مشكلة فى استهلاك البنزين كيا سيفيا ...نداء عاجل الأستاذ عصام

أستاذ عصام صباح الخير
عندي كيا سيفيا موديل 1994. اشتريتها من جديد وغيرت البوجيهات والزيت والفلتر وكل حاجة ضرورية. المشكلة انها مش بتعمل أكثر من 180 جوا البلد. في حين ان اخوي معاه نفس السيارة وبتعمل من 210-220 جوا البلد.
ايه برأيك وخبرتك ممكن يكون السبب؟ في ناس قالو انه ممكن يكون حاجة اسمها بلف ؟؟ وفي ناس نصحتني اروح بتاع الكمبيوتر يمكن يعرفلي ايه السبب.
هل ده السحب طبيعي أو في مشكلة؟ واذا كان طبيعي اشمعنى أخوي السيارة بتاعته أوفر؟

آسف على الاطالة
سامحني
:fun_broken:

تم تغير العنوان ليناسب محتوى الموضوع

مشرف7ب
10/8/2011
8.38pm

أولا انا بشكرك على ثقتك الغاليه ديه وانا اسف على التاخير وكل سنه وحضرتك طيب

بس للاسف انا فى السيفيا اقدر افيدك من بدايه موديل 99 او من السيفيا 2
سيفيا 1 للاسف معرفش عنها حاجه لانها مختلفه عن السيفيا 2 حتى معرفش
ماتور انجكشن ولا كربراتير عشان اقدر افيدك برشاشات بتسيل او صباب او غيره

وممكن فى الاخر يبقى نتيجه سواقتك مختلفه عن سواقه اخوك مثلا سواء نقل غيارت او شد وهكذا

ثانى حاجه انا مش شايف ان الاستهلاك وحش وياريت لو تقولى حضرتك بتحسبها ازاى يعنى بتفول وبتمشى
وبتابع العداد ولا بتفوق وبتمشى وبترجع تفول

ولو هنصحك نصيحه بقولها لملاك السيفيا 2 متحولش تحط الموضوع ده فى دماغك
هتغير فلاتر هتغير بوجيهات بماين سلوك هتظبط كهربا وممكن تدخل فى طقم دبرياج وهتلاقى الموضوع هوا هوا
وهتلاقى حضرتك صرفت كتير ومفيش اى تغيير

وممكن فى الاخر يبقى نتيجه سواقتك مختلفه عن سواقه اخوك مثلا سواء نقل غيارت او شد وهكذا

فى النهايه ياريت تتباع الرابطه بتاعت ملاك الكيا سيفيا
http://www.nilemotors.net/Nile/99655-a-353.html
هما الغالبيه سيفيا 2 بس معانا عضو او اتنين سيفيا وان
وبرضوا راسل العضو
:: نــايــل مــوتــورز:: - :: NileMotors.net ::

من احد ملاك السيفيا 1 وان شاء الله يقدر يفيدك

مش عارف أشكرك ازاي يا أمير انت...
برده الأخ مصطفى كان له نفس الرأي وان شاء الله حاسيب العربية وبلاش افوت من حاجة لحاجة.

بس للاجابة عن اسئلتك:
1. السيارة بخاخ
2. انا لما أعمل فل للسيارة بنزين ببقى أصفر العداد وأرجع أمليه لما تمشي 200 مثلاً وكده.

على كل ألف شكر ياباشا

مع التحيات ورمضان كريم:Y_hi_3[1]:

اقتباس:

---

مش عارف أشكرك ازاي يا أمير انت...
برده الأخ مصطفى كان له نفس الرأي وان شاء الله حاسيب العربية وبلاش افوت من حاجة لحاجة.

بس للاجابة عن اسئلتك:
1. السيارة بخاخ
2. انا لما أعمل فل للسيارة بنزين ببقى أصفر العداد وأرجع أمليه لما تمشي 200 مثلاً وكده.
على كل ألف شكر ياباشا
مع التحيات ورمضان كريمhttp://www.nilemotors.net/nile/image...i_3%5b1%5d.gif

---

الله يخليك ده بس من ذوقك
وان شاء الله الموضوع يطلع بسيط
وطالما العربيه انجكشن فممكن اقولك رشاشات وتروح تغيرها وتلاقى هوا هوا نفس الموضوع
ولو العربيه بتتاخر معاك فى الدواره سواء على البارد او السخن تبقى رشاشات
وممكن اقولك صباب بيسيل وهتبقى فاتحه فى الماتور وكلام كبير

وكان فى عضو فى ليه تجربه هنا وابتدى يغير كل حاجه زى محضرتك كنت ناوى تعمل وفى الاخر اكتشف ان عندوا صباب بيسيل
فحضرتك ريح دماغك وان شاء الله خير

حضرتك برضو فى نقطتين مهمين
انا معرفش حضرتك بتمون بنزين كام
ومعرف اخو حضرتك برضوا بيمون بنزين كام
ممكن تكون بتمون مثلا 92 وهوا بيمون 90 او 80 وبالتالى حرق البنزين عندك هيبقى اكبر يعنى استهلاك اكتر

بالنسبه لطريقه حسبانك لعدد الكيلومترات المقطوعه حضرتك هتفول العربيه
عاوز تحسبها على الكيلموترات القدميه اوك عاوز تصفر العداد برضوا اوك
وبعد كدا تروح مشوراك وحاول تخلىا لمسافه المقطوعه جوا البلد او طرق مفتوحه
لان استهلاك البنزبن بيفرك
وبعد كدا بتروح تفول وتانى وترعف اخذت بالظبط كام لتر

واخيرا انا معايا سيفيا 2 عمرى مفكرت احسبها عشان مدخلش فى متاهات
مدام حضرتك مهتم بصيانه يقى سبها على ربنا

وشرفنى الكلام معاك

كلام بالميزان

أنا حاسيب العربية زي ما هي ولا أوجع راسي ..

الف شكر ياباشا ..

:36_8_1[1]::36_8_1[1]: