عرض للطباعة
السلام عليكم
الحمد لله
واحد بن حلال كسر لزجاج الباب الخلفى شمال واخد شنطه فيها
ورق مهم (درجات اعمال سنه للطلبه و غيابهم و الكتب الى بحضر منها و كل ورق الماجستير البقالى سنه شغال فيه ) و طبعا مكنش فيها فلوس
ربنا يكرمه
وطبعا مسكتش على كده كان راكن قدامى الانترا كسر المرايه واخدها
و الكلام ده كان فى مكرم عبيد امام حديقه الطفل مابين الساعه 10 ص الى 4 ضهرا فياريت تاخدو بالكو الناس بقت تسرق فى عز الضهر
عربيتى لانوس متعرفوش الزجاج بكام (انا سالت قالو 120 ج بالتركيب) ؟؟؟؟؟؟؟كويس و لا ايه
طبعا انا غلطان انى سبت الشنطه بالشكل ده
ربنا يعوضك ان شاء الله....انا كل اللي صعبان عليا ورق الماجيستير...انا عارف الواحد بيبقي تعبان فيه قد ايه...بس ان شاء الله تلاقيه..
هل كنت عامل نسخة احطياطية في مكان تاني أو علي الكومبيوتر؟
الله يكون في عونك
قدر الله وماشاء فعل
معلش ياباشا وكويس انه خد الشنطة بس وجاش جنب الكاسيت والسماعات
انا مش عارف اية الى بيحصل دة وفى عز الضهر كمان . ربنا يستر علينا وعلى عيلنا
هو انت مش مركب انذار ؟؟
قدر الله و ما شاء فعل ,
ربنا يعينك و تجمع ورق الماجستير .
ربنا يعينك و يعوض عليك
ابتدت السرقة في عز الظهر
الشعب حياكل بعضه
هو حضرتك مش غلطان لأنك كنت فارض حسن النيه بس يفضل الحاجات اللى زى كده ماتسيبهاش فى العربيه او لو سبتها يكون فى حته مش ظاهره للناس اللى بره ممكن فى الشنطه او تحت اى كرسى من الكرسيين اللى قدام لأن الحرامى بيبقى بالنسباله قدامه شنطه هو كده كده هياخدها ممكن تصيب و يطلع فيها فلوس و ممكن تخيب و ما يطلعش و فى الوقت ده يا عالم هيعمل فى الشنطه ايه ويارب حضرتك تطلع عامل نسخه للورق ده على الكمبيوتر
قدر الله وماشاء فعل
MMamdouh
يا جماعه دي شكلها البدايه أنا واحد صاحبي بعتلي ايميل انهارده و قاللي انه موبايله اتسرق :
كان معاه واحد صاحبه في العربيه (النترا) واحد عمل انه خبط المرايه فتكسرت نزل صاحبي يشوفها هو وواحد صاحبه كان جنبه. ثواني رجع ملقاش الموبايل حسبي الله ونعم الوكيل خلوا بالكوا يا جماعه تقريبا ده رد فعل الغلا اللي احنا فيه بدل مناخد حقنا من الحكومه الناس هتسرق بعضها خلي بالكوا يا جماعه وربنا يستر وينتقم من اللي في بالي!!!!!!!!!!!!!
شكرا لكل الاخوه
و الحمد لله عندى كتير من ورق الماجستير
بس المشكله فى درجات اعمال السنه بتاعه الطلبه
بالاتفاق مع الدكتره هيخدوها كنسبه من امتحانات اخر السنه
بالنسبه للانذار للاسف مش مركبه و ان شاء الله هركبه فى اقرب فرصة
القصص دي من زمان علي فكره مش اليومين دول بس ..وكمان ده بيحصل في الدول الغنيه زي ما بيحصل في الدول الفقيره ..كفايه يا جماعه إشاعات الناس مش ناقصه توتر و خوفاقتباس:
المشاركة الأصلية كتبت بواسطة Hondawy_2008
يا خبر ده انا شغال في العماره اللي قدامها
قدر الله و ما شاء فعل . معلش . سبحان الله انا النهاردة كنت راكن هناك و دخلت محل فريش اشترى مروحة . ربنا ستر
انا برده اتنين صحابي الكاسيتات بتاعتهم اتسرقت
واحد في وسط البلد (!!!!) كان راكن ادام مبني جريدة الجمهورية الساعة 3 العصر (!!!!)
و التاني من تحت البيت في الفجر !
لا حول ولا قوة الا بالله معلش
قدر الله وما شاء فعل
الفقر هايعمل اكتر من كدة
ولسه
قدر الله وما شاء فعل
ولســــــــــــــــــــــ ة ياااااااااااااما حنشوف ونسمع كنتيجة طبيعية للي بقينا فيه
منهم لله وحسبي الله ونعم الوكيل ذنب 80 مليون مصري في رقبتهم حيروحوا فين من ربنا :mad:
قدر الله وما شاء فعل
وركب انذار فى اسرع وقت لان حتى ولو مش هتكون سامعو فهو هينبه الماره وهيخلى
الحرامى يجرى لان هيلاقى الناس اللى فى الشارع من تلقاء نفسهم هيبصو على العربية
اللى الانذار بتاعها شغال
سرقه العربيلت و الي جوه العربيات كترت جدا انا بقيت حاسس انهم ممكن يشيلو العربيه هيله بيله و يحملوها و يسرقوها من كتر ما بنشوف من حوادث طبعا الواحد لازم يحاول يامن قدر الامكان يعني انا اصريت ان اشتري الياريس فول اوبشن علشان فيها امبيوليز يعني استحاله تدور الا بمفتاحها الاليكتروني
عموما ربنا يعوض عليك
انا باركن هناك يوميا برضه ، بس فى ش عبد الرازق السنهورى ، ربنا يستر و يعوض عليكاقتباس:
المشاركة الأصلية كتبت بواسطة abzaky
انا لما كان العمل فى الزمالك كنت باركن السيارة القديمة بجوار حديقة الاسماك ، يعنى قريب جدا لشرطة الحراسات الخاصة و قسم الشرطة ، و مع كدة والله العظيم اتسرق منى الكاسيت مرتان ، و لما بلغت راحو جابو العيال اللى بتشتغل منادي فى المناطق المجاورة و حاطوهم فى الحجز و هما ملهومش ذنب
الصراحة يجب على الداخلية تكثف تواجدها لان اللى بيحصل ده بيزود عندنا شعور اللاامان اللى بينعكس بدور على حاجات تانية.
انا مش عايز اقولك انى بابص على العربية اليومين دول كل شوية من شباك مكتبى من كتر القلق اللى انا فيه
و حتى باحاول مفتحش شنطة العربية علشان احط حاجة او اشيل حاجة و انا راكن هناك حتى لا يلاحظ احد ما هو بداخل الشنطة سواء قيم او تافه ، لان متاكد ان فيه حرامية مراقبين المنطقة كويس و عارفين سلوك و اوقات عمل اصحاب السيارات هناك فى المنطقة عند حديقة الطفل
بالنسبة للزجاج - لو عندك وقت روح لمصنع Dr Grirsh فى العاشر من رمضان ، حيكون زى اللى كان راكب بالظبط و سعره حيكون افضل ، لكن لو رحت عند واحد بتاع زجاج عادى ممكن تلاقى عنده نفس النوع المركب او نوع اخر و سعره حيكون اعلى طبعا.
أنا واحد صاحبي ساب عربيته قدام البيت كالعاده و الصبح نزل لقى العربية مرفوعة على طوب و الأربع فرد مفكوكين ..............الحرامية وصلت بيهم الجرأة لمستوى مرعب
قدر الله وماشاء فعل
قدر الله وما شاء فعل يا أبو حميد .. وزي ما قال الأخوة متسبيش أي شنط ظاهرة في العربية إن شا الله لو كانت شنطة بلاستيك. وفعلاً زي ما قال الأخ الكريم (كريم أبو ليله) مصنع الدكتور جريش بالعاشر أفضل من جميع النواحي خامات وتركيب نظيف جداً وسعر جيد جداً.. على فكرة انت ممكن تتصل بيهم وتعرف السعر قبل ما تروح.
شكرا لكل الاخوه
و الحمد لله