اسعار كبالن ومساعدين النترا الشكل القديم 2005 اوتوماتك
عندي العربيه لما بكون طالع ولافف الدركسون يمن او شمال بسمع زي خبط وطقه كده رحت للميكانيكي طلع بالعربيه وجربها و قالي انه ده كوبلن يمين عاوز يتغير
1- ياريت لو حد يعرف علامات تغيير الكوبلن وكيفية الكشف عليه يقول
2- وكمان عاوز اعرف افضل انواع كوبلن للعربيه واسعارها والافضل اغيرهم في التوكيل ولا عادي بره مع العلم ان العربيه عامله 100000 كيلو ( مائة الف كيلو ) وعامله صيانه في التوكيل لحد 95000 كيلو
3- عاوز اعرف ازاي اكشف على المساعدين وياريت اعرف افضل الانواع للانترا 2005 واسعارهم لاني لو لقيت مشكله فيهم اغيرهم بالمره
لاني بصراحه بحب العربيه دي جدا وانا مشتريها من 3 شهور وكانت عامله 95000 ومش عاوز افرط فيها
ورمضان كريم وكل عام وانتم بخير ،،،