توبة يا توكيل

**ahmedtr9989** · 11-08-2011 12:47 PM

رحت أعمل صيانة ال80000 كم ....و أكشف على العفشة ... المهم خلصوا العربية في أقل من ساعة و اﻷسعار و النتيجة كالتالي:
1-الزيت و فلتر هواء و بيوجيهات (من غير طنبورة الكرنك) ---> 654 جنية
2-المصنعية بس (من غير طنيورة الكرنك) ----> 300 جنية
3- شرركولي العفشة و قالولي كمان إن العربية مش مظبوطه من قدام و عاوزة عفشة كاملة من قدام و عاوزة قنطرة
3- لمبة اﻹيرباج نورت بعد أما وصلت البيت
ملاحظاتي :
كنت موديلهم العربية نضيفة و أخدتها كووووم تراب
مش عارف ليه ياخدوا 300 جنية مصنعية عشان تغيير زييت و بوجيهات و فلتريييين
مش عارف إيه علاقة الصيانة بلمبة الإيرباج إلي نورت ... يعني أنا بعمل صيانة يلعبوا ليه في حاجة تانية ..... ربنا يسطر
مصممين إن العربية على الطريق السريع بتكون مش مظبوطه .... مع إني بجري على 120 وكله تمام .... وقالولي القنطرة عندك ﻻزم تتغير لإننا حاولنا نضبط زوايا و مظبطتش خالص..
آخر حاجة بأه ..... متعرفش إزاي عملوا الصيانة و كشفوا على العفشة و حاولوا يظبتوا زوايا في أقل من ساعة ....حسسوني إني راكب جرار ... مش عربية
بصراحة عن نفسي معدتش رايح هناك تاني .... وهروح للميكانيكي إلي عرفني بيه أيمن مومو راجل محترم بجد و صنايعي وعارف شغلة كويس ...... و الحمد لله على كل شئ

**albasha** · 11-08-2011 12:54 PM

الحمد لله علي كلل شئ وهو عامة التعامل مع التوكيل بيكون في الحالات المستعصيه لكن حالات العفشه والشغل اللي ممكن يتعمل بره عادي ده مفيش منه مشاكل ممكن يتعمل عند الميكانيكي عادي

**waelfarid** · 11-08-2011 01:05 PM

نوعها ايه العربية no ولا no ولا هي نينو

**abasse** · 11-08-2011 01:54 PM

المشاركة الأصلية كتبت بواسطة ahmedtr9989

3- لمبة اﻹيرباج نورت بعد أما وصلت البيت

ممكن الفيشة الى تحت الكرسى السائق

**ahmedtr9989** · 11-08-2011 02:20 PM

المشاركة الأصلية كتبت بواسطة abasse

ممكن الفيشة الى تحت الكرسى السائق

ممكن فعلا ... بس ليه ..... ماهي عﻻقة الصيانة بالي حصل ... إﻻ لو كان إهمال منهم

**ahmedtr9989** · 11-08-2011 10:34 PM

المشاركة الأصلية كتبت بواسطة ahmedtr9989

ممكن فعلا ... بس ليه ..... ماهي عﻻقة الصيانة بالي حصل ... إﻻ لو كان إهمال منهم

هي فعلا كانت الفيش إلي تحت الكرسي ..... بس يعني إلي كان بيرجع الكرسي كان بيرجعة أكيد بغباء و دا كان السبب
حد بأه قابل موضوع القنطرة دي قبل كده

**yalahwy2010** · 12-08-2011 10:04 PM

انا عمرى ما اقتنعت بالتوكيل....ماينفعش أسيب العربية حد يشتغل فيها بعيد عن عينى...انا كنت أعرف واحد شغال فى التوكيل......حكالى مرة ان أخدوا حاجات من عربية بتاعة زبون وحطوله حاجات بايظة.,.....عشان غلطة صنايعى شغال فى التوكيل....فا حبوا يغطوا عليه ....فا جابو قطع غيار من زبون تانى مالوش ذنب....وطبعا الزبون قاعد فى الريسيبشن زى الباشا ما يعرفش اللى بيحصل....
انا عندى رأى بصراحة ان أى حد رايح يصلح عربيته .لازم يكون فاهم كويس أوى تشخيص المشكلة ايه......عشان لا ميكانيكى ولاتوكيل يلعب بيك
والمصنعية بتاعة التكويل بيبالغوا فيها أوى بدون مبرر...أكنهم دكاترة..مع انى مش شايف فرق خالص مابين التوكيل واى ميكانيكى.بس بشرط ان الميكانيكى يكون فاهم فى العربية
معذرة للاطالة.بس انا بتغاظ من التوكيل أوى

**ahmedhawas** · 13-08-2011 01:26 AM

أنا رأيي انك لازم تعمل صياناتك في التوكيل لحد فترة الضمان ما تخلص.
وبعد كده تشوف حالك بره.

**ahmedtr9989** · 13-08-2011 02:45 AM

المشاركة الأصلية كتبت بواسطة ahmedhawas

أنا رأيي انك لازم تعمل صياناتك في التوكيل لحد فترة الضمان ما تخلص.
وبعد كده تشوف حالك بره.

أولا العربية موديل 2007 يعني أنا برة الضمان و كمان أنا ماشي 86000كم يعني فاضلي 14000 و الفتيس يخرج برة الضمان هو كمان .... ومش فارقة قوي النقطة دي...
أنا الحمد لله مومو عرفني على واحد شارب المهنة ولما رحت عنده لقيت حوالي 5 عربيات عنده ... إلي عاوزة يتغير موتورها و إلي عاوزة الفتيس يتحل و حجات تانية من إلي قلبك يحبها .... كأني داخل مشرحة و بصراحة الراجل وهو بيمد إيده بيكون عارف هو بيحط إيده فييين و حافظ كل مكان و حتة في العربية و عنده ضمييير و زوووووق قووووي ,,,,
أنا الراجل ده مش قريبي عشان أشكر فيه ... أنا رحتله مرتين لغاية دلوقتي ... بس بجد الراجل ده محترم و أمييين ....... وربنا يباركله

**wiisha** · 14-08-2011 05:06 AM

طب هو الراجل ده مين و فين و ياريت نمرة تلفونه :)

الموضوع: توبة يا توكيل

LinkBack

أدوات الموضوع

عرض

-

-

-

المواضيع المتشابهه

توبوا الى الله توبة نصوحا

قصة توبة هاله فؤالد رحمها الله

الفريق البحثي ‬توبة. ‬لن ندخل في. ‬أبحاث جديدة لإنفلونزا الطيور أو الخنازير

توبة صاحب منتدى

الكلمات الدلالية لهذا الموضوع

المفضلات

المفضلات

ضوابط المشاركة