مليت الأستمارة و عايز أشتري العربية فضلاً ساعدوني

المبلغ المتاح / يفضل (80000) - اقصى حد (90000)
نوع العربية / زيرو
إمكانية التقسيط فى حالة الزيرو / يفضل تقسيط
خبرتك فى السواقة وسكك الصيانة / خبرة
شكل العربية / سيدان - مش فارقة
الموديل / 2008
إستخدام السيارة فى الاغلب / داخل المدينة و خارج المدينة فى سفريات انتقالاتك بالعربية / - دايماً معاك ناس
الكماليات المرجوة / جميع الكماليات
إستهلاك البنزين / مش فارق
ةقطع الغيار / فى المعقول
اماكن الصيانة / يفضل توكيل
التفرغ لأعمال الصيانة / عندي وقت
الاستمرار بالعربية لفترة / هاتستمر بيها فترة طويلة (خمس سنوات لو في عمر بأذن الله)
سعر إعادة البيع / مش عايز تخسر كتير
اهم حاجات بتدور فيها على العربية /
- قوة تحمل
- قلة اعطال
- الشكل الحلو
- و أخيراً قولولي إيه رأيكم : نوبيرا و لا أوبترا و لا ماتريكس و لا صيني ( بي واي دي أو سبيرانزا مثلاً) و أمري لله

proton
3ndk waja or gen 2

اوبترا او صيني (راي الشخصي)

الجين2 أو واجا

شكرا يا wildeagle انك مليت الاستمارة و سهلت علينا كتير فى الترشيح
كل اللى انت عايزة إن شاء الله فى

الكيا سيراتو الجديدة

جين 2 ...عتقد اختيار متاح برضه

نيسان صنى اكيد

نيشان صني كويسة و مناسبة

شكراً لكل الأخوة اللي أهتموا بالرد على طلبي أنا شايف ان معظم الردوود كانت جين 2 ، انا جربتها هي كويسة بس ضيقة و شبابي و متناسبش أسرة علشان كده انا استبعدتها من الخيرات
انا حالياً بفاضل بين الخيرات الموضوعة :- نوبيرا - اوبترا - ماتريكس (انا ضيفت الصيني علشان انا شفت العربية BYD هي عربية جميلة و تقفيلها كويس بس الخوف من توكيلها اللي سمعته وحشة توكيل الأمل للسيارات)

شكراً seatlover على اهتمامك وأختيارك بس السيراتو مع أنها عربية جميلة وبقالها مدة بالخليج لكن سعرها هنا مبالغ فيه جداً (مرة اتعمل عليها عرض هناك هيا و الكيا ريو ووصل سعرهم ل 27 الف ريال فقط و التاجر كان كسبان كمان)

بص يا أخي الفاضل إستبعد الصيني خالص في الفترة الحالية لغاية ما يثبت نفسه
من الاختيارات اللي حضرتك بتفضلها اوبترا كويسة جدا ...لو حضرتك دخلت منتدى إلشيفرولية حتلاقي معلومات عنها كتير و فيه كمان موضوع متميز للاخ الفاضل aif بالصور
ربنا يوفقك إن شاء الله

سيراتو - ماتيريا - صني

بلاش صيني.

وانت لية متفكرش فى الياريس
دا حتى الاستمارة بتقول ياريس!!!

السلام عليكم..
انا شايف الاختيارات المتاحة بدأت تنحصر في عربيتين او تلاتة بالكتير..
نيسان ضني - كيا سيراتو - اوبترا..
مع الابتعاد عنكل من الجين تو للشكل الشبابي و ضيق المساحة..
و الصيني لعدم استحقاقه جدارة الشرء لحد دلوقتي (في نظري يعني) و كمان في بدائل كويسة بسعر قريب يبقي ليه نجازف..
و الماتريكس بسبب سوق و قلة ضمير التوكيل..
الاوبترا انا شايفها كويسة ولكن.. يعيبها عدم وجود اير باجز ولا ايه بي اس.. ودي مشكلة..
الصني فيها كل ده بس تقفيلها مصري.. مش مشكلة كويسة قوي..
السيراتو مش عارف فيها اير باجز و ايه بي اس ولا لأ بس غالبا فيها.. كويسة جدا برضه وخاصة بعد التوكيل الجديد ده ما فتح.. بيعمل خدمات كويسة قوي..

اما فيما يخص تعليقك عن سعرها.. سعرها في السعةدية اصلا قليل.. وده عشان العربية مالهاش سوق هناك اصلا,. و بعدين نقول 30 الف ريال.. يبقي حوالي 47 الف جنيه او اقل شوية..
خط عليهم الجمارك و هامش ربح التجار و الضرايب و الكلام ده.. عيبقي سعرها ده معقول..
وبعدين متنساش ان اسعار كل العربيات هنا في مصر مبالغ فيها جدا مش السيراتو بس.. ولا ايه..؟؟
عموما شيل الاوبترا من الاختيارات..
تبقي ليك صني و شكلها قيم جدا و برستيج و شيك.. و السيراتو برضه شكلها شيك قوي و شبابي نسبيا..
وربنا يوفقك في الاختيار إن شاء الله..

نيسان صني
نيسان صني
نيسان صني
تويوتا ياريس
هوندا سيتي
كيا سيراتو
نصيحة اخويه انسى الابترا منغير زعل من اصحابها

طبعا الياريس دلوقتي اختيار كويس جدا و ده نتيجة ارتفاع اسعار البنزين..
موتور 1300 موفر جدا و مساحة داخلية كويسة..
بس يعيبها الجسم الضعيف جدا جدا جدا للسيارة بصراحة..وده عن تجربة مع واحد صاحبي..
بيغير بابين عشان فسبا دخلت فيه من الجنب..

برتون جين 2

الأخوة الأعزاء شكراً جزيلاً لردودكم و مساعدتكم و تستحقون فعلاً بجدارة احسن منتدى سيارات على النت ، بالنسبة للسيارة نيسان صني ، الشكل الموجود في مصر مش هو اللي بينزل دلوقتي ، ده الشكل القديم ، و الشكل الجديد أشيك بمراحلو بقالة أكتر من سنة نازل الخليج لكن مش عارف حينزل مصر امتى و ده اللي خلاني مفكرش فيها دلوقتي ، عامة الاختيارت تم حصرها في التويوتا ياريس أو الهوندا سيتي،،،

بس مش عارف ليه الأستاذ أبو مارو زحلق الأوبترا ؟؟؟؟؟ طب الماتريكس و توكيلها برضة متعب لكن الأوبترا ؟؟؟ و برضه محدش جاب سيرة النوبيرا مفيش أي تعليق عليها

انا فعلاً محتار و محتاج اشتري سيارة خلال الشهر ده إن شاء الله و يكون الوكيل بيسلمها على طول مش يقولي تعال كمان شهرين تلاتة

أسف على الإطالة

نيسان صني

اوبترا

النوبيرا و الاوبترا واحد..
و مشكلة الاتنين انهم كوري..
ومفيش فيهم حاجات اساسية زي الاير باجز و الايه بي اس..
ودول دلوقتي بقوا حاجة مهمة جدا..
اي عربية تانية من السابق ذكرهم فيها الحاجات دي..

1/ سيريون 1.5
2/هوندا سيتى

اقتباس:

---

المشاركة الأصلية كتبت بواسطة wildeagle

بالنسبة للسيارة نيسان صني ، الشكل الموجود في مصر مش هو اللي بينزل دلوقتي ، ده الشكل القديم ، و الشكل الجديد أشيك بمراحلو بقالة أكتر من سنة نازل الخليج لكن مش عارف حينزل مصر امتى و ده اللي خلاني مفكرش فيها دلوقتي

أسف على الإطالة

---

انا ملاحظ انك بتقارن بالخليج
شيله من دماغك علشان تعرف تفكر
انت في المحروسة
ِشكل قديم في الخليج = جديد في المحروسة
سعر اغلى من الخليج = سعر مناسب في المحروسة

الصني و السيراتو و الياريس هما دلوقتي خياراتك الأفضل
و لو هاترتب
اعتقد
ياريس : بلا عيوب جوهرية - حجم مناسب - ارتفاع مناسب - استهلاك وقود ممتاز
سيراتو : كانت مشكلتها التوكيل و أهو اتغير و عربية زي الفل و فيها صالون جميل و ذكي
صني : بص الأيد المصري لمستها و ضربت مشرط في سمعتها :) اقرا كدا في نيسان هاتشوف العجب
توكيل غير محترم كفاية و في عيوب في الجسم ......طب وليه ؟؟؟؟؟؟

لو تقارن بين الاوبترا والماتريكس
الاوبترا عربية سيدان واسعة شنطة كبيرة تقفيل كورى
الماتريكس عربية mbv واسعة من جوة تقفيل تركى شنطتها معقولة موتورها 1600 نفس موتور الفيرنا والانترا والكوبية والجيتز
حضرتك ممكن تركب الاتنين والية يعجب حضرتك اتكل على الله واشترية

زكده بي عندك في الاختار عربيتين ياباني المنشأ..
واحدة ياباني تقفيل جنوب افريقي علي ما اعتقد. (الياريس.. نمش عارف اللي بتتباع هنا لسة ياباني تماما ولا لأ..)
و ياباني تقفيل مصري وهي الصني..
و بعد كده في كوري بقي..
السيراتو تقفيل كوري 100%
و الماتريكس كوري تقفيل تركي
الاوبترا تقفيل كوري 100%

انا في رأيي الترتيب اللي بارشحه هو اللي كاتب بيه العربيات..
بس اتأكد الاول ان السيراتو فقيها اير باجز و ايه بس اس.
ووعشان كده باقولك الاوبترا و الماتريكس مش فيهم الاوبشنز دي.. شياهم من حساباتك..
انت مش هتدفع المبلغ الكبير ده كله في عربية مفيهاش عوامل الامان المهمة جدا دي..
خلي النقطة دي في اعتبارك..

انا متشكر جداً لأهتمامكم وردودكم عليا بصراحة تجاوبكم اكثر من رائع بس انا كده تهت منكم أكتر يعني بأختصار المرشحون هم :
1. كيا سيراتو
2. ياريس
3. اوبترا
4. ماتريكس

طب معلش سؤال أخير أنهي توكيل بيسلم العربية على طول بدون فترة انتظار شهرين و ثلاثة

ملحوظة للأستاذ أحمد سامي / أخي العزيز أنا بقارن بالخليج لأن هنا هو سوق السيارات الفعلي و السيارة سمعتها او تقيمها هنا بيكون أحسن لأنهم بيبهدلوا العربيات (تفحيط وشد) و العربية اللي بتستحمل سواقتهم بتكون منتشرة و على فكرة هنا برضة في جمارك لكن نسبتها 7 % من قيمة السيارة يعني تخيل السيارة بيضاف عليها 7% جمارك و غير نسبة ربح التاجر (10 - 12 % ) و مع ذلك سعر السيارة أرخص من نصف سعرها في المحروسة يبقى سعرها من المصنع كام ، ده غير ان السيارات الخليجي بيكون ليها مواصفات أخرى و انت أدري بذلك ،،،
على فكرة انا كنت نزلت سيارة ألنترا عام 2006 من هناك لكن تعنت التوكيل في عدم صيانتها خلاني مفكرش أعملها تاني و بعتها مع أنها كانت أكثر من ممتازة (قدر الله وما شاء فعل) راحت لنصيبها .......

أخوك
د/ محمد

معلش يا wildeagle بس انت اللى توهت نفسك
اولاً الاستمارة دى للاستهلاك المحلى فقط ...ولا تصلح للخليج مطلقاً
-لو كنت عايز تعرف مناسبة العربيات دى هناك معاهم اية ..فادة انت ادرى بية مننا
واظن ان مفيش ولا واحدة تسد معاهم
- لو كنت عايز تعرف مناسبة العربيات دى هنا اية
فا ذى ما قولتلك حل الاستمارة بتاعتك ينطبق على (الكيا سيراتو )
واى عربية تانية من اللى اتذكروا فيها نقطة ضعف تتعارض مع بنود الاستمارة اللى انت قولتها

معلش انا بقولك كدة بس من منطلق حرصنا على مصلحتك

اقتباس:

---

انا متشكر جداً لأهتمامكم وردودكم عليا بصراحة تجاوبكم اكثر من رائع بس انا كده تهت منكم أكتر يعني بأختصار المرشحون هم :
1. كيا سيراتو
2. ياريس
3. اوبترا
4. ماتريكس

---

دا انت شكلك مش طايق الصنى خالص ....

لو كده يا لو عايز عربية 1600 وموتور قوى يبقى سيراتو
لو عايز عربية 1300 اقل استهلاك للبنزين وعربية محترمة يبقى ياريس

بس كده

اقتباس:

---

المشاركة الأصلية كتبت بواسطة SEATLOVER

معلش يا wildeagle بس انت اللى توهت نفسك
اولاً الاستمارة دى للاستهلاك المحلى فقط ...ولا تصلح للخليج مطلقاً
-لو كنت عايز تعرف مناسبة العربيات دى هناك معاهم اية ..فادة انت ادرى بية مننا
واظن ان مفيش ولا واحدة تسد معاهم
- لو كنت عايز تعرف مناسبة العربيات دى هنا اية
فا ذى ما قولتلك حل الاستمارة بتاعتك ينطبق على (الكيا سيراتو )
واى عربية تانية من اللى اتذكروا فيها نقطة ضعف تتعارض مع بنود الاستمارة اللى انت قولتها

معلش انا بقولك كدة بس من منطلق حرصنا على مصلحتك

---

الف شكر ليك SEATLOVER حنزل أتفرج عليها و لو تم أختيارها حبلغكم إن شاء الله

اقتباس:

---

المشاركة الأصلية كتبت بواسطة Freekiko

دا انت شكلك مش طايق الصنى خالص ....

لو كده يا لو عايز عربية 1600 وموتور قوى يبقى سيراتو
لو عايز عربية 1300 اقل استهلاك للبنزين وعربية محترمة يبقى ياريس

بس كده

---

لا أبداُ و الله يا أستاذ فري كيكو مع أن ال BYD عجباني جداً و غير انها تشمل كل وسائل الأمان و معايا صديق عندة شغال بيها زي الطحونة و مبسوط بيها لكن مفيش حد في المنتدى شكر لي في الصيني و كله بيحذرني منه
فقلت خليني مع صوت الجماعة و بلاش الأنفراد و شكراً لأهتمامك

هو بيقولك الصني.. نيسان صني يعني
مش العربيات الصيني..
العربيات دي تنساها نوهائي.. :)

صينى مين حرام عليك ... انا جبت سيرة صينى خالص

على رأى احمد العربيات دى تنساها نوهائى

معلش سامحوني الياء وقعت من نظري شكلي كده حبتدي ألبس نظارة :-)

ولا يهمك يا باشا..براحتك خالص..