كورى + اتوماتيك = ايه ؟

**أشرف العدوي** · 04-11-2008 04:51 PM

غريبة جداً يا جماعه
انا كنت فاتح الموضوع ده من شهر مايو علشان انزل اشترى عربية فى حدود 90 ألف
و كانت مقارنتى ألاخيرة بين النيسان صنى الاتوماتك و النيو أكسنت ..

اللذيذ فى الموضوع انى كنت جاهز اشترى العربية على شهر يوليو
لكن جد فى الامور أمور , و انخفض المبلغ المحدد لشراء سيارة
و حالياً أنا لايص , لا عارف اجيب اتوماتك ولا حتى مانيوال !!؟
و يمكن اشوف مستعمل مع انى مش بفضل هذا الاختيار

عجبت لك يا زمن !

انت واخد كوبي من الحوار بتاعي بالظبط بس انا كنت بقارن بين السيراتو و الأوبترا
انا زيك بالظبط و بدور على أوبل فيكترا 98 او 97 اوتوماتيك بعد كل الي سمعته عن الاوتوماتيك لقيت ان الألماني افضل

**sherif Anton** · 04-11-2008 07:25 PM

الماني ... ياباني .... كوري ... المهم تحافظ على عربيتك ويكون استعمالك ليها زي ما الكاتالوج بيقول ... في الاخر ده حسب استعمالك

**محمد ابراهيم 1** · 04-11-2008 08:07 PM

المشاركة الأصلية كتبت بواسطة فادى

الفتيس الأوتوماتيكى فى رأيى معادلة فاشلة فى أى سيارة حتى لو كانت مرسيدس مش كورى أو يابانى فقط, مادامت لسه مطلعتش معاش!!
الفتيس الأوتوماتيكى يقوم على ميكانيزم ميكانيكى طورته أولدز موبيل فى 1940, يتيح للسيارة الانتقال الى الترس الأعلى كلما وصل العزم الى حد معين, غالبا بعد نقطة أعلى عزم.
عيوبه :
- استهلاك عالى للوقود.
- عدم القدرة على استغلال قدرات المحرك بشكل أمثل.
- وقت طويل نسبيا للانتقال الى النسبة الأعلى.
- تعقيد و أعطال أكثر من علبة التروس التقليدية.
- أداء فقير.
- عدم القدرة على تشغيل السيارة بواسطة الجر و التعشيق(الرمى), لذا فانه فى حالة تعطل البطارية أو المارش سوف تكون فى وضع صعب جدا, اذا لم تجد أى معونة متوفرة.

مميزاته :
- لا شىء سوى الراحة و سهولة القيادة!

الله ينور عليك