عايز اعرف احسن محل لتسقيط المواتير فالحرفيين مين ويكون مضمون وشغله نضيف وبيفهم؟
تاني حاجة ايه المواتير اللي ينفع تركب للشارك وبتككلف كام؟
عرض للطباعة
عايز اعرف احسن محل لتسقيط المواتير فالحرفيين مين ويكون مضمون وشغله نضيف وبيفهم؟
تاني حاجة ايه المواتير اللي ينفع تركب للشارك وبتككلف كام؟
انا رائي المواتير اللي تنفع للشارك هما ال 2000 و ال 2400اقتباس:
المشاركة الأصلية كتبت بواسطة khaledmekawy2008
و الاتنين mivec
انت ممكن تسقط ال 2000 اللي بتنزل بيه بره
او تسقط اللي بينزل في اللانسر ايفوليوجن
او ال 1600 المايفك برده بيدي قوة 165 حصاااااااااان صافي
هو انضف واحد في التعامل والفهم هو tps بس اسعاره مبالغ فيها جداً
بالنسبة للمواتير قدامك
4B12 2.4 L DOHC I4,
4B11 2.0 L DOHC I4,
4B10 1.8 L DOHC I4,
4A91 1.5 L DOHC I4,
ومينفعش حاجة تانية وانصحك بـ 4b12 هو 2400 سي سي مايفيك 170 حصان وعزمه 232 نيوتن.متر
ومعرفش الاسعار
يا باشا دا موتور كريستالة مينفعش في الشارك خالصاقتباس:
المشاركة الأصلية كتبت بواسطة basemsaeed
والـ1600 مايفيك الجديد اللي بقى ينزل في اللانسر الاوروبي 120 حصان وعزمه 154 نيوتن.متر وصعب تلاقيه لانه 2011 وكمان فرق القوة ميستاهلش انك تغير موتورك
اسف للتدخل فى الموضوع
هى المواتير المايفك الى بتتباع دى استيراد ولا جديده
قصدى مستعمله بره ولا زيرو
اسف للسؤال اصل خبرتى قليله خالص فى الموضوع ده مع انى بفكر اروح tps بس بفكر اغير المكوه واجيب 1600 ولا اسقك 1800 والتكاليف فى حدود كام ومين افضل
بيكون متشال من عربيات استعمال الخارج ومتقطعة نصين
بس نصيحة لوجه الله بلاش عادل وجدى عن تجربة انا سقت برة وعملت صيانات وعفشة عنده وكان عندى مشاكل الحمد لله عملتها لما فوقت انا للعربية غالى على الفاضى وكمان طلع بيعدل بالبركة وعندى الدليل وبالنسبة للمواتير عموما كلها استيراد مفيش زيرو وشوف انت ينفع عندك مواتير ايه انا اللىاعرفه انه صعب مواتير الكريستالة تتسقك على البومة والمكوة نظرا لاختلاف القواعد واوعى حد يقولك انعملك القواعد تتظبط اعرف على طول انها هاتبوظ كل شوية لو ينفعك الموتور ال2000 بيركب على بومة كنت سالت عليه اوتوماتيك كان ب6000 بس تقريبا لوحده مش بالعفشة ولو نزلت يوم الحرفيين بس محتاج مجهود حبتين وهتلاقى ومعظم الناس شغالة فى التسقيط ويقولك هاسلمك العربية دايرة بس خللى باللك الاسعار ممكن تفاصل فيهااقتباس:
المشاركة الأصلية كتبت بواسطة elshweakh
الف شكر ليك على النصيحه
بس انا الى خلانى افكر فيه انه هو بتاع كله يعنى هو هيركب ماتور وعفشه وفتيس
بس هو انا الى شايفه فى الاسعار انه هو ارخص من ناس تانى
وعموما هو فى حد فى الحرفيين غير بيعمل الشغل ده
وزى مين
واسف للاطاله اصل انت كده خوفتنى
متشكر يا جماعة جدا
انا في واحد صاحبي قالي ان في محل اسمه ملك اللانسر بيشكر جدا فيه وبيقول ان الشغل بتاعهم وحاجتهم نضيفه جدا وعندهم كل حاجة للانسر وناس ذوق جدا
شكرا يا جميل على المعلومةاقتباس:
المشاركة الأصلية كتبت بواسطة ralliart
انا اول مرة اعرف انه هو بتاع الكريستالة
طيب بالنسبة للنظام AFS ؟ طلع مبينزلش مع المواتير ال 2000 سي سي انا صراحه مش مصدق
حاجة كمان هو لما الموتور بيتغير اللمبات اللي فالعدادت في منها بينور وبعد كده يفصل عادي ولا ده سببه ممكن يكون ايه؟
ولمبة System error معناها ايه؟؟
لا شكر على واجباقتباس:
المشاركة الأصلية كتبت بواسطة elshweakh
اولا الموتور بيجى بالفتيس بتاعه مش غلبة واى حد يركب الفتيس لانه بيتجمع على بعضه ويتركب بمسامير ده فى حالة ان الموتور لوحده والفتيس لوحده وده صعب دايما الموتور بيجى بفتيسه والعفشة كمثل مش محتاجة مخترع يعنى العفشجى هايشيل القديم ويحط الجديد وشكرا وبعدين انت لو عملت كده بره هاتوفر فى الوقت كمان مش فى الفلوس انا لما كنت بتردد هناك على مدار شهرين كان فيه عربية واقفة بومة بقالها بتاع 4 شهور والا حاجة وصاحبها كل شوية يعمل مشكلة معاه وهوة بحجة ان فيه حاجة ناقصة وانت عارف بقى حوارات الصنايعية
بص يا خالد,,نظام ال AFS ده نظام اضاءةاقتباس:
المشاركة الأصلية كتبت بواسطة khaledmekawy2008
بمعنى لو انت داخل على منحنى الاضاءة تنورلك الجزء اللي الفانوس العادي بش حيجبهولك و ده ملوش دعوة بماتور 1500 ولا 2000 سي سي
ده بيتركب عادي و بيكون مع الفوانيس الزينون زي اللي بتنزل في الكويتي
بس انت قصدك على النظام ده اللي خاص بالاضاءة ولا قصدك على النظام الخاص
بالثبات و هو ال ASC (Active Stability Control)
و ده انا بش عارف الصراحة ينفع يتركب ولا لا
بالنسبة لسؤالك التاني,,سواء غيرت الماتور او لا,,بش انت لما بتفتح الكونتاكت
اللمبات بتنور عشان تعمل تشيك و بعد كده بتطفى ما عدا علامة البطارية
و علامة ال check engine و علامة الهاند بريك لو انت رافعها و دول بيطفو
اول ما تدور العربية
هل انت بيحصل معاك حاجة غير كده؟؟؟؟
بالنسبة للمبة ال system error ديه فين؟؟؟
عموما حشوفهالك في الكتالوج و اقولك ان شاء الله
لا انا اقصد AFS وهي عندي اساسا لان عربيتي كويتي ولكن الراجل اللي فالحرفيين بيقول ان المواتير ال 2000 سي سي الضفيره بتاعتها مفهاش النظام ده بمعني ان اللبمة بتاعتها هتفضل منورة علطول لكن الزينون هيكون شغال عادي ولمبة الCheck بيقولي انها هتفضل منورة لان ده سيستم كامل علي بعضه بس ربنا يسهل وكل حاجة تتحل ان شاء اللهاقتباس:
المشاركة الأصلية كتبت بواسطة basemsaeed
لالالالا قصة ال 4 شهور دى مش هتنفع معايا خالص
انا من سوهاج ومش ليا سكن فى مصر مش هينفع اقعد عند حد الفتره دى كلها وبعدين انا بصراحه بفكر اظبط العربيه من بره بس واسيب التسقيط والكلام ده لمدة 3 او 4 شهور قدام بس المهم مين اعمل عنده اكصدامات وعتب حلوين وارشهم فين وكمان عايز حد يزبطلى الكربراتير لانها بتاكل بنزين بعمل معايا 130 ك فى الصفيحه من غير تاكيف
وكمان عايز مقاس جنط ونوع يكون كويس
واسف لصاحب الموضوع اننا خرجنا بره طلباته وبقية بطلب طلبات لنفسى
وشكرااااااااا
بالنسبة للاكسدامات والفيبر ناس كتيرة جدا شغالة فيه بس الانضف والاحسن بسام فيبر وانا عملت الشغل عنده بصراحة ممتاز وتليفونه موجود فى الصفحة الرئيسية عامل اعلان معانا هنا بالنسبة للجنوط دى اذواق ناس متيرة بتبيع جنوط ولو حضرتك مقاس الجنط بتاعك 13 ممكن تجنط لغاية 15 وخد الموقع دهاقتباس:
المشاركة الأصلية كتبت بواسطة elshweakh
http://www.miata.net/garage/tirecalc.html تقدر تظبط بيه المقاس المناسب لعربيتك وناس كتير بتبيعهم ممكن فى شارع احمد سعيد ودول اغلبهم صينى ومدينة نصر الحى السادس اشرفكو بس غالى شوية شغال فى التيوانى والاندونيسى بس وليه فرع فى المطرية والسواح جنب الرومانى وطبعا الرومانى ده معروف فى ميدان السواح - حدائق القبة بس الرومانى حاجته صينى برضو وبلاش منه وشوف عايز ايه تانى ممكن افيدك تحياتى
ولا يهمك يا باشا اعتبر الموضوع موضوعك وخد راحتك عالاخر وربنا يباركلك فالقصة دي لانها فعلا ليها متعة خاصة جدا....:M_yes[1]:اقتباس:
المشاركة الأصلية كتبت بواسطة elshweakh
الحقيقة يا خالد انا اول مرة اسمع ان الضفيرة بتاعة الماتور 2000 سي سي مفهاش حاجة خاصة بالنظام ده !!!اقتباس:
المشاركة الأصلية كتبت بواسطة khaledmekawy2008
اذا كان هيا بتنزل بره ال 2000 سي سي بزينون و بنظام ال AFS ده
و ايه المشكلة بالنسبة للمبة ال Check هي كمان؟؟؟؟؟
بص يا خالد لو انت حتسقط الماتور ال 2000 سي سي بتاعها اللي بتنزل بيه
انا من رائي يبقى تسقط الماتور بالفتيس بتاعه ال CVT الستبترونيك ب 6 نقلات
و كمان لو في المقدرة تغير التابلوه ببتاع ال 2000 سي سي اللي فيه
Paddle Shifters و اتفرج على الأداء :M_yes[1]:
و بعد اذنك يا خالد تطمنا عليك و تقولنا وصلت لايه في القصة دي
و ان شاء الله تتم على خير
انت فين يا خاااالد؟؟؟؟؟؟!!!!
اخبارك ايه؟؟؟ و عملت ايه في قصة تسقيط الماتور؟؟؟
طمنا عليك
انا موجود بس كنت مشغول اليومين اللي فاتوا في القصة دي والحمد لله تمت علي خير الحمد للهاقتباس:
المشاركة الأصلية كتبت بواسطة basemsaeed
موضوع الضفيره اللي عرفته ان المواتير اللي فالحرفيين كلها استيراد امريكي والمواصفات الخاصة بامريكا مفهاش نظام الاضاءة الزينون او ال afs وده بيخلي كومبيوتر العربية يتعرف عليه فمبيشتغلش وكمان الباور بيبقي زيت مش كهرباء فهتنورلك برضه لمبة الباور فالتابلوه غير كده كله تمام التمام فانا بفكر يا اما ابيع الفوانيس اللي عندي واجيب الفوانيس العادية يا اما ادور علي الضفيره بتاعت المواتير الجي تي اللي تنزل الخليج ودي مش لاقيها لان فيها الزينون وهعمل تقرير قريب جدا علي العربية بعد ما عدلتها لجي تي
واعذرني اني اتاخرت في الرد:b4_556:
حمد لله على السلامةاقتباس:
المشاركة الأصلية كتبت بواسطة khaledmekawy2008
الحمد لله انها تمت على خير و الف مبروك على الماتور
ربنا يباركلك فيه و في العربية و يكفيك شرها
بص يا خالد متبعش الفوانيس اللي معاك ,,خليها
انت بس دور على الضفيرة و لو تعرف حد في الخليج,,خليه يبعتهالك
و غيرت الفتيس ولا لا؟؟؟و غيرت التابلوه اللي فيه ال shift paddale ؟؟؟
في انتظار التقرير ان شاء الله
و مفيش تاخير ولا حاجة
المهم اننا اطمنا عليك
الله يبارك فيك يا باشا....الفتيس اتغير بقي CVT زي بتاع البوما اما بالنسبة لل shift paddale فهركبها لانها مكنتش مع الموتور اللي انا ركبته ومكانها موجود عادي فالدركسيون...اقتباس:
المشاركة الأصلية كتبت بواسطة basemsaeed
هو انا بس فاضلي اشوف حل للفوانيس دي يا اما اجيب الضفيره وفي مهندسين بيقولو الضفيره هتحل المشكلة ومهندسين تانيين يقولو مش هتعمل حاجة بس الاكيد ان انا لو جبت الفوانيس العادية هتشتغل معايا عادي ولمبة ال AFS هتطفي معايا
فالواحد في حيره.. ودلوقتي انا بعملFinish عالعربية وان شاء الله اول ما اخلص قريب جدا هوافيكم بتقرير مصور لكل حاجة
بش المفروض ال shift paddale دي بتيجي مع تغيير التابلوه ولا الماتور؟؟؟اقتباس:
المشاركة الأصلية كتبت بواسطة khaledmekawy2008
و هل ينفع تتركب عادي عندنا؟؟هل ليها مكان فعلا عندنا؟؟
الأحسن زي ما قولتلك دور على الضفيرة و اسأل حد بره ممكن يجبهالك
لان اكيد العيب في ضفيرة الكهرباء
في انتظار التقرير ان شاء الله
لا مش شرط انا اشترتها وركبتها عادي لانها بتركب فالفتيس السي في تياقتباس:
المشاركة الأصلية كتبت بواسطة basemsaeed
لا مبتركبش في 1500 بتشتغل في 2000 سي سي بس ومكانها موجود في 2000 بس
موضوع الضفيره هيخليني اشد في شعري مستني لبعد العيد عشان اعرف هعمل ايه بالظبط وكل سنة وانت طيب
و انت بالف صحة و سلامةاقتباس:
المشاركة الأصلية كتبت بواسطة khaledmekawy2008
بالنسبة لموضوع الضفيرة,,ممكن تسأل التوكيل الجديد,,ممكن يعرفوا يجيبوها ليك
حتى لو طلب خاص(special order)
و ان شاء الله تتحل قريب