على الطبيعه بجد
تححححححححفه
عرض للطباعة
على الطبيعه بجد
تححححححححفه
اعربية دى جامدة جدا جدا جدا جدا جدا تسلم غيدك على الصور
جامدة ماشاء الله
العربية ديه جامدة جدا
بصراحة أنا حاسس إنها مدية على ياباني و كوري قوي
أنا لما بشوفها ع الطبيعة بافتكر الكيا أوبيروس
مرسيدس عندها أزمة في التصميم
جــامده جـــــــــامد........بس أعتقد إن "عــم عيد" الميكانيكي إلـــي علي أول الشارع...فى هييفهم فيها كويس......!!!!!!
شكلها علي الطبيعه وبعد انتشارها... جميل جدا
بس برضه مش عاجبني شكل الفوانيس الخلفيه
مه انها حلمي الموديل ده
الW212 ...تحفة
انا ركبت الE300 جميلة جدا و افضل من الموديل اللي قبلها
الموتور V6 3000 سي سي اكتر من 225 حصان تقريبا الفتيس 7 غيار ورا الطاره لو عايزه مانيوال
السحب ممتاز اول ما ركبت قرصت عليها جامد ماشاء الله استجابت بسرعة حوالي 7او 8 ثوان لل100 ...طبعا لقيت نفسي برجع لورا كده و الادرنالين عمل شغله جبت بيها لحد 150 الطريق ماكنش مساعد اصلا بس كعاده المرسيدس ماتحس بالسرعة نهائي و عزل الهواء فوق الممتاز ...الثبات تحفة تحس ان العربية لازقه في الارض في الملفات و العفشة الAirmatic و ممكن تحولها Sportmode الثبات بيزيد و الغفشة فيها تكنولوجيا معينة بتتاقلم مع طبيعة الطريق و دا بيخلي العربية مريحة اكتر و اكتر و الفرامل ممتازة ممتازة و فيها نظام الBAS زي الS-class الW221 و الفوانيس فيها حاجة اسمها Adaptive beam Assist دا في النور العالي كل شويه النور يعلي و يوطي علي حسب لو في عربية قدامك عشان ما يضايقش اللي سايق قدامك ....نظام ظريف اووي عجبني طبعا حاجات كتير كده من كتر الاختصارات مش عارف احفظها
العربية من جوه شيك نفس نظام تابلوه الS-Class حته فوق الشاشه لوحدها و مكملة في العدادت ...طبعا مريحة جدا و خصوصا الكراسي اللي قدام و لها 4 اوضاع كهربا و ميموري و استخدمها سهل و مساج لسبع مناطق و تكييف ورا منفصل ممكن تتحكم فيه من قدام او من روا ...ممكن تتحكم بالطاره في معظم الحاجات (الاوديو و التليفون ) و في اماكن تحط فيها الاكواب و حاجات زي دي
طبعا جلد طبيعي و الابانوس في التابلوه و الابواب ...انا شخصيا محبتش الطاره ...الطاره القديمة الاربعة ريشه احسن طبعا جودة الصناعة فائقة و الخامات عالية جدا زي كل المرسيدس و كمان احسن من الموديل اللي قبلها
بما اني مش من هواه الكماليات مسالتش عليها اصلا
و انا بركن لقيت العداد كده في حاجة اسمها Parking .... مش فاكر الباقي دا كان في الموديل اللي قبلها بردو بيقولك تجيب الطاره يمين او شمال ترجع او تطلع
رايي النهائي بعد ما سوقتها انها ممتازه جدا جدا و شكلها شيك جدا جدا و خصوصا الفوانيس اللي ورا و فوانيس الشبوره و حفظت علي الشكل الكلاسيكي للمرسيدس لان المرسيدس اصلا مش عربية رياضيه و احسن من الموديل السابق
^^^^^^^^^^^^^^^^^^^
تقرير مختصر ممتاز
سعرها فى مصر كام تقريبا؟؟؟
الموديل ده بالزات حلمي اني اشتريه, وفعلا السيارات فوق 2000 سى سى مش سيارات جري وشد ...لالالا ... دي حاجه للرفاهيه والمتعه والفخامه...لاني مجرب 2000 سى سى ركوب تاني واحساس تاني
مع انها ساعة الشد بتطلع الاولي
ربنا يرزقنا
شكرا صدقتي لو اعرف عن العربية اكتر كنت كتبت بس المرسيدس الجديد انا مش مهتم ببه اد كده
علي ما اتذكر صاحبها قالي 675 الف موديل 2009 Avantgarde ......ربنا يكرمك و تجبها ان شاء الله
هيا المواتير الكبيره بتفرق في الركوبه و العمر الافتراضي و السفر و طبعا الاداء بس لو اتعودت عليها مش حتعرف تركب غيرها ......انا مش بحب الشد و الجري و الكلام دا بس الفكرة في الاحساس و التعود
انا كان معايا 6 سلندر و دلوقتي 8 و لما بركب عربيه موتورها صغير مش ببقي مستمتع ....انا متعود علي الموتور كبير و صوته قوي ادووووس ينعر و يسحب ....و نفس الفكرة لما حد يركب معايا الاقيه ماسك في التابلوه كده و يقلي انت بتجري ليه يا عم ...مع اني ممكن اكون مش بجري اصلا بس الفكرة التعود