طب يا عمرو بيه اه أعراض طنبورة الكرنك ؟؟؟؟
عرض للطباعة
طب يا عمرو بيه اه أعراض طنبورة الكرنك ؟؟؟؟
خلصوا العربية في أقل من ساعة و اﻷسعار و النتيجة كالتالي:
1-الزيت و فلتر هواء و بيوجيهات (من غير طنبورة الكرنك) ---> 654 جنية
2-المصنعية بس (من غير طنيورة الكرنك) ----> 300 جنية
يعني دفعت 954 جنية تقريباً
3- خدوا عندكوا دي بأه ... شرركولي العفشة و قالولي كمان إن العربية مش مظبوطه من قدام و عاوزة عفشة كاملة من قدام و عاوزة قنطرة و مصممين إن العربية على الطريق السريع بتكون مش مظبوطه .... مع إني بجري على 120 وكله تمام .... وقالولي القنطرة عندك ﻻزم تتغير لإننا حاولنا نضبط زوايا و مظبطتش خالص..
ههههههههههه نفس العلقة اللى فاتت.......لا قلم زاد و لا قلم قل
الكلام على القنطرة أتقالى تقريباً بالحرف فى التوكيل هنا برضه......بس أنا ظبطتهم......
عموماً لو عاوزها أنت عارف كلمة السر............ده أنا لما قلتله عليها قالى أبعتهالك :)
و بالنسبة للعفشة.........أسمع نصيحتى و روح مع أيمن لأى حد يعرفه يشوفهالك أو روح لكار بويز فى طريق السندباد بعد الميكانيكيون.....عند منزل الكوبرى........أسأل على المهندس خالد أو المهندس سعيد و قولهم من طرف أحمد عبد المقصود......هيكشفوا عليها و يقولولك على اللى فيها.........أنت هتجيبه و هما يركبوه.
و متقلقش منهم.........شغلهم زى الفل.....أنا كنت بتعامل معاهم من 2001 تقريباً و المهندس خالد كان معاه ميجان لفترة.
هههههههه كلمة السر جززززززززر ..... بس هيبعتهالك إزاي .... مومو دا مشكلة ربنا يحمية يارب
بجد طمنتني يا أحمد بجد ..... حسيسوني إني راكب جرار .... مع إنه مش باين خالص كده .... بنا بأه يقدم إلي فيه الخير .... لما ربنا يبعت بأه ﻷن العملية ناشفة حبتين تلاتة ..... إلخ :M_yes[1]:
عاوز أغير طنبورة الكرنك دي إحطياتي اﻷول .... إنت غيرتها ... كان الميكانيكي إلي روحتله كان إقترح عليا إني لما آجي أغيرها أركب بتاعة 2005 و أنساها ﻷن قلبها مش كوتش زي بتاعة موديلات 2007 و إنت طالع ..... بصراحة مومو ربنا يباركله
إنت غيرتها يا عبد المقصود