الفكرة دى حا تطفشة فعلا بس مؤذية جدا جدا للحيوان حرام
الكلب حاسة الشم عندة أعلى من حاسة الشم ب100 مرة تقريبا تخيل لو انسان شممتة شطة مطحونة فما بالك بالى حا يحصل للكلب
عرض للطباعة
يعنى عمال تقول رمضان و انك صايم و فى الأخر عايز تسم كلب ؟؟؟ اللى هو روح من عند ربنا ؟؟؟ اللى ربنا دخل واحد الجنه بسبب الكلب و دخل واحده النار بسبب قطه ؟؟؟ هو ازاى الأفكار بقت كده
ربنا يهدى
شكراً لردودكم
انتو حسستوني اني سفاح والله انا مش كدة أبداً انا مررة كنت هفرم عيل صغير في الشارع هو وابوه علشان ماسك كلب بلدي رجله مكسورة وبيعذبه وابوه بيقولي انت مالك
موضوع السم ده آخر حاجة هفكر فيها بس لو مفيش غيرها هعملها رغم ان اصحابه هما اللي يستاهلو السم بصراحة بس مفيش حد من اللي بيتكلم هيستحمل الريحة والمنظر والنجاسة اللي بتلزق في هدومك وجزمك ومنظرك قدام الضيوف أبداً
دا آخر مررة كان على العتبة والمية دخلت الشقة وقلب ريحة الشقة كلها بجد حاجة مؤذية جداً جداً وانا صبرت عليهم زي ما قلت اكتر من 7 مررات وسألت شيخ قالي دا كدة كأنه كلب ضال ولو معرفتش تصطاده اقتله وحكم الكلب الضال اكيد كلكم عارفينه حتى في الاشهر الحرم حلال قتله لانه بيأذي الناس
وانا جربت حطيتله نفتلين ومفيش فايدة
شكلي هجرب الشطة يمكن يشمها اول مررة ويحرم ييجي تاني
بص هو عنوان الموضوع حرق دمي و خلاني مش قادر بصراحة اتلم علي اعصابي المهم سوال بسيط اوي اوي هو الكلب فعلا بيعمله في شقتك لا طيب انا معاك ان الريحة قرف و بتبقي مش تمام لاكن لو قط شارع او قطة او كلب شوارع و عمل كدة هتسموة برضوة علي العموم انا مع احترامي ليك بشوف اي انسان بيسم اي شي ء في الدنيا دة انسان غير متحضر و متخلف اي بنيادم في الدنيا حتي اخويا لما كان عايز يسم البط تالي جارنا جايبينوة و اهو هقولك بط و قرف كانت مشكله و سبت البيت لغايه م رجع عن الي في مخة و بردوة قولتلوة نفس الكلام هو حضرتك مين عشان تتحكم في مصير روح ربنا وحدة هو الي خلاقه ياترا ضميرك هيسمحلك و موضوع انك تسربه دي برضوة شي مش عملي ماهو ممكن يجيبوة غيرو ساعته هتعد هما يجيبوة و انت تسرب بيتهيايل صعب انا من راي تهددهم ب انك هتسمة او انك هتسربوة و شوف التهديد هيجيب نتيجة ولا لا انا عندي كلب بلاك جاك عايز اقولك كنت جايبوة جرو 3 شهور دلوقتي 7 شهور و بقي حيطة و الكلب شرس جدا جدا و انا لو حد فكر يسم كلبي او يسربة ده انا اولعلهم في العمارة كلهههه بجاز وسخ معلش انا مندفع في كلامي بس خرام عليك تسموة دي روح زي ما قولتلك اتكلم معاهم و في النهايه لو مسمعوش الكلام خدوة و هربوة بس مش تسربوة في الشارع بيعوة و فلوسة حطه في جامع او اعمل بيه اي عمل خير لانك لو رميتوة في
الشارع برضوة بتحكم عليه بالموت ممكن اسال حضرتك سوال .................................................. ..........*
برجاء ظيط النفس عند الرد علي الاعضاء
وعدم تعميم فكره او طريقه تفكير علي طائفه معينه من طوائف الشعب المصري
مشرف عام 4
امسح قدام شقتك بالخل و هو مش هايعملها تانى قدام الباب عندك
لانك مهما مسحت الريحه بتفضل موجوده و بالتالى هو لما بيجى يشم
بيعملها فى نفس المكان
الخل بيضيع الريحه دى
جرب موضوع الخل ده الاول
و حرام عليك تموته لان ده روح
حقولك حل من الاخر بس يمكن صعب شوية تطبقه عن الباقي
طبعا الإنسان بيسمع لغاية حوالي 20 khz و الكلاب تقدر تسمع أكتر من كده
تجيب حاجة زي دي Amazon.com: DAZER II Ultrasonic Dog Deterrent: Pet Supplies
ده بيستخدموه للحماية من الكلاب وفي احيان عشان يسكتوا
ده دايره برده شبيهة
http://i.imgur.com/lxSB4.jpg
المهم تجيب حاجة كده بس بقوة أكبر وتشغلها ليل نهار...حتجنن الكلب وطبعا هم حيخلصوا منه في أسرع وقت
طبعا الجهاز ده ميقدرش يعمل كده عشان موضوع الرفق بالحيوان وكده
لكن ممكن لو عندك خبرة هندسية تعدله
أحلى حاجة في موضوع الألتراسنيك ده إنه ماحدش حيعرف إيه اللي بيحصل عشان ماحدش يقدر يسمعه
لكن طبعا ربنا شاهد عليك فـماتستخدموش لمجرد التعذيب
في أجهزة كاملة للتخلص من الحشرات والصراصير بتعتمد على الموضوع ده فـدول أسهل كتير في التعديل
بيتهيالى فكرة الشطة مش مؤذية للدرجة مهو اكيد هيشمها قبل ما يدب راسة فيها و يسحبها كلها
انا جربت موضوع الشطة دة على غطا العربية علشان كان عندى كلاب بتنام فوق العربية و كان تمام اوى بس اول ما الشطة راحت و الهوا طيرها رجعوا يناموا تانى يعنى ماذتهمش للدرجة اللى تعقدهم من العربية
اولاً انا عامل الموضوع علشان الناس تفيدني والعنوان كتبته وانا متنرفز بس فعلاً ضميري مش هيسمحلي اقتله بس بما ان عندك كلب قولي حل عملي اعمل فيه ايه علشان يبعد عن الدور بتاعنا ،اللي اعرفه ان الكلب ممكن يتدرب على مكان معين مبيتسابش كدة في اي حتة
ولما تكون انت مش غلطان ومأذيتش حد وواحد يسمهولك يبقى ليك الحق تولع في العمارة فعلاً لكن دول عالم آخر قلة أدب وبجاحة غصباً عنك وهم مربيين بط وفراخ عالسطح على فكرة
وعلشان تبقى فاهم الموضوع كويس هم مش زينا مينفعش معاهم نقاش وكلام بالعقل وكدة دول بتوع خناقات ومشاكل وتعليمهم على قدهم (محو امية تقريباً) ومش وش سكن في المنطقة بس ربنا فاتحها عليهم بقرشين ومعاهم واسطتين فبيتنططو على الناس
وانا مش من الصعيد خالص ولا عمري رحتها