انا عايز اسأل سؤال مؤرقنى يا جماعه:
هل ممكن نعمل معادلة ناجحة وهى سيارة كورى + ناقل حركة اتوماتيك ؟
و لا المعادلة دى فاشلة على المدى الطويل ؟
ولا نختصر و نقول: يابانى + اتوماتك أو كورى + عادة ؟
شكراً للجميع مقدماً ...
عرض للطباعة
انا عايز اسأل سؤال مؤرقنى يا جماعه:
هل ممكن نعمل معادلة ناجحة وهى سيارة كورى + ناقل حركة اتوماتيك ؟
و لا المعادلة دى فاشلة على المدى الطويل ؟
ولا نختصر و نقول: يابانى + اتوماتك أو كورى + عادة ؟
شكراً للجميع مقدماً ...
الفتيس الأوتوماتيكى فى رأيى معادلة فاشلة فى أى سيارة حتى لو كانت مرسيدس مش كورى أو يابانى فقط, مادامت لسه مطلعتش معاش!!
الفتيس الأوتوماتيكى يقوم على ميكانيزم ميكانيكى طورته أولدز موبيل فى 1940, يتيح للسيارة الانتقال الى الترس الأعلى كلما وصل العزم الى حد معين, غالبا بعد نقطة أعلى عزم.
عيوبه :
- استهلاك عالى للوقود.
- عدم القدرة على استغلال قدرات المحرك بشكل أمثل.
- وقت طويل نسبيا للانتقال الى النسبة الأعلى.
- تعقيد و أعطال أكثر من علبة التروس التقليدية.
- أداء فقير.
- عدم القدرة على تشغيل السيارة بواسطة الجر و التعشيق(الرمى), لذا فانه فى حالة تعطل البطارية أو المارش سوف تكون فى وضع صعب جدا, اذا لم تجد أى معونة متوفرة.
مميزاته :
- لا شىء سوى الراحة و سهولة القيادة!
يا استاذ فادي و هو الراحه و سهولة القياده دي حاجه وحشه في بلدنا الي بنمشي فيها بمعدل 5كم في الساعه,
و غير كده انا لو جايب عربيه للاستخدام اليومي ايه الي هحتاجه من القدره الكامله من الموتور مادام مش هشد و احرق ؟؟
و لو على صيانته خلاص كل سياره بقى ليها توكيل قادر انه يحل اي مشكله,
و لو على المشاكل الي حضرتك ذكرتها دي خلاص تعتبر انقرضت من قديم الازل ايام ما كان الواحد ياخذ العربيه بتاعته كل اسبوع و يطلع بيها على الميكنيكي عشان لو فيها حلجه يصلحها, و هو ميعرفش ان الميكانيكي ده بيبوظ اكتر من ما بيصلح عشان ترجعله تاني (مش كلهم طبعا )دي مسألة ذمة
انما خلاص التوكيلات حلّت كل حاجه لان انا عن نفسي مش هشتري عربيه غير لو توكيلها محترم و ضامن ان معاملته كويسه
و هو ده مش كفاية ؟!!!اقتباس:
مميزاته :
- لا شىء سوى الراحة و سهولة القيادة!
رأي الشخصي في نقط محددة الياباني (تويوتا و هوندا تحديدا ) أكثر اعتمادية من الكوري .....هيونداي تحديدا بتصعد السلم بسرعة الصاروخ حاليا ....وكيل هيونداي في مصر عليه كلام كتير قوي....الفتيس المنوال أقل تعقيدا من الاتوماتيك.... و الغاوي ينقط بطاقيته;)
أشكركم يا جماعه على الردود بس عاوز اوضح نقطتين مهمين :
1- العربية هاتكون زيرو و 99% هاتكون متابعتها فى توكيلها.
2- انى مش بفاضل بين العادة و الاوتوماتيك على الاطلاق, انا زى ما سألت لو بافكر اركب اتوماتيك ممكن أجيب كورى و لا لأ ؟ يعنى اختصر و اجيب كورى بس تكون مانيوال أفضل ؟؟ ولا ايه؟
وشكراً مرة اخرى لمن شاركوا بالرد و مقدماً لمن سوف يفعل مشكوراً ...
انا مش شايف ان الاوتوماتيك في الكوري فيه مشاكل
هل حد شاف تجربه حقيقية قدامه ؟؟؟؟؟؟
كورى + اوتوماتيك = عادى جدا
انا رأى مفيش اى مشاكل من كورى اوتوماتيك مادام حتحافظ على العربية و الفتيس يبقى مفيش مشاكل ان شاء الله
بس ابعد عن النوبيرا الأوتوماتيك لأن دية الوحيدة المشهورة انها سيئة فى الأوتوماتيك
يا جماعة الأوتوماتيك مش مفهوم عند ناس كتير هنا فى مصر. حاليا المواتير الأوتوماتيك عالية جدا من حيث التكنولوجيا و الكفاءة الى جانب ان الشركات عاملة حسابها فى التصميم و العزم و القوة و غيره و من ناحية أخرى كل الأوتوبيسات السياحية و النقل العام و المينى باص العام أوتوماتيك حتى القديم منها تم تعديله الى الأوتوماتيك و ده أكبر دليل على اعتمادية الأوتوماتيك و قلة صينته غير المانوال الذى يحتاج الى بلية و دبرياج و اسطوانة و دسك و تروس و شغلانة و حاليا الاوتوماتيك لا يقل عن المانوال فى السحب أو العزم أو التسارع أو غيره
انا لحد دلوقتي ماشوفتش حد معاه نوبيرا اوتوماتيك و اشتكي منها بل علي العكس , يمكن يكون بعضها كان فيه مشكلة في خرطوم الكيك داون و دي اي بلية في التوكيل ممكن يخلصهااقتباس:
انا رأى مفيش اى مشاكل من كورى اوتوماتيك مادام حتحافظ على العربية و الفتيس يبقى مفيش مشاكل ان شاء الله
بس ابعد عن النوبيرا الأوتوماتيك لأن دية الوحيدة المشهورة انها سيئة فى الأوتوماتيك
عموما العربيات الكوري سواء مانيوال او اوتوماتيك محترمة و كسبت سمعة جيدة جدا عالميا و في مصر
غريبة جداً يا جماعه
انا كنت فاتح الموضوع ده من شهر مايو علشان انزل اشترى عربية فى حدود 90 ألف
و كانت مقارنتى ألاخيرة بين النيسان صنى الاتوماتك و النيو أكسنت ..
اللذيذ فى الموضوع انى كنت جاهز اشترى العربية على شهر يوليو
لكن جد فى الامور أمور , و انخفض المبلغ المحدد لشراء سيارة
و حالياً أنا لايص , لا عارف اجيب اتوماتك ولا حتى مانيوال !!؟
و يمكن اشوف مستعمل مع انى مش بفضل هذا الاختيار
عجبت لك يا زمن !
" أسف على الاطالة بس بفضفض لحسن أطق " !!