استاذي الكريم معلش سؤال خارج الموضوع...
هوا حضرتك جبت البوجيهات الايرديوم من فييين؟؟
شكــــــرا
عرض للطباعة
استاذ طارق طمنا عملت ايه ؟
لو المشكلة فى الترموستات هتبقى مروحة الردايتير مش شغالة لان الترموستات وظيفته فصل التبريد و بالتالى عدم تشغيل المروحة و الموتور بارد
لو حد يعرف طريقة فصل الترموستات ياريت يشرح لنا بالصور
يباشا حضرتك لازم تقولنا عملت اية ياريت تطمنا زي ما ردينا عليك امبارح ياريت نعرف الحل اية لافادة الجميع
الحمد لله المشكله بسيطه
طلع فى خرم فى الرداتير تسرب المياه كلها من تحت
الحمد لله اتصلح فى التوكيل وتكلف تنظيف و تصليح 250 جنيه لانهم بيقوا الرداتير الجديد 2800 جنيه
وشكرا على اهتمام الجميع
فى معلومه مهمه جدا اكتشفتها فى جين2 فى حاله و صول العربيه لدرجه حراره مرتفعه جدا 120 تقريبا الماتور بيفصل لوحده اتوماتيك وبينور لمبه تشيك بيوقف دوره الاشتعال
طيب هو مفيش تعديل ينفع نعمله بحيث لما درجة الحرارة تعدي ال 100 مثلا نسمع صوت إنذار ؟!
ونفس الفكرة إنذار اذا السرعة تجاوزت ال 120 ؟!
حصل معايا نفس اللى حصل معاك بالظبط
الريداتير اتخرم ولقيت العربية حرارتها وصلت 120 وعلى فكرة مخدتش باللى غير لما لقيت التكيف جايب هوا سخن وبعدين بدوس بنزين العربية مكلبشة بصيت على الهاند بريك لقيتة موش مشدود طيب فى اية ببوص على عداد الحرارة لقيتة 120 رحت فاصل العربية وواقف فورا
لحد مابرددت ركنتها وبصيت على الريداتير لقيتة اتخرم لحمتة وعملت دورة تنظيف للريداتير فى البنزينة وحطيت مية خضرا على فكرة اوى اى حد يحوط مية عادية العربية هاتسخن منة هاتسخن لا بديل مع بروتون عن المية الخضرا والحمد لله العربية ماشية معايا كويس وربنا يستر
موضوع فصل الموتور عند 120 دية حاجة ممتازة
كده دى تبقى المرة 3 الى يحصل فيها مشكلة خرم الردياتير دى ( فى زميل لينا هنا فى المنتدى حصل له نفس المشكلة وللاسف جوان وش السلندر ضرب عنده و كان عامل توبيك على نفس المشكلة )
ياريت تشرحولنا ازاى الردياتير اتخرم و الخرم كان مكانه فين و التسريب كان من الردياتير نفسه و لا الخراطيم الى بتوصل الردايتير مع الموتور بحيث نتفادى كلنا المشكلة دى