الموضوع: عاوز أشتغل

المشاركة الأصلية كتبت بواسطة inspiron

يبدو إن مفيش فايدة..حتي الموضوع عملته في قسم الإعلان عن وظائف بقاله يومين من غير ولا رد...أنا كل يوم يزداد كرهي للبلد دي.

مفيش فايدة ليه
وبتكره البلد ليه
البلد ذنبها ايه
هل حضرتك شايف انك بذلت المجهود الكافي للحصول على وظيفة مجرد انك عملت موضوع في النت ؟!!!!!!!!
الاقتراحات كتير من الاعضاء وبعرف شباب بينزلوا فعلا يسألوا في مطاعم التيك اواي وفي السيبرات او السوبر ماركت
حضرتك عملت ايه من ده كله!!!!!!!!!
وابسط مجهود كان ممكن تبذله انك تتصل بالموبايل على رقم من ارقام السايت اللي بعته
معلش انا اسفة ممكن يكون اسلوبي جاف نوعا ما بس انا ضد اننا نعلق كل مشاكلنا على البلد وبالتالي نكرهها

المشاركة الأصلية كتبت بواسطة inspiron

هو أنا اللي فهمته من السايت إن ده تسويق لبرامج كمبيوتر..بس مش عارف يعني أعرفهم إزاي إني عاوز أشتغل وأعمل إيه عشان أوصلهم.وأعرف نظام شغلهم إيه ومرتبهم نظامه إيه يعني التفاصيل كلها وأنا إن شاء الله سداد.

زي ماقولت لحضرتك الشغل بعمولة ودي برامج ويب ابليكاشن يعني بتشتغل على النت
العمولة تترواح ما بين 20 :40 % على حسب الاتفاق على كيفية التسويق
بمعنى لو حضرتك مسئول انك تجيب العميل فقط للشركة بأي طريقة سواء التسويق اوت دور باللف على المدارس او ان دور بعمل اعلانات على النت وقتها العمولة 20% فقط
طبعا المفروض ان حد هايدربك ويشرحلك البرنامج اللي هتسوقه الاول وغالبا هيكون برنامج المدارس
اما لو كنت هاتبقى مسئول عن العميل في الكورسات للمدرسين لشرح البرنامج وقتها العموة 40%
البرنامج سعره حوالي 7000 مصري يعني عمولتك ممكن تكون 1400 او 2800

لو يناسبك الشغل حضرتك اتصل على ثاني رقم في السايت انا كلمته عنك وبالتوفيق ان شاء الله