محتاجكم جميعا .. ياريت حد يرد عليه .. ضرورى

**medociv** · 11-08-2011 02:55 PM

كل سنة وانت طيب يا احمد ورمضان كريم
ونتمنى انك تكون بخير

**aboamr** · 11-08-2011 04:25 PM

كل سنه وانتم طيبين جميعا وبالاخص الاخ احمد اللى بصراحه عامل شكل وطعم ولون للقسم وبيلم شمل الاعضاء ويارب يكون الجميع بخير بس العنوان بيخض يااستاذ احمد

**Ahmed.TV** · 11-08-2011 11:56 PM

المشاركة الأصلية كتبت بواسطة ehabvet

جزاك الله خيرا على السؤال
حظي حلو إني أول واحد يرد
الحمد لله عن نفسي أنا بخير
بس رمضان من كل سنة تقريبا مبدخلش عالنت نهائي لأن الوقت بيكون ليه تقسيمة تانية خالص
ولسه كمان لما أدخل الاعتكاف العشرة الأواخر
بس متقلقش .. ناويلكم بعد رمضان على شوية مواضيع حلوة
وكل عام وأنتم جميعا بخير

احنا حبينا نطمن عليك يا دكتور .. ومستنيك على خير بعد رمضان والمهم انك بخير .. ودعواتك

المشاركة الأصلية كتبت بواسطة hanyemad123

انا موجود اهو يا حج احمد

علشان ما تحستش بغربه كل يوم بخش على المنتدى و اطمن على قم نيسان :y_hi_3[1]:

يا هانى باشا بيشرفنا وجودك معانا دايما .. وعمرنا ما بنحس اننا فى غربة طول ما قسم نيسان فى ناس زيكم روحها حلوة وكبيرة كدا

المشاركة الأصلية كتبت بواسطة ali_abo_amr

تماااااااااااام يافندم ... موجود :)
وحشنى والله يا ابوحميد ونفسي اشوفك ...
وتسلم على سؤالك علينا والله ... كبير من يومك

حبيبى يا علوة وحشنى كتير ووحشنى قعدتك يا حبى .. وان شاء الله نشوفك قريب ونتجمع على خير من تانى

المشاركة الأصلية كتبت بواسطة م/محمد

يا احمد انا موجود باستمرار و كلنا جنبك وجنب بعض و هذا ما يميز قسم نيسان فعلا ان علاقاته ثلاثيه الابعاد - بعدين في الشاشه و بعد بره الكمبيوتر خالص-
و احنا علطول بينا تليفونات ليه الاحساس العميق بالغربه بس
و بعدين ياسيدي اول ما صلاه العيد تخلص هنكون مدورين وطالعين علي دهب عند اسامه

مفيش غربة ولا حاجة .. وانا حبيت اطمن على الناس وعليكم جميعا .. قولت اطمن بس ان كل الامور تمام .. ومعاك فى اى طلعة يا حبى

المشاركة الأصلية كتبت بواسطة atefadel

انا حاسس ان القسم بقي فاضي خالص
بس علشان رمضان مخلي الاوقات والشغل مختلف
انا بسهر في الصيدلية لغاية الساعة 2 وبفتح متأخر

ربنا يقويك يا دكتور .. ونشوفك على خير دايما .. وان شاء الله نتقابل فى اقرب فرصة عشان نتعرف عليك

المشاركة الأصلية كتبت بواسطة sedyrohy

انا هنااااااااااااااااااااااا ااااااااااااااا

ظروف السفر منعتني

و انتظروا اقوى الموضوعات باذن الله

منورنا دايما يا معقدنا بموضوعاتك وتعديلاتك .. اعمل حسابك يا محمد حتكون معانا فى المقابلة الجاية باذن الله

المشاركة الأصلية كتبت بواسطة mohamedbook

ربنا يخليك ياحمد
دائما سباق بالخير
رمضان كريم
بس الحر والصيام والشغل بيخلوا الواحد فاقد الوعي
انا اول ماقريت الموضوع اتخضيت وقلت خير اللهم اجعلة خير

لازم نخضكم عشان نطمن عليكم .. وتسلم على تليفونك يا غالى .. ووحشنى كتير يا محمد والله

**Ahmed.TV** · 12-08-2011 01:03 AM

المشاركة الأصلية كتبت بواسطة peaceman

طبعا اسمي مش موجود لكن بأعلن اهتمامي بالسؤال برده علي الاحباء اللي في اللستة الكبيرة ديه و يارب يكونوا بخير و دايما في صحة جيدة و يشاركونا اول بأول في المنتدي للاطمئنان عليهم

و شكر من كل العمق لأخويا احمد مصطفي علي محبته الغالية لأهتمامه بالسؤال علي الاعضاء دائما ً و طبعا ده لمحبتك الواسعة يا احمد

حبيبى يا بيشوى .. انا مجبتش سرتك عشان احنا بنطمن على بعض على طول وربنا مايحرمنى منك .. ده بس عشان الناس اللى بقالها فترة غايبة من قبل رمضان .. وبنطمن ان الامور كلها بخير
وبردوا سونة ووليد عادل بنطمن عليهم وعشان كدا ما جبتش سيرتهم لانهم محفورين فى قلبى وبنطمن عليهم على طول

واستاذ يوسف بردوا شايفه منور القسم دايما بمداخلاته

بس فعلا فى اعضاء عاوزين نطمن عليهم
انا اطمنت على محمد فوزى 6 اكتوبر وعلى محمد نجيب
عاوزين نعرف اخبار طارق مومو ايه

المشاركة الأصلية كتبت بواسطة abo_anas

ربنا ما يحرمناش منك يا بو حميد يابو قلب كبير . انا قولتها من زمان انت كالغيث اينما وقع نفع.

جزاك الله خير على اهتمامك بينا وبمشاكلنا . وربنا يجعلوا فى ميزان حسناتك.

بس بالحق انت ماسألتش على سووووووووونه ليه؟؟؟؟؟

نفسنا نتعرف عليك فى مقابلة باذن الله يا ابو انس .. وتسلم على كلامك الطيب والغالى
وسونة ده حبيبى .. ياريت لو ينفع نسكن جنب بعض انا وهو .. مبقدرش استغنى عنه ابدا
لانه نعم الاخ

المشاركة الأصلية كتبت بواسطة sonasteel

ههههههههههههههه ....... الله يسامحك يا بو حميييييييييد
انا شعر ايدي وقف لما قريت العنوان ...... ربنا يسترها معاك يا حبيبي في الدنيا والاخرة .
وربنا يجزيك يابني عنا كل خير ..... انا مش عارف اقولك ايه .... ربنا يجعلك بكل كلمة خير وكل سؤال عن اخيك حسنة و يجعلها في ميزان حسناتك ....... !!!

سألت عليك العافية يابو أنس ... ويباركلك في أنس ويرزقك بره ويكفيك شره :))

حبيبى يا سونتى .. ربما ما يحرمنى منك ابداااااااا ياغالى با ابن الغاليين
ربنا يديم المحبة والحب بينا يارب .. فعلا انت ونعم الاخ الحقيقى

المشاركة الأصلية كتبت بواسطة fbiahmed

انا موجود اهو و خدت دوا ضد الوسوسه و منتظر النتيجه ازيك يا استاذ احمد

لا يوجد اى دواء ينفع معاككككككككككك .. انت محصن .. بس لما نشوفك يوم الجمعة

المشاركة الأصلية كتبت بواسطة samsong

معاك علي طول واي حاجه ااااامر ياابوحميد
بس الموبيل ضاع وطبعا جبت sim جديد والارقام كلها ضاعت ودخول رمضان وهو حقه علينا انه ياخد كل الوقت
في انتظار الارقام كل الحبايب بدل ماادور في المشاركات والنت وحش قوي هنا علشان علي التليفون الارضي
وكل سنه وانتم طيبين

وحشنا كتير يا سامى بيك .. ونفسنا نشوفك بجد .. وبتنورنا دايما معاانا فى قسم نيسان .. وباذن الله حكلمك حضرتك عشان اطمن عليك باذن الله

المشاركة الأصلية كتبت بواسطة goudamahdy

السلام عليكم ورحمة الله وبركاته

موجودين دايما ان شاء الله .....

والله الواحد بيحس انه في أهله .... طب دا أنا تقريبا يوميا بادخل ع المنتدى والله إلا في أيام النبطشيات ....

وسعيد جدا بانضمامي ليكم ولأسرتكم الحبيبة دائما لقلبي....

نتمني من الله ان يتقبل منك يا أستاذ أحمد كل الخير ويضاعف لك الأجر والثواب ولكل المسلمين..... اللهم آمين

ربنا يباركلنا فيك وفي كل أعضاء المنتدي

ربنا يخليك يا دكتور وتسلم على دعواتك الغالية دى ويارب تكون من نصيبى .. ونفسى التقى بيك حقيقى واتعرف عليك .. انت من الناس المحترمة والغالية على قلبى حقيقى
وربنا يقويك ومقدرين ظروفك بس حبينا نطمن عليك

المشاركة الأصلية كتبت بواسطة ahmed_hanafi

السلام عليمك ورحمة الله وبركاته

أولا: جزاك الله خيرا علي سؤالك علينا
ثانيا: ان متابع كل مواضيعك باهتمام بس والله غصب عني شوية ضغط شغل ورمضان كمان كل سنة وانت طيب

دايما انت بتحرجنا بكرم اخلاقك وذوقك
وجزاك الله خيرا علي مواضيعك الممتازة

وعايزين نتقابل تاني قريب بس يكون بعد رمضان علشان بجد انتو وحشتونا اوي

وكمان عايز اشكرك علي الموضوع دة اللي انت عملتو وخليتنا نتلم كلنا مع بعض تاني

بجد ربنا يبارك لك علي مجهودك الكبير معانا ويجازيك خير عنا
ومتزعلش مني لو كنت مقصر في السؤال عليك
بس غصب عني والله
واكيد هكلمك قريب ان شاء الله

السلام عليكم

حبيبى يا بوحيمد .. والله وحشنى جدا من اخر مرة اتقابلنا فيها .. وياريت نشوفك تانى ..
وربنا يقويك على ضغوط الحياة .. حبينا بس نطمن عليك .. لانك غالى عندنا فعلا

وحستنى تليفونك باذن الله

**mohamednagib** · 13-08-2011 10:40 AM

موجود يا فندم .....

وربنا يسامحك يا فندم ...

على الخضة اللي خضيتهالنا يا فندم ....

و تم الرد على التليفون يا فندم ......

والله الواحد مش عارف يقولك ايه بس يا احمد .... يوم عن يوم بتثبت لي ان فعلا ( الكبير قوي )

**BassamHafez** · 13-08-2011 02:30 PM

حبيبي والله يا ابوحميد

انا فعلا كنت مقل الفترة اللي فاتت عشان الشغل ورمضان بس الحمد لله اني قدرت اجي الفطار بتاع المنتدي عشان اشوفكو وكان يوم خفيف ولذيذ

والف مبروك التكريم يا ريس

**SonaSteel** · 13-08-2011 02:57 PM

المشاركة الأصلية كتبت بواسطة aiman0173

فعلا رب أخ لك لم تلده أمك

هو ده قول مأثور ؟؟؟ ...... جميل اوووووي :))

-

-

-

الموضوع: محتاجكم جميعا .. ياريت حد يرد عليه .. ضرورى

LinkBack

أدوات الموضوع

عرض

-

-

-

-

-

المواضيع المتشابهه

اشتريت بولو 2001 بالله عليكم ردوا عليه ضرورى

لكل من تكالبت عليه الهموم وضاقت عليه الدنيا وغلب عليه التشاؤم

سؤال ياريت المنتدى كله يرد عليه :)

محتاج فتيس ضرورى جدا جدا ومحدش بيرد عليه

سؤال بسيط ياريت حد يرد عليه

الكلمات الدلالية لهذا الموضوع

المفضلات

المفضلات

ضوابط المشاركة