الكاوتش والاستبن والصنايعى.انتوا رايكوا ايه؟

**Ayman-Ahmed** · 10-08-2011 06:12 PM

السلام عليكم ورحمة الله وبركاته

اخباركوا ايه شباب نايل موتورز.كنت محتاج خبراتكوا و المشورة.

الوقتى انا عندى فى فردة بالونة خفيفة تكاد تكون غير ظاهرة وفردة تانية كان فيها مسمار ولحمتها عند Fit&Fix بلزق عبارة عن رقعة وقاللولى نضمنها برقبتنا.

السوال بقى انا عندى الاستبن منزلش على الارض غير مرة واحدة وممشيش كتير والاربع فرد اللى راكبين مشيوا 30000 كم.سالت بتاع الكاوتش انزل الاستبن بدل الفردة اللى فيها بالونة قاللى لا البالونة متقلقش وبعدين الفردة الاستبن غير بقية الفرد من ناحية الاستهلاك يعنى مع العلم ان حالة الكاوتش جيدة ومفيهاش مسح ولا تأكل.

هل لو نزلت الاستبن وحطيته ورا فيها مشكلة ولا بتاع الكاوتش كان مكسل ولا ايه رايكوا.؟

**dieseltrucker** · 10-08-2011 07:19 PM

الاستبن هيا فردة كاوتش زي الاربع فرد اللي في العربية بالظبط بس حظها كده توزيعتها جت كده الاربعه يركبوا وهيا تتحط في الشنطه
طبعا كبير المفتيين الصنايعي التعبان ومااكثرهم كان مكسل
واكيد نزل الفرده السليمه وخلي المتصلحه استبن

**Ayman-Ahmed** · 10-08-2011 07:25 PM

المشاركة الأصلية كتبت بواسطة dieseltrucker

الاستبن هيا فردة كاوتش زي الاربع فرد اللي في العربية بالظبط بس حظها كده توزيعتها جت كده الاربعه يركبوا وهيا تتحط في الشنطه
طبعا كبير المفتيين الصنايعي التعبان ومااكثرهم كان مكسل
واكيد نزل الفرده السليمه وخلي المتصلحه استبن

مشكور لحضرتك.

وحضرتك تقصد بالمتصلحة اللى هى فيها الرقعة.تمام كدة؟

طيب والفردة اللى فيها البالونة.اشغلها لحد ما تكبر البالونة شوية وبعدين اركب المتصلحة.؟

وطبعا الفردة الاستبن هتركب ورا ولا ايه رايك؟

**MOUSTAFA_SAAD** · 10-08-2011 07:33 PM

ركبها بدل البالونه اضمن

**yoko** · 10-08-2011 07:39 PM

شيل بتاعت البالونه إستبن والمتصلحة ركبها انا صلحت عندهم برده والكاوتشه عاملة 35 الف كم الكاوتش ضغطة مبيقلش حتى

**Ashraf_Ibrahim** · 10-08-2011 07:40 PM

نزل الاستبن مكان الفردة اللي فيها بلونة
الفردة المتصلحة مفيش منها خوف ولا قلق انما اللي فيها بلونة دي منها قلق ممكن تنفجر في اي وقت محدش يعرف ظروفها ايه !؟

**A.Saad** · 11-08-2011 12:18 AM

مين المنجد ده

المشكلة عندك فى ان الاطار اللى راكب عامل 30000 والاستين زيرو
شوف النقشة بينهم
لان لو فيه فرق جامد ممكن يسبب عدم ثبات
لو الفرق مش محسوس غيره
الفروق دى بتتكلم على ملى واتنين

**SYD** · 11-08-2011 12:48 AM

والله حضرتك في رأي تاني وانا الصراحة اميل اليه
لازم الفردة الأستبن تكون جديدة نوفي مافيهاش ولا لحام وتكون انظف فردة عندك والأحسن تغييرها كل 5 سنين

انا شخصيا اميل لهذا الرأي

بالنسبة ليك لو هتقضي مصلحة يعني نظام تمشية حال لحد لما ربنا يكرم بفردتين كاوتش جداد
يبقي ممكن تنزل الأستين مكان البلونة مؤقتا

لكن انك تخلي الأستبن الفردة المعيوبة علي طوول ، دة غلط كبير

ربنا يستر طريقنا جميعا

والله المستعان
،
،