فتحة التهوية الاماميه في وش الفليشيا 96 glx

**asaid** · 11-08-2011 05:52 PM

فتحة التهوية في وش الفليشيا 96 glx حاسس انه صغير فحت و انها أحد اسباب سخونة العربية على السرعة العالية, فهل ممكن يتعملها تعديل بحيث تبقى زي وش اوكتافيا؟؟؟

**zico2009** · 13-08-2011 04:03 AM

المشاركة الأصلية كتبت بواسطة asaid

فتحة التهوية في وش الفليشيا 96 glx حاسس انه صغير فحت و انها أحد اسباب سخونة العربية على السرعة العالية, فهل ممكن يتعملها تعديل بحيث تبقى زي وش اوكتافيا؟؟؟

مستحيل عشان اكصدام ورفارف مختلفة واكصدام مختلف وابعاد مسامير التركيب لكن ممك تقص وتعدل في الفتحة في الحرفيين بحيث تنفخها وتقص وهيبقي شكلها حلو ولو انت متخوف من انك تبوظ الوش عامل 125 جنية تيواني ممكن تشتريه وتعدل فيه و تحتفظ بالاصلي عند بيع السيارة تركبه زي ما كان

**AhMeD MeTwAlY** · 13-08-2011 01:13 PM

بس نصيحه مش تعمل كده غير لما تجنط لان بيكون شكله مش حلو من غير الجنط

**wael_ghreez** · 15-08-2011 07:27 PM

السلام عليكم و رحمة الله و بركاتة
على فكره ياريت فعلا تغير الوش او تعدل فيه لان ماحدش مصدقني , اصلا من زمان و انا بقول ان وش الفيليشيا القديم احد اهم الاسباب في السخونة على السرعات العالية و هاقولك ليه , انا في مره بعد الشر عنكم عربيتي اتخبطت من قدام فبدل ماوديها للسمكري و يقعد يدقدق في الهواية و ارش و بتاع قولت انا اجيب واحدة اصلي استيراد احسن و نفس اللون بس هواية قديمة برضه مش وش اوكتافيا لانه مانفعش اغيرها المهم اني فكيت الهواية و على مادورت على استيراد و بتاع سبت العربية من غير هواية خالص لمدة يومين , بص من الاخر كدة كنت كأني راكب عربيه تانيه ههههههه بجد مؤشر الحرارة ماكنتش مصدقه خالص , عرفت ساعتها ان الهواية احد اهم الاسباب في فشل العربية دي من حيث السخونة , و لذلك تلاقي الشركة المصنعة غيرت شكل الهواية في موديل 98 و اللي بيتقال عليها وش اوكتافيا و دة من باب التطوير في العربية و دة اكبر دليل على كلامي , و اللي مش مصدق يبص على العربيات التحفه الجديدة و يبص الهواية اد ايه في كل الموديلات

**flashop** · 16-08-2011 09:28 AM

بصراحة بفكر أغامر وأجرب .... بدأت أقتنع انه فعلا ممكن يكون سبب رئيسى

**AhMeD MeTwAlY** · 17-08-2011 06:42 PM

واللهي حضرتك انا مقتنع وعايز انفز بس عايز اشتري جنط الاول عشان يكون شكلها مقبول لان التعديل علي الوضع العادي مش هيكون كويس

**dado_256** · 17-08-2011 11:29 PM

انا لاغى العلامه ومخليها كلها حته واحده من فوق وتحت يعنى سديت مكان العلامه وبقت مفتوحه زي مستطيل كده شكلها بقى حلو على فكره وغير من شكل العربيه اوى

**AhMeD MeTwAlY** · 18-08-2011 01:21 AM

المشاركة الأصلية كتبت بواسطة dado_256

انا لاغى العلامه ومخليها كلها حته واحده من فوق وتحت يعنى سديت مكان العلامه وبقت مفتوحه زي مستطيل كده شكلها بقى حلو على فكره وغير من شكل العربيه اوى

ممكن صور للعربيه ويا ريت لو تجيب شكل الوش من الجنب ومن الامام
هتعب حضرتك معايا بس ده قرار تغيير في شكل عربيه انت فاهم حساسية الموقف :d:d

**dado_256** · 18-08-2011 07:44 PM

بص انا هحطلك صوره بس دى كانت بعد السمكره على طول مكنتش رشتها يعنى ولا معجنتها

**dado_256** · 18-08-2011 08:45 PM

ودى صوره تانيه برضو بس طبعا من غير معجون ولا بويه لانى كنت عامل حادثه وكانت لسه جايه من السمكرى

الموضوع: فتحة التهوية الاماميه في وش الفليشيا 96 glx

LinkBack

أدوات الموضوع

عرض

-

المواضيع المتشابهه

فتحات التهوية

تيدا هاتش باك فتحة سقف ولا اوبل كوسا 2012 هاي لاين فتحة سقف

فتحة التهوية في وش الفليشيا 96 glx

زر التهوية في الكارنز

ضرووري ياجماعة مشكلة في فتحات التهوية

الكلمات الدلالية لهذا الموضوع

المفضلات

المفضلات

ضوابط المشاركة