سؤال بخصوص الفتيس الاوتوماتيك و الزحمة

**maxayma** · 11-08-2011 06:29 AM

السلام عليكم

انا الحمد لله لسة مستلم تيدا امبارح و مكتوب فى المانيوال بتاعها ضمن ارشادات توفير استهلاك البنزين "تجنب الانتقال الى وضع اللا تعشيق من دون داعى" مش اللاتعشيق دا هو n

انا مش عاوز اكون بلخبط صاحب الموضوع بس انا برده لسه مستجد و ادينا كلنا بتعلم من خبرة بعض

**samsong** · 11-08-2011 10:17 AM

والله ياجماعه انا بسوق اوتوماتيك من 1985 وفي الاشارات والوقفه الممتده بيبقي علي n وفي الزحمه العاديه يبقي فرامل واكتر من تغير الزيت والفلتر للفتيس في ميعاده لاشئ ولاتقلقوا وسوق عادي وزي مقال وليد......
اهم حاجه في الاوتوماتيك ان الرجوع للخلف او الطلوع الي الامام لازم تبقي واقفه العربيه تماما غير كده لم اواجه طوال المده دي اي مشاكل نهائيا والعربيات كانت تويوتا كريسيدا-مذدا 929-كابرس-صني-تيدا
وكله اوتوماتيك
لاتقلقوا واستمتعوا بقياده الاوتوماتيك زي ماقال اخي احمد
ورمضان كريم

**msalah191281** · 11-08-2011 07:20 PM

شكرا للرد يا جماعة يعنى نفهم من كدة ان الواحد ما بنقليش على ال n الا فى الوقفات الطويلة فقط انما فى الوقفات العادية الى تحت 60 ثانية مثلا عادى مش كدة ولة انا فهمت غلط

**essa** · 11-08-2011 08:55 PM

لا هو كده صح ,امشى وعيش حياتك ومايهمكش
وبعدين اللى ليك نصيب تشوفه فى عربيتك هتشوفه حتى لو مشيت بالكتالوج !
ربنا يديك خيرها ويكفيك شرها

**ahmedhawas** · 12-08-2011 07:14 AM

المشاركة الأصلية كتبت بواسطة walidadel

هو الموضوع ده مش هايفرق الفرق الفظيع ده علي فكره سواء في تيل او فيتيس او اي حاجه اخري مش عارف الناس محسساني ان العربيه من الهوا دوبنا يعني

ياباشا اركب و استمتع و عيش بقي فتيس مش هايبوظ ولا تيل هيتاكل لما تعمل كده او عكس كده ماتحطش في دماغك و بعدين اصلا اصلا الفرامل دي لما حضرتك بتدوس عليها بتفصل الحركه عن الموتور كأنك دايس دبرياج ياجدعاااااااااااااااان و دا اللي بيتيح لحضرتك انك تنقل بين ال d و ال r عادي كانك دايس دبرياج في المانيوال
علي كلامكوا ده ان الاوتوماتيك و انت علي ال d و دايس فرامل هايبقي كأنه عايز يتحرك و انت ماسكه بالفرامل لكن الموضوع مش كده خاااااااااااااااااالص
الفرامل دي لما بتدوس عليها في الاوتوماتيك كانك دايس فرامل و دبرياج في المانيوال بالظبط بيفصل الحركه عن الفتيس خالص يعني ولا فرامل هاتتأثر و لا فتيس ولا اي حاجه هو الموضوع كله هايبقي في العصايه و السوسته بتاعة الزورار لو بتستخدمها في النقل فقط
هاقولك تجربه بسيطه علشان تتأكد هات الفتيس علي ال D و في نفس ذا الوقت دوس فرامل برجلك الشمال و اليمين حطها علي البنزين و زرود بنزين و شوف ايه اللي هايحصل ..... و ابقي قولنا حصل ايه
حركة الفصل دي موجوده في عربيات كتيييييييييير و كمان في التيدا بس ماعرفش بالامانه موجوده في الصني ولا لأ هيا هاتعرفها لما تبقي قافل الزجاج بتاع العربيه كله و انت علي ال N دوس فرامل هاتسمع صوت تكه صغيره اوي كده جايه من تحت الكونسول او من تحت الدركسيون هيا دي
اجو اكون افدتك

انا عندي تعليق صغير بعد إذنك طبعا:
1- هو ممكن يبان للي سايق ان الفرامل بتحل محل الدبرياج ، لكن الحقيقة ان التورك كونفرتر هو اللي بيحل محله.
2- بالنسبة لصوت التكة لما تدوس عالفرامل .. فده اللوك بتاع عصاية الفتيس (BTSI) وده معمول للحفاظ على تروس الفتيس.
3- وانت عال D ودايس فرامل .. العربية بتكون عايزة تتحرك فعلا وانت مكلبشها ويفضل متقعدش عالوضع ده لفترة طويلة.
4- وبالنسبة للتجربة اللي حضرتك قولت عليها .. فانا مبنصحش حد انه يجربها وده حفاظا عالتورك كونفرتر
(لان من اهم أسباب تلف الكونفرتر ... هو انك تدوس بنزين وفرامل مع بعض والفتيس جايب غيار)
ليه ؟؟ عشان العربية عايزة تجري وانت مكلبشها بالفرامل وبالتالي لازم يحصل slipping في الكونفرتر وده بيخلي الزيت يسخن جدا ويفقد خواصه وكنتيجة للسخونة المفرطة : الأولسيهات بتضرب والكونفرتر يجيب زيت من كل حتة.

5- في حاجة شبيهة بالتجربة بتاعة حضرتك وهي سيستم أمان موجود في نيسان إسمه BOT أو (Brake Override Technology) ونيسان منزلاه من زمان في معظم عربياتها في أمريكا .. هل موجود في التيدا ..معرفش!!
وهو انك لما تكون ماشي بالعربية وتضطر تفرمل فجأة ..فلو حصل وانك اتلخبطت ودوست عالفرامل برجلك الشمال (ومازالت رجلك اليمين عالبنزين أو زودت بنزين) .. فالعربية بتستجيب للفرامل فقط ولا كأنك دايس بنزين.
وبيستخدم في الطواريء فقط .. (يعني لو العربية واقفة و عملت التجربة اياها برضو هتأثر على عمر الكونفرتر لان السيستم ده مش هيشتغل)
نفس السيستم موجود في هوندا باسم تاني Brake Priority Logic إلا ان نيسان مطبقة النظام ده في عربياتها (في أمريكا) قبل هوندا وتويوتا بسنين.

والله أعلم.

**samsong** · 12-08-2011 11:38 AM

المشاركة الأصلية كتبت بواسطة essa

لا هو كده صح ,امشى وعيش حياتك ومايهمكش
وبعدين اللى ليك نصيب تشوفه فى عربيتك هتشوفه حتى لو مشيت بالكتالوج !
ربنا يديك خيرها ويكفيك شرها

+11111

**EhabVet** · 12-08-2011 02:45 PM

المشاركة الأصلية كتبت بواسطة samsong

والله ياجماعه انا بسوق اوتوماتيك من 1985 وفي الاشارات والوقفه الممتده بيبقي علي n وفي الزحمه العاديه يبقي فرامل واكتر من تغير الزيت والفلتر للفتيس في ميعاده لاشئ ولاتقلقوا وسوق عادي وزي مقال وليد......
اهم حاجه في الاوتوماتيك ان الرجوع للخلف او الطلوع الي الامام لازم تبقي واقفه العربيه تماما غير كده لم اواجه طوال المده دي اي مشاكل نهائيا والعربيات كانت تويوتا كريسيدا-مذدا 929-كابرس-صني-تيدا
وكله اوتوماتيك
لاتقلقوا واستمتعوا بقياده الاوتوماتيك زي ماقال اخي احمد
ورمضان كريم

بتسوق اوتوماتيك من 1985؟!!!
يا نهار أبيض .. دا انت عجوز بقى

**Ahmedhussein007** · 12-08-2011 11:34 PM

المشاركة الأصلية كتبت بواسطة walidadel

هو الموضوع ده مش هايفرق الفرق الفظيع ده علي فكره سواء في تيل او فيتيس او اي حاجه اخري مش عارف الناس محسساني ان العربيه من الهوا دوبنا يعني

ياباشا اركب و استمتع و عيش بقي فتيس مش هايبوظ ولا تيل هيتاكل لما تعمل كده او عكس كده ماتحطش في دماغك و بعدين اصلا اصلا الفرامل دي لما حضرتك بتدوس عليها بتفصل الحركه عن الموتور كأنك دايس دبرياج ياجدعاااااااااااااااان و دا اللي بيتيح لحضرتك انك تنقل بين ال d و ال r عادي كانك دايس دبرياج في المانيوال
علي كلامكوا ده ان الاوتوماتيك و انت علي ال d و دايس فرامل هايبقي كأنه عايز يتحرك و انت ماسكه بالفرامل لكن الموضوع مش كده خاااااااااااااااااالص
الفرامل دي لما بتدوس عليها في الاوتوماتيك كانك دايس فرامل و دبرياج في المانيوال بالظبط بيفصل الحركه عن الفتيس خالص يعني ولا فرامل هاتتأثر و لا فتيس ولا اي حاجه هو الموضوع كله هايبقي في العصايه و السوسته بتاعة الزورار لو بتستخدمها في النقل فقط
هاقولك تجربه بسيطه علشان تتأكد هات الفتيس علي ال D و في نفس ذا الوقت دوس فرامل برجلك الشمال و اليمين حطها علي البنزين و زرود بنزين و شوف ايه اللي هايحصل ..... و ابقي قولنا حصل ايه
حركة الفصل دي موجوده في عربيات كتيييييييييير و كمان في التيدا بس ماعرفش بالامانه موجوده في الصني ولا لأ هيا هاتعرفها لما تبقي قافل الزجاج بتاع العربيه كله و انت علي ال N دوس فرامل هاتسمع صوت تكه صغيره اوي كده جايه من تحت الكونسول او من تحت الدركسيون هيا دي
اجو اكون افدتك

يافندم الكلام ده مش مظبوط حضرتك اما بتدوس فرامل والعربيه واقفه انت كده مش دايس دبرياج ولا حاجه حضرتك بتبقى مكتف العربيه العربيه عايزه تمشى وانت دايس فرامل والدليل على كده لو انت على dودايس فرامل هتلاقى فى رعشه بسيطه فالعربيه والار بى ام نزل سنه بسيطه وده لنفس السبب اللى انا قولته دلوقتى اما بالنسبه للموضوع الاصلى انا بجيب على nفالاشاره حتى لو 10 ثوانى

**Bishoy.Girgis** · 12-08-2011 11:48 PM

المشاركة الأصلية كتبت بواسطة mido353235

يافندم الكلام ده مش مظبوط حضرتك اما بتدوس فرامل والعربيه واقفه انت كده مش دايس دبرياج ولا حاجه حضرتك بتبقى مكتف العربيه العربيه عايزه تمشى وانت دايس فرامل والدليل على كده لو انت على dودايس فرامل هتلاقى فى رعشه بسيطه فالعربيه والار بى ام نزل سنه بسيطه وده لنفس السبب اللى انا قولته دلوقتى اما بالنسبه للموضوع الاصلى انا بجيب على nفالاشاره حتى لو 10 ثوانى

-

الموضوع: سؤال بخصوص الفتيس الاوتوماتيك و الزحمة

LinkBack

أدوات الموضوع

عرض

-

-

-

-

-

-

المواضيع المتشابهه

سؤال لولبي بخصوص الفتيس الاوتوماتيك

سؤال بخصوص الفتيس الاوتوماتيك....

استفسار بخصوص الفتيس الاوتوماتيك

سؤال في زيت الفتيس الاوتوماتيك

بخصوص زرار الفتيس الاوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة