البنزين غلى-خلص الكلام-يبقى لازم تيجى معايا ننسى شوية

• واحد زرع ورده............ ‏طلعتله ام كلثوم.

• مرة واحد راح يوكل محامى....... ‏لقاه صايم.

• كسلان دخل الامتحان وقع منه القلم .‏سلم الورقة.

• مرة واحد باع اللى وراه والى قدامه وا شترى اللى جنبه.

• بقرة جالها جفاف نزلت نيدو .

• ليه الخشب يتيم؟.......‏لأ نه مقطوع من شجرة.

• مرة 5 ‏دخلوا كلية الهندسة اثنين طلعوا مهندسين وثلاثة مدينة نصر.

****************

• واحد بلديتنا كبر دماغه معرفش يخرجها من التيشرت.

• عربية كحيانة صاحبها سابها قدام بيت مهجور...‏ليه؟؟ ! ‏عاوزها تبقى عربية شبح

• مره واحد عداه العيب اخد الي بعده.

• واحد خلقه ضاق اداه لأخوه الصغير.

• دبانة وقعت فى ازازة وسكى طلعت تقول اوعى النسر.

• واحد مشغول اتجوز واحدة مشغولة خلفوا ولد مش فاضلهم.

• ‏مرة مدرس رياضيات خلف ولدين و استنتج التالت.

• واحدة اتجوزت واحد شخصيته مهزوزة . ‏ركبت له أريل.

• همبورجر وبيبسى و بطاطس بيجروا فى الشارع تفتكر ليه؟........ عشان وجبات سريعة

• مرة دكتور اسنان اشترى عود قصب لقاه مسوس حشاه.

• خبير ارصاد جويه ... ‏اتجوز وخلف بنتين الكبرى 27 ‏والصغرى 13

• دكتور جزمته اتقطعت خيطها وبعد أسبوع لقاها كويسه فك الخياطه

• محشش لقي كنز قال:كويس فاضل الخريطة !!

• ولد بيسأل أبوه:هي الحمير بتتجوز؟ قاله :يا بني مبيتجوزش أصلاً غير الحمير

• واحدة سودة قوي ركبها عفريت حاولوا يطلعوه قالهم نفسي أطلع بس مش شايف

• واحدة بتقول لجوزها اطرد السواق كان حيموتني مرتين في حادثة قال لها

خلينا نديه فرصة ثالثة ...

• مسطول قال لأبوه: رخصة السواجة خلصت يابا
قاله:من لفك في الشوارع طول النهار يابن الدزمة

• مسطول صدم شرطي وموته راح متصل بـ122 وقالهم:أحب أبلغكم إنكم بقيتوا 121

• مسطول قال لأبوه أنا عاوز موبايل قاللوا موافق بس تركب أخواتك معاك .

• محشش بيسأل محشش التعلب بيولد ولا بيبيض قاله التعلب مكار توقع منه أي حاجة

• مرة واحد وقف تاكسي و قاله : ‏فاضي ياسطى ؟؟؟ قاله : ‏ايوه فاضي.. قاله: ‏طيب.. تعالى اقعد معايا عالقهوة شوية !!

• ‏مره واحد ابنه طلع من الأوائل .......... شفروه !

• ‏التلميذ : ‏بحبك يا أبله و عاوز أتجوزك.... ‏المدرسه: ‏بس أنا مبحبش الأولاد الصغيرين التلميذ: ‏وأنا مش مستعجل على الأولاد

• ثلاثة مساطيل قاعدين في سهرة الأول : ‏أنا عندي فلوس أشتري بيها أمريكا الشمالية الثاني : ‏وأنا عندي فلوس أشتري بيها أمريكا الشمالية و الجنوبية الثالث : ‏و مين قالكم إني رح أبيع

• بلدياتنا ربح مليون خافوا يبلغوه يموت مصدوم .. قال العمده أنا أقوله.قال يا محمدين لو ربحت مليون حتعمل بيهم إيه؟ قال:أديك نصهم ... مات العمدة
--------------
الإدارة4

فعلاً الواحد محتاج شوية تغيير .
تسلم ايدك يا خلف باشا

أول مرة أضحك من اسبوع نكد
شكراً يا باشمهندس

فعلا النكت دى الواحد كان محتاجها ودى نكت جامده....متشكرين يا باشا وهقولها لبابا اصل موضوع البنزين ده منرفزه اوى اصله بيفول 95

هههههههه شكراً ياباشمهندس

بس خبر البنزين كان ارحم:D:D:p

ههههههههههههههه
جامده يا هندسه شكرا ليك

النكت مكررة على المنتدى لكن كل مرة أقراها تعجبنى ، بس إحنا اتفقنا بلاش تنكيت على اخواننا فى الجنوب

شكرا يا باشا و تسلم ايدا النكت جامدة بصراحة

نكت فى الجون، شكرا جزيلا

نكت جامده اوي
الف شكر ياباشا

ارجو ان البنزين ميزدش تاني ;)

شكرا علي الضحكتين دول

اقتباس:

---

المشاركة الأصلية كتبت بواسطة eng_mkhalaf

• مرة واحد وقف تاكسي و قاله : ‏فاضي ياسطى ؟؟؟ قاله : ‏ايوه فاضي.. قاله: ‏طيب.. تعالى اقعد معايا عالقهوة شوية !!

---

حلوة دى :D:D

شكرا يا رجالة - ومعلش للأدارة لعدم أتباع القوانين - جل من لا يسهو
الموضوع بأختصار أنا كنت رايح أفول العربية عقبال عندكم فقلت قبل ما أتصدم وأفرتك 100 جنية أضحك حبة يحسن تجرى ليا حاجة - والحمد لله ال 100 جنية أتفرتكت والتنك اتملى

وحسرة عليها حسرة عليها ما جت رجليها ما جت رجيلها

----------------
وراك وراك :)
الإدارة4

اقتباس:

---

دكتور جزمته اتقطعت خيطها وبعد أسبوع لقاها كويسه فك الخياطه

---

باعتباري دكتور و أصولي صعيدية أنا بحتج بشدة على النكتة ديه و على التعديل ..... الحكاية إن الخيط هو اللي فك لوحده هههه :D:D
الواحد مش عارف يلاقيها من الأعضاء و لا من الأدارة ;)

شكرا الأدارة ومعلشى يا دوك خيرها فى غيرها
ما أنت عندك 3 دخلوا كلية الهندسة طلع أتنين مهندسين والتالت مدينة نصر :) - ومحدش من المهندسين زعل

اقتباس:

---

ما أنت عندك 3 دخلوا كلية الهندسة طلع أتنين مهندسين والتالت مدينة نصر :) - ومحدش من المهندسين زعل

---

و بتوع المهندسين يزعلوا ليه ...بتاع مدينة نصر هو اللي زعل يا بوي:D:D

كلهم احلى من بعض الله يباركلك ع الضحكة وسط اليام الغبره اللي احنا فيها
الا من حق يعني ايه غبره تكونش جنب غمره

• ‏مرة مدرس رياضيات خلف ولدين و استنتج التالت.

لية كدة بس يا جماعة ( ينفع كدة يعنى )

اقتباس:

---

المشاركة الأصلية كتبت بواسطة eng_mkhalaf

• دكتور جزمته اتقطعت خيطها وبعد أسبوع لقاها كويسه فك الخياطه

--------------

---

حلوة دي
فكرتني بالدكتور بتاع التحاليل اللي امه ماتت .... قال ..تحاليلي يا أمه
والنقاش اللي ابوه مات صرخ وقال : بويه
وبياع الجرايد اللي ابوه مات .... مشي في العزاء يقول : اقرا الفاتحه .... اقرا الفاتحه

:):):) والله كام ضحكة حلوة على الريق كدة

تسلم ايدك
بقالنا كتير مضحكناش والامتحانت داخله
ربنا يوفقنا جميعا

ربنا يوفقك يا حبيبى فى الأمتحانات

ههههههههههههههههههههههههه ههههههههههههههههههههههه
بجد نكت حلوة

دي أخر طريقة لتوفير البنزين ;)

http://videohat.masrawy.com/view_vid...ype=&category=

السيد المهندس/مخالف
انا ح أكون سعيد لو أنضميت الى أعضاء ملاك الشيرى A11
السيارة بقالها سنتين معايا وما اشتكيتش من أى حاجة وانا بروح أسكندرية صحراوى كل أسبوع
ماعدا أويل سيل الكردان اليمين وما ترتب عنه من تلف الأويل سيل الداخلى وعملتة فى التوكيل ب 370 ج للأتنين
عامل 22000 كم
سمعت من واحد صاحبى أن شيل الجركن الأصفر 5000 كم جيد فما رأيك