حجزت rb ومحتاج استفسر عن شوية حاجات

**Diaby** · 10-08-2011 05:58 AM

المشاركة الأصلية كتبت بواسطة linux1man

من فهمى البسيط عن الغيارات

ان كل غيار بيكون بترس و كل ترس اكبر من التانى كل ما تكبر غيارات
و طبعا علشان اجيب سرعه اعلى على الرابع لازم اجيب عدد لفات rpm اعلى
واعتقد دا شىء مش صحى للموتور وييأثر على عمره

برضو مع ملاحظة انى ما بجريش وما بكسرش 110 الا وانا مسافر والطريق فاضى بس
بس اكيد الواحد هيدفع فلوس يبقى نعرف كل المميزات والعيوب ونقلل فى العيوب على قدر المستطاع

حضرتك محنا عايشين بقالنا اكتر من عشرين سنة بالفتيس الاربع سرعات يعنى مش حاجة جديدة هنقلق منها والعربيات والمواتير زى الفل وحضرتك الا ر بى ام لما بيعلى مش بيأثر ع الماتور زى ما حضرتك متخيل هو بيفرق مع الست سرعات ف استهلاك البنزين وفرق مش كبير وبعدين مهى كل العربيات ب4 سرعات وزى الفل ولا احنا اللى فجرنا خلاص وبقينا نركب عربيات بفتيس ست سرعات مبقاش يعجبنا القديم وبعدين حضرتك متخيل ان لما تجرى مثلا الار بى ام هيعدي ال5 انا كنت بمشى بالماتريكس 120/130 والار بى ام ففوق ال3 بحاجة بسيطة انارائى حضرتك توكل على الله والعربية جميلة جدا وانا ان شاء الله ححصلك بس لما ربنا يريد والف مبروك مقدما

المشاركة الأصلية كتبت بواسطة screenplays

لو مش بتاع جري جيبها لكن هتجري مينفعش و ممكن ساعتها تفكر في السيراتو مثلا او الكارينز

مع احترامى لحضرتك اولا عربية بحجم ووزن الاكسنت بماتور 124 حصان ازاى لو بتاع جرى ميجبهاش دي هيا عايزة واحد بتاع جري وسيبك من النقطة دي لو بتاع جرى ماشى يجيب السيراتو وانا شايف انها مش هتفرق عنها كتير معرفش صح ولا لا ممكن حد يوضح الحتة دي لكن ازاى هيجيب كارينز :b4_556: وعايز يجري بيها انا بصراحة مش معااك خااااالص ف الموضوع ده

**linux1man** · 10-08-2011 06:21 AM

انا طبعا كلامى دا كان عن جهل بال 4 سرعات
انا معايا الفيرنا وزى ما قولت انى عمرى ما طلعت عن الرابع الا مرتين او تلاته

فكنت بتناقش علشان حد يفيدنى فى الجزئية دى لانى معرفش ولا ركبت عربيات 4 سرعات قبل كدا
وطبعا الكارينز عائلية وانا كنت عاوز حاجة عائلية بس بجد دخلت القسم لاقيت مشاكلها كتير اوى ودا اللى عقدنى منها

والمسأله ان اى حد عاوز يجيب عربية جديدة لازم يحس بالفرق عن اللى معاه
وانا مش عاوز يكون مجرد الفرق كماليات فقط
طبعا وسائل الامان مهمة وهوا دا اللى خلانى احجز الهاى لاين الفئة اللى قبل الفولى لودد على طول

فيها ايرباج و abs

وبجد شكرا على النصايح والكلام والمناقشات دى انا استفدت منها كتير زى ما كل اللى بيفكروا فى العربية برضو
هيستغادوا منها

انا هحاول اعمل حصر بالعربيات خلاف الصينى اللى فى نفس الفئة السعرية برضو بحيث ان ربنا يكرمنا بالاختيار الصح

**dramir1** · 10-08-2011 06:22 AM

العربيه معايا بقالها 4 شهور عامل بيها 3700 كم هاي لاين وانا قلت لازم ارد عليك بكل امانه ::
المميزات:
ماشاء الله

1-موتور ناعم وهادي وعزل الموتور ممتاز .
2- تجميع العربيه فوق الرائع بمعنى لما جربت الكيك داون بتاعها لقيت العربيه بتتنفض وتسبق اي عربيه ماشيه جمبها"بس لو هتحرق بيها كتير استهلاك البنزين بيزيد كتير"
3- تكييف ممتاز"كفائته زادت كمان لما ركبت فيها عازل حراري امريكي 3m.
4-كرسي السائق بيطلع وينزل وقمت باضافة سفنج مضغوط في كرسي السائق لمزيد من الراحه.
5-العربيه شيك جدا والتابلوه ممتاز.
- الكاسيت فيه usb,aux,ipod
البلوتوث

:::عيوبها :
- العفشه الخلفيه زي السيراتو "تورشن بيم" فلو ركب اتنين ورا بيبقو مش مرتاحين خاصة في مطبات الهوا على الاتوستراد.
-الفرامل اول ماشترتها كانت ضعيفه شويه ولكنها اتحسنت كتير بعد 2000 كم

نصيحتي ليك:::: لو انت بتركب العربيه لوحدك على طول اشتريها ولكن لوعايزها عائليه دايما تشتري نيسان تيدا "بيزك ب115 وبلس 128ب الف جنيه هتبقى افضل منها وممكن تشوف النيسان ليفينا ناس كتير في المنتدى شكرت فيها وسعرها حوالي 116 الف وياسلام لو تشتري النيسان البلوبيرد عربيه غريبه في كمالياتها والراحه بس تمنها 145 الف وعيبها اعادة البيع مش قوي.
ولو مش مستعجل استنى شهر كمان واركبها 2012
يارب اكون افدتك ولا تنسي صلاة الاستخاره

**Screenplays** · 10-08-2011 06:37 AM

dramir1 شكرا علي التقرير السريع ده بجد كان نفسي حد من ملاكها يتكلم عنها بصراحه زي حضرتك

مع احترامى لحضرتك اولا عربية بحجم ووزن الاكسنت بماتور 124 حصان ازاى لو بتاع جرى ميجبهاش دي هيا عايزة واحد بتاع جري وسيبك من النقطة دي لو بتاع جرى ماشى يجيب السيراتو وانا شايف انها مش هتفرق عنها كتير معرفش صح ولا لا ممكن حد يوضح الحتة دي لكن ازاى هيجيب كارينز :b4_556: وعايز يجري بيها انا بصراحة مش معااك خااااالص ف الموضوع ده

طبعا العربيه جرايه زيها زي الفيرنا و بعدين انا رشحت السيراتو عشان نبعد عن الفتيس ال 4 سرعات عشان انا مجربه بصراحه صوت الموتور عالي و عدد لفاته كتير و السيراتو حاليا 6 سرعات يعني الموتور مرتاح و مفيش قرص و لا حاجه و صاحب الموضوع مستبعد الافانتي لاسباب معينه و كمان رشحت الكارينز عشان صاحب الموضوع يهمه المساحه و سعيد بالنقاش مع حضرتك

تشتري نيسان تيدا "بيزك ب115 وبلس 128ب الف جنيه هتبقى افضل منها وممكن تشوف النيسان ليفينا ناس كتير في المنتدى شكرت فيها وسعرها حوالي 116 الف وياسلام لو تشتري النيسان البلوبيرد عربيه غريبه في كمالياتها والراحه بس تمنها 145 الف وعيبها اعادة البيع مش قوي.
ولو مش مستعجل استنى شهر كمان واركبها 2012

متفق مع حضرتك

**yoko** · 14-08-2011 10:48 AM

حاجة بسيطة الفتيس ال4 نقلات والفتيس ال6 نقلات في أخر نقله الرابعة في الأربع نقلات وال6 في ال6 نقلات تقريبا حجمهم واحد وبالتالي في السرعات العاليه الإتنين واحد تفرق بس في السرعات القليله وفي الشد والجري بإفتراء غير كجه لأ يعني في السواقة العاديه الفرق الوحيد في إستهلاك البنزين والموتور هيرتاح شويه بسيطة