صيني مين بس يا فندم اللي هنرشحه لصاحب الموضوع ؟ ده احنا في قسم الهيونداي هههههههههههههاقتباس:
طيب ممكن تفكر في الbyd
كده اقتراح كويساقتباس:
وتجيب صتي اوتو من غير abs حتي لو هاتقسط عشرة ولا حاجة
عرض للطباعة
صيني مين بس يا فندم اللي هنرشحه لصاحب الموضوع ؟ ده احنا في قسم الهيونداي هههههههههههههاقتباس:
طيب ممكن تفكر في الbyd
كده اقتراح كويساقتباس:
وتجيب صتي اوتو من غير abs حتي لو هاتقسط عشرة ولا حاجة
شكرا لكم جميعاً والحمد لله قررت على الفيرنا ان شاء الله
امبارح رحت للمعرض الي جنبنا اسمو اوتو ناصر بدوي معرفش لو حد سمع فيه ولا لا بس هو موزع هيونداى
المهم رحتلوا قالي في دلوقتي خصم 2000 جنية على الفيرنا خلال شهر رمضان فقط ان شاء الله على اخر 10 من رمضان اشتري العربية بـ اذن الله
لو حد عندو نصائح تاني ياريت يشرفني
وعندي سؤال بس بنسبة للتجنيط 15 هو هينفعني في ايه؟ وهيكلف كام وهغير ايه بضبط؟
لا 16 كتير جدا الطنابير هتتاكل و العفشه هتتبهدل اخرك 15 و كاوتش عريض بس بالمقاس القياسي للعربيه يعني متجيبوش عريض اوي عشان ميحكش في الكارتيرات و هيبهدل العفشه برضه
Screenplays تمام حضرتك بس انت شايف انها لازم تتعمل يعني علشان تزيد الامان ولو في حل تاني مثلا علشان يخلي الفرامل اقوى واحسن؟
loshabih وانت طيب ياباشا . ماشي بس سعرها غالي بردو يعني هي مش شرط اعملها صح ؟
ولو في حاجة تاني اعملها مثلا علشان ازيد ثبات العربية وازيد قوة الفرامل مثلا؟
بس قولي حضرتك ايه رأيك في العربية كـ كل وفي الاوتوماتك خصوصاً ونصائحك ليا بعد اذنك عايز استفيد منكم وشكرا لكم وتقبل الله منا ومنكم الصيام والقيام
الحل الوحيد لموضوع الثبات و الفرامل هو جنط اسبور و كاوتش محترم و الكلام ده انا عامله عندي و النتايج زي الفلاقتباس:
تمام حضرتك بس انت شايف انها لازم تتعمل يعني علشان تزيد الامان ولو في حل تاني مثلا علشان يخلي الفرامل اقوى واحسن؟
Screenplays ماشي بس هي كلها هتكلف كام يعني جنوط وكاوتش محترم حتدخل في كام مثلا؟
ولو ما كنتش عايز اجنط عادي مش هيكون في مشاكل على الاقل الفترة دي علشان انا يادوب حوشت القرشين دول علشان اشتري العربية بقالي اكتر من سنه ومش عايز اخد حاجة اتندم عليها عايز حاجة ان شاء الله تكون معايا طول العمر
انا مش عارف الاسعار بصراحه لاني جنطت السنه اللي فاتت تقريبا عموما الميزانيه مش هتزيد عن 4000 جنيه مثلا و بعدين انا مشيت سنه علي الجنط و الكاوتش الفبريكه و الفرامل و الثبات زي الفل لحد 120 لما جنطت بقيت بوصل 160 و اي اسئله تانيه انا تحت امر حضرتك
Screenplays انا مش عارف اشكرك ازاي ولله ده لو رحت معرض العربيات مش حيفيدني بـ الشكل ده
عندي كم سؤال ولو انا تقلت عليك بس معلش ولله اصل لسى اول عربيه ليا عايز اشتريها وفي 1000 سؤال في بالي وخايف شوية ومتردد في ناس تقولي هي عملية وكل حاجة بس عيوبها كتير وفي ناس تقولي اشتريها واتكل على الله وانا بين دا ودا حاير
ياريت بس توضحلي الفيرنا اوتوماتك تصليحها سهل لا سامح الله لو حصل حاجه في الفتيس؟ والفتيس بتاعها عملي وبيمشي كويس ولا في اعطال كتير اصل انا مش عايز اتعب نفسي في عربية مانيوال انت عارف الزحمه وكده ف قولت اخذلي عربية تريحني ان شاء الله
وبنسبة للثبات بتاعها وقدرة التحمل بتاعها من خلال تجربت حضرتك ايه رأيك فيها؟
لا شكر علي واجب يا فندم عموما مفيش مشاكل فنيه في الفتيس الاوتو بتاع الفيرنا و مسمعتش عن شكاوي معينه منه و الفتيس ده موجود في الماتريكس و الجيتز و ماشي زي الفل مفيش مشاكل بس تراعي صيانته الدوريه في مواعيدها و بعون الله كله هيبقي تمام و طبعا انا وضحت قبل كده مشاكل الفرامل و الثبات و قولت تتحل ازاي و هو في مشكله كده ملهاش علاقه بالعربيه اصلا الا و هي الكاسيت ال Road Star بصراحه نوعيته مش قد كده لا هو و لا السماعات و انا مشيت بيهم سنه و كانوا زي الفل بس بعد كده بدأوا يخرفوا يمكن لاني بستعمله كتير فاعمل حسابك علي CD Player محترم و طقم سماعات بايونيير مثلا بالنسبه لقدره التحميل فهي عربيه حماره شغل و كفايه كميه التاكسيات اللي شغاله و كله تمام و في حاجه اخيره اللي هي التقفيل طبعا حضرتك عارف انها بتتقفل هنا فممكن تلاقي صاموله مش متربطه كويسه او سلك محروق او فيوز ضارب او اي حاجه تافهه زي دي ممكن تقابلك فمتقلقش منها واي اسئله تانيه انا تحت امرك