إستطلاع رأي: هل تنكسف إنك تغسل عربيتك بنفسك؟؟؟؟

**poussi** · 10-08-2011 02:07 AM

انا بحب اعملها جداااااااااا من جوا ومن برا ممتعه جدااا وبعدين لما بخلص بلاقى شكلها حلو اوى الصراحه

بس بعملها قدام البيت بسسسسسس ولما الناس تنااام

مره كنت راجعه من الشغل والعربيه عليها تراب كالعاده كنت لسه جايبه العربيه بقى ومستحيل امشى بيها متربه كده

فقلت اعملها بالفوطه فى الانجاز كده

بدأت اعملها ولقيت المحلات اللى حواليا كلها واقفين بره بيتفرجوا

حرمت اعملها تانى قلت امشى بيها متربه احسن

**msa142** · 10-08-2011 02:10 AM

نفض للناس واغسل العربية فى الشارع حد له حاجة عندك ... ولما حد يبصلك برقله وقوله فى حاااااااااااجة يا اخ

**Medo007** · 10-08-2011 02:10 AM

انا من كتر ما بغسل عربيتي بنفسي بقيت احسن واحد يغسل العربية
لازم لما اوديه المغسلة وارجع امسحها تاني ورا الراجل عشان انا عارف الاماكن كويس
وهما بيمسحوا كده وخلاص
انا لما برجع بمسح القزاز كويس بنفسي واجيب جرايد لو تطلب الامر
والقزاز من جوه
وكل كام يوم لازم اطلع اغسلها حوالى ساعة وببقى مستمتع بكده ومش بيهمني حد من اللى شايفني

**rompo10** · 10-08-2011 03:49 AM

انا بغسلها علي طول وبطلعها من الجراج كمان واغسلها قدام البيت وكل فتره بغسلها في البنزينه عشان تتغسل من تحت

**hugan** · 10-08-2011 04:13 AM

غسيل العربيه في الشارع مزاج
في واحد جار ي كل يوم جمعه بعد العصر لازم يغسل العربيه ويرش ملمع للتابلوه
الراجل ملتزم بالموضوع ده من سنين طويله ولم يغير عادته
لكن بالنسبه لي بوديها المحطه كل اسبوعين او 3 لاني لو غسلتها في الشارع لازم بالخرطوم وباغرق الدنيا جدا والمدخل بيكون طينه فابريح دماغي

**nouranwar** · 10-08-2011 05:43 AM

بمسح الازاز بالعافية بتكسف جدا مش عارف ليه :$ و بحس ان الناس كلها بصالي مع ان مفيش حد معبرني اصلا :)
بسيبها للسايس و لما بحن عليها كل شهر او شهر و نصف بوديها للراجل في البنزينة و هو بيقوم بالواجب و زيادة كمان :)

**Mr7mix** · 10-08-2011 06:36 AM

انا ببقى مستمع جداً وانا بغسل العربيه تحت البيت وضارب طقم القوات الخاصه تيشيرت قديم و شبشب وشورت :d

وخرطوم ميه بقى وجردال وصابون وفرشه موكيت وهيصه ولا بعمل حساب لحد لان دى مملكتك والى مش عاجبو يشد فى حواجبو :d

وحتى لو روحت بنزينه علشان اغسل العربيه من تحت بتبقى ايدى مع الراجل وهو بينظف تلاقينى بالهوا جوه العربيه او فى الماتور اشطه بردو لما انت تغسلها ب ايدك مش بتسيب زره تراب فى العربيه وبصراحه انا بحب ايدى تبقى فى العربيه على طول

**mohkhattab** · 10-08-2011 10:59 AM

أخحلى حاجة انك تعمل حاجتك بنفسك بيبقى ليها طعم تانى و شكل تانى

**icahmed** · 10-08-2011 11:07 AM

السلام عليكم
غسيل العربية متعب جدا علشان كدة توفيرا للوقت والجهد اللي هو بيساوي فلوس برده بعتمدعلى غسيل البواب وخلاص بس موضوع الكسوف والخجل مش مطروح بالنسبة لي

الموضوع: إستطلاع رأي: هل تنكسف إنك تغسل عربيتك بنفسك؟؟؟؟

LinkBack

أدوات الموضوع

عرض

-

-

-

-

-

-

-

المواضيع المتشابهه

ظبط عربيتك بنفسك :)

ايه المانع ان تغسل عربيتك بايديك

غير لون عربيتك بنفسك

هل من العيب ان تغسل سيارتك بنفسك ؟؟؟؟؟؟

اتعلم ازاى تغسل عربيتك

الكلمات الدلالية لهذا الموضوع

المفضلات

المفضلات

ضوابط المشاركة