الموضوع: عضو جديد تيداوي في منتدى النيسان ..

ألف مبروك عليك السيارة وربنا يبارك لك فيها إن شاء الله،
أنا لسة حالاً راجه من معرض مرعي في إسكندرية عندنا في منطقة مصطفى كامل وموجود عنده اللون الأحمر الهاتشباك، وبصراحة بسم الله ما شاء الله العربية تحفة تحفة تحفة لدرجة إني لم أصدق أن الهاتشباك بتاعت التيدا شنطتها واسعة كده ، وفي أمكانية دفع الكنبة الخلفية إلي الأمام لتوسيع الشنطة الخلفية مع الأحتفاظ بوضع الكنبة كما هو، ودي خلتني أعيد تفكير تاني من الأول، عشان أنا كنت ناوي بصراحة أجيب الصني السوبر صالون هاي لاين أعلى فئة، وبعد ما شفت التيدا ، الموضوع لعب في دماغي من تاني ، رغم ان الفرق كبير في السعر ولكن التقسيط مغري برضه، بس المشكلة دلوقتي إني بحب العربية إللي بشنطة وما كنتش ناوي أدفع أكتر من 100000جم في هاتشباك، ولكن السيدان منها بصراحة شكلها فكسان أوي، على العموم ساعة التنفيذ هصلي أستخارة وربنا يعمل إللي في الخير إن شاء الله.
يا ريت إذا عندكم أي نصيحة تفيدوني بيها في حسم الأختيار

ألف مبروك وربنا يديك خيرها ويكفيك شرها وهى فعلا عربية محترمه جدا

المشاركة الأصلية كتبت بواسطة peaceman

الف مبروك عليك مقدما يا باشا العربية الجديدة و مبروك علينا صقر جديد من صقور نيسان

الله يبارك فيك يا باشا .. و شرف ليا يا باشا الإنضمام ليكم ...

المشاركة الأصلية كتبت بواسطة mohaismail

الف مبروك ى باشا عربية محترمة جدا وصعب جدا تشتكى منها وتقريبا ملهاش عيوب وربنا يباركلك فيها
وبخصوص اللون شوف انت ساكن فين ومشاويرك فين لو بتمشى فى طرق نضيفة ومفهاش تراب كتير هات الاسود لانه شيك جدا لو غير كده هات فضى .

أولا ألف شكر ليك على إهتمامك ..
أنا فكرت في اللون الأسود ... هو شيك جدا .. بس بصراحة عايز طبطبة أنا كان نفسي في الحمرا بصراحة بس الحمد لله بقى ..

المشاركة الأصلية كتبت بواسطة zenda

اللون الأحمر موجود للتيدا شايفة امبارح عندنا فى الاسكندرية عند موزع نيسان احمد مرعى كانت هاتشباك بس بفتحة سقف :d
انما اللون الازرق هو اللى فعلا مش بينزل.

أنا أشتريت من السبع لأنه معرفة و عملي فيها خصم كويس .. و مكانش عنده أحمر ..
فهاخد ال شامبين .. لونه حلو برضه .. و شكرا ليك ..

المشاركة الأصلية كتبت بواسطة sehsss

ألف مبروك يا باشا وربنا يديك خيرها ويكفيك شرها

الله يبارك فيك يا باشا ...

هيا تيدا ارتفاعها عن الارض اكتر ولا ليفينا