استفسار في الفليشيا

**ayman20100** · 11-08-2011 12:37 PM

السلام عليكم ورحمة الله
انا عاوز اعرف مكان مسمار الهواء الى تحت الكربراتير ضروري لاني عاوز اجرب اظبط فيه حاجة ومش عارف اوصله مع اني دايما اشوف المكيانيكي وهو بيظبطه ومش عارف اوصله او مش واخد بالي منه رجاء لو فيه صورة ليه مثلا يبقى كده الف شكر

ثانيا انا عندي دبدبه جامده جدا في المطبات ياريت والميكانيكي قالي اروح عند بتاع عفشه وقالى غالباً انه جلب مقصات او علبه دريكسيون ياريت لو حد يقولى الاسعار بتاعتهم قبل ما اروح لبتاع العفشه عشان برضه الواحد ما يضحكش عليه

ثالثاُ : كل الشكر لاعضاء المنتدى بجد انا فاكر كتير انكم افدتوني جداُ ولما بسالكم واروح للمكيانيكي ببقى فاهم ايه الي بيتعمل وايه الى عاوزه وكمان بحددله المشكله فين بصراحة جزاكم الله كل خير وشكرا ليكم

**rasim** · 11-08-2011 12:57 PM

السلام عليكم فى انتظار الرد معاك ياباشا

**dado_256** · 11-08-2011 02:46 PM

بص يا باشا موضوع مسمار الهوا ده انت لو قصدك على اللى بنعلى منه الموتور يبقى هتلاقيه تحت العمه لو قدرت تفكها هيبان اكتر ولو مقدرتش هتجيب مفك عادى مش صليبه و تفكر او تربط لو عايز تعلى اربط عايز توطى فك المكان بتاعه بالظبط بقى هتلاقى تحته الحته السوده اللى فى اخر كابل البنزين ولو قصدك على مسمار الهوا بتاع السلانسيه هتلاقيه برضو من الجنب الشمال وانت وشك للعربيه من قدام يعنى انت هتقف عند الرفرف اللى من الناحيه التانيه مش بتاعه السواق وهتشوفه بعنيك تحت شويه كده اكيد وصفى مش واضح اوى بس لو قدرت اجيبلك صوره هجيبلك
ثانيا موضوع الدبدبه بص يا سيدى اولا ممكن يكون مساعدين مش كويسين او جلب المقصات او دراعات الاسكترا لكن الفيليشيا مفهاش علبه دريكسيون هى على سكترا

بس كده ده اللى اقدر افيدك فيه على قد معلوماتى ويارب تكون فهمت حاجه

اخوك احمد

**ayman20100** · 11-08-2011 02:54 PM

المشاركة الأصلية كتبت بواسطة dado_256

بص يا باشا موضوع مسمار الهوا ده انت لو قصدك على اللى بنعلى منه الموتور يبقى هتلاقيه تحت العمه لو قدرت تفكها هيبان اكتر ولو مقدرتش هتجيب مفك عادى مش صليبه و تفكر او تربط لو عايز تعلى اربط عايز توطى فك المكان بتاعه بالظبط بقى هتلاقى تحته الحته السوده اللى فى اخر كابل البنزين ولو قصدك على مسمار الهوا بتاع السلانسيه هتلاقيه برضو من الجنب الشمال وانت وشك للعربيه من قدام يعنى انت هتقف عند الرفرف اللى من الناحيه التانيه مش بتاعه السواق وهتشوفه بعنيك تحت شويه كده اكيد وصفى مش واضح اوى بس لو قدرت اجيبلك صوره هجيبلك
ثانيا موضوع الدبدبه بص يا سيدى اولا ممكن يكون مساعدين مش كويسين او جلب المقصات او دراعات الاسكترا لكن الفيليشيا مفهاش علبه دريكسيون هى على سكترا

بس كده ده اللى اقدر افيدك فيه على قد معلوماتى ويارب تكون فهمت حاجه

اخوك احمد

الف شكر على ردك وطبعا الشرح جميل بس انا فعلا شكلي محتاج صور لاتي فعلا قعدت ابص كتير وادور ومش شايف المسمار بتاع الهوا خالص ولا اي واحد منهم واول مره اعرف ان في مسمارين جزاك الله خيراً

**ayman20100** · 12-08-2011 01:05 AM

الف شكر انا انهارده جيبت كشاف صغير وبصيت فعلا ولقتي المسمار بتاع الهوا جزاك الله خيراً وبالنسبة للعفشة شكلي هستحملها كده شوية على ما افضالها وربنا يستر الموضوع ما يكبرش