سماع صوت صفارة عند مكان السيور عند التدوير صباحا و يختفي بعد ما العربية تسخن

**eng.3tya** · 10-08-2011 11:46 AM

السلام عليكم ... عربيتي اوبل كورسا 2005 .. العربية من اول الاسبوع وكل يوم الصبح ادور العربية الاقي شوية صوت صفارة غريبة وبفتح الكبوت بسمع الصوت حولين منطقة السيور مع العلم اني مغير سير الكتينة قبل 20 الف كيلو يعني لسه ... ازود بنزين تقوم الصفارة تختفي وبعدين ترجع تاني لحد ما العربية تسخن وتختفي ... النهارده عملت نفس القصة بس مشيت بالعربية شوية وكنت مستني شخص فقمت قفلت الكونتاكت وبعدين دورتها طبعا هيا كانت سخنه ومشيت لقيتها بتصفر وقفت على جنب وقعدت ازود شوية كده لحد ما اختفت تاني ........ ياريت حد يفسري ايه الي بيحصل علشان اعالجه قبل ما القصة تتدهور ... ارجو الرد السريع من فضلكم لمن لديه الخبرة ..

**eng.3tya** · 10-08-2011 01:56 PM

انتو فين يا رجالة ... ؟؟؟

**tananybasha** · 10-08-2011 02:43 PM

السير المشرشر بتاع الدينامو
1. خد قرصه للدينامو عند الكهربائى
2. غير السير
و لو عايز الصوت يروح على طول اول ما تدور
ادلق شوية مية و السير بيلف

**eng.3tya** · 16-08-2011 10:01 AM

متشكر جدا يا طناني باشا واسف على ازعاجك امبارح بتليفوني .. رحت لولاد ... التييت ... بتوع مقار بقوله عملت ايه قالي غيرت السير والشدادة .. قلتله لو سمحت فكهم علشان سعرهم غالي جدا ... قالي لا .. قولتله في المدير .. روحتله قالي حضرتك مضيت .. قلتله مضيت على التصليح والمفروض انك قبل ما تركب تقولي التكلفة كاام وده في التوكيلات المحترمة (زي اتوماستر) .. علشان مطلوش عليك ... فكهم ومخدش غير المصنعية والمهندس الي هناك اسمه هاني زفت كان مولع نااار .. خد مصنعيته ابن ... 90 جنيه ... دفعتهم بس عذبوني عقبال ما تطلعوا العربية .. بجد نااااس زبالة .. روحت على سرور جبت السير 90 جنيه الماني والشداداة تركي بـ 75 جنيه خرجت من عنده بضحك على نفسي وركبتهم والحمد لله الصوت راح والعمليه تمام ... بس اليومين دول شكلها فيها اسطوانه مش عارف اعمل ايه سالت على عند سرور 900 جنيه لطقم الدبرياج .. مش عارف اعمل الحكاية دي فين اصل بخاف حد يبوظ العربية وخصوصا تغير الاسطوانة والدسك ... ارجو النصيحة

**tananybasha** · 17-08-2011 12:05 AM

زى ما قلتلك
روح شوط فيهم
عالم تخاف و متختششيش
عايزين 900 جنيه ليه
امال لو باعمل عمرة هادفع كام
مليون جنيه

**tananybasha** · 17-08-2011 04:52 PM

عند ميكانيكى عادى
ده طقم دبرياج
الأفضل اللوك و الساكس
اى نوع تانى خاصة الفاليو ابعد عنه

**eng.3tya** · 18-08-2011 09:15 AM

والله ده الي حصل ... هو انا طبعا اول مرة .. والي قابلني هاني ... بس كون يقولي ان الشداداة والسير دينامو بـ 900 جنيه ده تخلف وللاسف الي يثبت كلامي .. المهندس مصطفى المدير بتاعهم رحتله وماعترضش على السعر المبالغ فيه بالعكس بيتكلم على اني مضيت على التصليح على الرغم ان قولت لهاني انه قبل كا يركب يقولي التكلفة علشان اعمل حسابي ... عموما ربنا ستر وصعبان عليا بصراحة 80 جنيه المصنعيه وعذبوني 3 ساعات عقبال ما طلعوا العربية ... حار ونار في جتتهم..

-

-

-

الموضوع: سماع صوت صفارة عند مكان السيور عند التدوير صباحا و يختفي بعد ما العربية تسخن

LinkBack

أدوات الموضوع

عرض

سماع صوت صفارة عند مكان السيور عند التدوير صباحا و يختفي بعد ما العربية تسخن - انشر الموضوع فى :

-

-

-

-

-

-

المواضيع المتشابهه

رجة في العربية بعد التدوير

سماع صفارة عند الفرملة

دخنة بيضا عند التدوير صباحا و الزيت بينقص؟؟افيدونا

دخنة بيضا عند التدوير صباحا و الزيت بينقص؟؟افيدونا

صفارة من طنبورة السيور

الكلمات الدلالية لهذا الموضوع

المفضلات

المفضلات

ضوابط المشاركة