السلانسية وجيت اشغل اى حمل عليها سواء تكييف او نور عالي احس ان العربية عملت رعشة كدا بسيطة بس الـ rpm ثابت

ولو مشغل التكييف وجيت اشغل النور العالي الاقي التكييف قوة الهواء والصوت يقل حبتين

ولو دوست فرامل النور بيضعف والتكييف بيضعف بردة

ولو جيت الف الدركسيون بحس بردة برعشة وانا واقف

وساعات العربية بترج رجة بسيطة ف الطلعة او بترعش كدا وبلاحظها اوي مع التكييف ومبتحصلش من غير التكييف .. والاسطوانة والديسك جداد والحساسات كلها نظيفة وقواعد الموتور سليمة لسه كاشف عليها هي وقواعد الفتيس ..

وفى حاجه كمان لو شغلت اشارة او انتظار كل اللبمات الى ف العدادات قدامي تعدي تطفى وتنور معاها بس بسيط


-- انا منظف كل الحساسات اكتر من مرة وحتتها ع الكمبيوتر اكتر من مرة ومفيش اى حاجه غلط وعملت ايدل ليرن اكتر من مرة وبردة على نفس الحال

-- هل ده ممكن يكون بسبب ضعف البطارية او حاجه تانية .. ولا هي النوبيرا كدا !!

غالبا مشكلة ف الضفيرة الامامية ( الموتور) عشان عندى نفس الاعراض و الكهربائى قالى كدة

فى حل من اتنين

1- ترم الضفيرة بتاعتك ( ده لو الشغل اللى فيها مش كتير)
2- تجيب استيراد ب 450 ( لو الشغل فيها كتير)

انا عن نفسى كنا حنجيب استيراد بس حصلت ظروف و الفلوس اتصرفت

هى المشكلة فى الكهرباء , بس انت محتاج كهربائى ممتاز عشان يقولك على الحل , وعلى فكرة ممكن تبقى البطارية , لأن كل الحاجات اللى انت بتقولها هى عبارة عن كهرباء سواء كانت تكييف , نور , باور قبل ما تعمل اى حاجة انت كدة كدة هتغير البطارية جرب يمكن هى الحل

1- بطاريه
2- راجع كابل الأرضى الواصل بحسم العربيه
3- راجع كابل الأرضى الواصل بالموتور

خلاص يجماعة انا هبدل البطارية انا وواحد صحبي ونشوف

وعموما كبلات الارضي كلها انا لسه مغيرها وجبت اكبر كبالات ارضي كبيرة اوي من بتاعت النقل عشان تستحمل كل احمال الكهرباء وبردة هيا هيا

ياترى حضرتك اشتريت بطارية جديدة ولا لسه ولو اشتريت ياريت تقولنا عن النتيجه لان تقريبا انا عندى نفس الاعراض اللى عندك

انا عندى نفس الاعراض بس مش بيتظر اوى كده وغيرت البطارية وبرده نفس القصة
وبعديها بشوية كانت الرعشة تيجى ومعاها تقطيعة صغيرة وانا واقف طلع من البوبينة وغيرتها وكل حاجة اختفت نهائى

المشاكل كلها بطارية عدا موضوع لف الدريكسيون