-
انا بحب اعملها جداااااااااا من جوا ومن برا ممتعه جدااا وبعدين لما بخلص بلاقى شكلها حلو اوى الصراحه
بس بعملها قدام البيت بسسسسسس ولما الناس تنااام
مره كنت راجعه من الشغل والعربيه عليها تراب كالعاده كنت لسه جايبه العربيه بقى ومستحيل امشى بيها متربه كده
فقلت اعملها بالفوطه فى الانجاز كده
بدأت اعملها ولقيت المحلات اللى حواليا كلها واقفين بره بيتفرجوا
حرمت اعملها تانى قلت امشى بيها متربه احسن
-
نفض للناس واغسل العربية فى الشارع حد له حاجة عندك ... ولما حد يبصلك برقله وقوله فى حاااااااااااجة يا اخ
-
انا من كتر ما بغسل عربيتي بنفسي بقيت احسن واحد يغسل العربية
لازم لما اوديه المغسلة وارجع امسحها تاني ورا الراجل عشان انا عارف الاماكن كويس
وهما بيمسحوا كده وخلاص
انا لما برجع بمسح القزاز كويس بنفسي واجيب جرايد لو تطلب الامر
والقزاز من جوه
وكل كام يوم لازم اطلع اغسلها حوالى ساعة وببقى مستمتع بكده ومش بيهمني حد من اللى شايفني
-
انا بغسلها علي طول وبطلعها من الجراج كمان واغسلها قدام البيت وكل فتره بغسلها في البنزينه عشان تتغسل من تحت
-
غسيل العربيه في الشارع مزاج
في واحد جار ي كل يوم جمعه بعد العصر لازم يغسل العربيه ويرش ملمع للتابلوه
الراجل ملتزم بالموضوع ده من سنين طويله ولم يغير عادته
لكن بالنسبه لي بوديها المحطه كل اسبوعين او 3 لاني لو غسلتها في الشارع لازم بالخرطوم وباغرق الدنيا جدا والمدخل بيكون طينه فابريح دماغي
-
على فكره الموضوع ده ممكن يكون ترموميتر لمقياس الكبرياء عند الناس من عدمه فهو موضوع مهم جدا انما الكبرياء لله وحده
وافضل ان لا اتعامل مع مثل هذه الشخصيات بأى معامله الا اذا كنت مجبر على ذلك فأضطر التعامل معه لكن فى حدود حتى لا يخيم كبريائه لى وهذه هى نظرتى الشخصيه فى هذه الزاويه من الموضوع واحترم اى وكل رأى واخيرا اشكر صاحب الموضوع الشيق كهذا وكل التحيه وايضا الاخوه زملائى فى المنتدى والقائمين جميعا بالمنتدى كل عام وانتم بخير
-
بمسح الازاز بالعافية بتكسف جدا مش عارف ليه :$ و بحس ان الناس كلها بصالي مع ان مفيش حد معبرني اصلا :)
بسيبها للسايس و لما بحن عليها كل شهر او شهر و نصف بوديها للراجل في البنزينة و هو بيقوم بالواجب و زيادة كمان :)
-
انا ببقى مستمع جداً وانا بغسل العربيه تحت البيت وضارب طقم القوات الخاصه تيشيرت قديم و شبشب وشورت :d
وخرطوم ميه بقى وجردال وصابون وفرشه موكيت وهيصه ولا بعمل حساب لحد لان دى مملكتك والى مش عاجبو يشد فى حواجبو :d
وحتى لو روحت بنزينه علشان اغسل العربيه من تحت بتبقى ايدى مع الراجل وهو بينظف تلاقينى بالهوا جوه العربيه او فى الماتور اشطه بردو لما انت تغسلها ب ايدك مش بتسيب زره تراب فى العربيه وبصراحه انا بحب ايدى تبقى فى العربيه على طول
-
أخحلى حاجة انك تعمل حاجتك بنفسك بيبقى ليها طعم تانى و شكل تانى :M_yes[1]:
-
السلام عليكم
غسيل العربية متعب جدا علشان كدة توفيرا للوقت والجهد اللي هو بيساوي فلوس برده بعتمدعلى غسيل البواب وخلاص بس موضوع الكسوف والخجل مش مطروح بالنسبة لي
Content Relevant URLs by
vBSEO 3.6.0 PL2