الموضوع: عاوز أأجر بلطجية

المشاركة الأصلية كتبت بواسطة axel

للأسف ده الحال دلوقتي

http://www.nilemotors.net/nile/237624-1.html

و مفيش حد بيساعد حد ابسط مثل تخيلوا المطرية اللي هي المطرية اللي كانت مليانة جدعان اه كانت بقي
واحد كبير في السن عربيته وقفت في الخارجة و قفلت الدنيا كلها مفيش شاب اتنيل ع عينه حتي و فكر يتحرك و يساعده و الراجل مش قادر يعني تنزل تساعد الراجل و الناس واقفة تتفرج بردهو عجبي
عند الطريق الدائري المؤدي للقاهرة الجديدة عند كوبري الشهداء الجديد
واحد معاه 128 حمرا وقفت و مش قادر يزقها لقدام عشان يركنها لأنه مطلع عالي حتي العسكري مسعدش و الدنيا كلها واقفة فجأة العربية رجعت من الراجل جامد نزلت عشان الحقه للأسف ملحقتش و العربية كانت سريعة و كتر السرعة و هي نازلة بضهرها الرجال زي ما يكون لزق في العربية و طلعت كلها فوق الرصيف و اكيد طبعا اتدمرت من تحت و العفشة راحت و العسكري كمان مش عاجبه برده و غيره وغيره
عدم الوحدة بين الناس ده بقي و كله بيقول نفسي نفسي و مليش دعوة هو اللي ساعد ع وجود البلطجة في كل مكان وفي كل حاجة في حياتنا
حتي في الجيران تلاقيهم فاردين صدرهم و بتوع خناقات و بيشربوا و حالتهم حالة و مفيش اقرب من المطواة في ايديهم بيعملوا اللي عايزينه و مفيش حد من الجيران بيقول نتكاتف او نتحد قصادهم شوفت من الاشكال ديه كتيير عند قرايبي
فالطبيعي انك هتلاقي بلطجية و طبعا كل اللي كانوا مستخبيين في جحورهم طلعوا زي الحشرات في الصيف
و الله مش عارف اقول ايه و لا ايه لأني لو فكرت اقول هعمل كيك داوون في الرد فعلا


فموضوع البلطجية انساه لأن ليه اضرار كتيير الاعضاء ذكروها من خلال المشاركات بالاضافة لبلاوي تانية مش عايز اصدمك منها


فالحل حاجة من دول

يا تنقل لشقة تانية و تأجر شقتك لو موقعها يعني صعب يتساب لحد ما العالم ديه تغور ( و لو انهم لما بيعششوا في مكان بيبقوا عاملين زي الدبابير و الخفافيش و مش بيطلعوا و لا بالطبل البلدي )

يا تخليك و ترخص سلاح حي و يكون معاك واحد صوت للتهويش بس و الكتريك شوك
و اي حد من الاسرة يكون معاه الكتريك شوك راشق في جنبه او شنطته
و ترشق البيت شوم و سيلف ديفينس بانواعه
و يا ريت لو تتعلم الدفاع عن النفس و الرماية لاستخدام السلاح
و تبقي مستبيع هناك

يا اما الحل اللي فات بدون ترخيص سلاح حي

يا اما بقي تشوف حد تقيل تشتكي له تنزل حملة تشيل كل العالم ديه زي ما نزلت حملة في بداية نزول الشرطة الشوارع تاني شالت سوق العتبة اللي اتعمل في روكسي
و هتلاقي الكلام عن الحملة اللي مكتوب باللون الاخضر هنا
http://www.nilemotors.net/nile/221939-a.html
هم بيرجعوا تاني اه لكن زي الفيران و مداريين مش بالبجاحة اللي كانوا فيها في الاول


و عشان تبقي عارف مش حضرتك لوحدك اللي بتعاني كلنا بنعاني للأسف وصلنا لمرحلة عمري ما تخيلت اننا نوصلها ابدا
الواحد كل نزولة بخناقة و شتيمة و ضرب سواء في الشوارع او حتي المحلات و كل نزلة مش اقل من مرتين تلاتة الواحد مش هيبقي فيه حتة سلمية من كتر الخناقات
يعني لسه اول امبارح روحت اشتري حاجة من محل فهي سعرها 3 جنيه لقيت اللي بيقولي 5 جنيه بقوله انا كنت بجيبها بـ3 جنيه بدل ما يقول غليت و لا حاجة لأ لقيت شتيمة و قلة ادب و شعب كذا و عالم كذا و دخلنا في بعض شمال و هو اساسا عربجي و فارد حصيرة ع الارض و قاعد و اللي حاشوني عنه اللي شغالين عنده و عمالين يتحايلوا عليا امشي و المشكلة انه راجل كبيير مش عيل كمان و مكنتش عايز اقل ادبي بس هو اللي اضطرني لكده و الشومة كانت جاهزة في العربية و النانشكو اقرب لايدي من عيني يعني لو خد ضرب هنيمه في الارض زي الترامكو المقلوب

كل ما اكلم حد من اصدقائي او زمايلي او قرايبي من اول مكالمة زي حالاتي خناقات و ضرب و محدش طايق نفسه

زي ما تكون الناس ما صدقت عشان يتخانقوا و يضربوا و يموتوا في بعض
بدل ما نحترم بعض و نقدر بعض في الوقت الحرج ده لأ خلاص كل حاجة دلوقتي بقت بالدراع و الدكر يوريني نفسه و اللي يتهور يتعور و تعويرة الوش مفيهاش معلش يا .......
للأسف هو ده الحال دلوقتي :(
و يا ريت بس محدش يقولي ابعد الثورة اه بقول كده بالرغم اني من المؤيدين لكن اقول لأن مهما حصل مش هنقدر ننكر انها سبب من الاسباب للحال ده و هو التفرق اللي حصل بينا لاتفه الاسباب و اثبات وجهات النظر و تفضيل شخص عن اخر.......الخ.....الخ

اعتذر عن الاطالة لكن فعلا بقت حاجة تنرفز

هي الفكرة مش في السلاح او ترخيصه انا معايا سلاح حي
وممكن اجيب كل اللي قلت عليه من سلف ديفنس واليكتريك شوك وغيره
غير اللي حاطه في العربية
بس المسألة من ازاي ترد الاعتداء الواقع عليك
المسألة ان اعصااااااااااااااااااابك تعبت
جدااااااااااااااا
مش معقول تصحي من النوم كل يوم علي حرقة دم وخناق ومشاكل

الواحد تعب
تعب فعلا

فكرت في حل اني اسيب الشقة رغم ان موقعها هايل وسعرها ممتاز

لكن لما دورت علي شقة في مكان هادي او كمبوند مقفول يتوافر فيه شئ من الامان والحضارة

لقيت - مع التحفظ طبعا علي الاسعار ، انا شقتي 180 متر لقيت اني لو بعتها مش هتجيبلي هناك شقة 100 متر حتي - غير كده لقيت ان حتي سكان المناطق دي بقي ليهم شكواهم
صحيح ممكن تكون من مواضيع تانية غير اللي انا بشتكي منها
لكن ليهم واغلبها سببه انعدام الامن وانتشار الفوضي

انا عندي في الشارع فوضي وهمجية نتيجة عدم وجود امن
هم عندهم فوضي وهمجية وعيال سكرانة وسواقة عربيات مجنونة وحدوادث كل يوم والثاني وعيال بتقطع في بعض وحشيش ومخدرات ....
ده غير ان برضه مفيش امن

طب انا تعبت
اعمل ايه
انا والله من سدة النفس والقرف يقيت مش باكل
مليش نفس لحاجة
يا راجل ده انا بقالي كتيييييييييييير اوي مضحكتش
والله ما فاكر اخر مرة ضحكت من قلبي كانت امتي

الله المستعان

لا يا جماعة انا مش معاكم انى ابقى بلطجى بالعكس انا المفروض ابقى انسان محترم وده بيجبر اللى قدامى انه يحترمنى انما لما أبلطج عليه هوه كمان هيبلطج عليا ومش هاقدر اكلمه نص كلمة وممكن كمان لاقدر الله يغلط و يشتم بالأب والأم يبقى ليه تعرض نفسك لسفالة و قلة أدب الناس دى خليك دايما فى حالك و ربنا مش هيخزيك أبدا .

بس انت كده مش فاهم التركيبة النفسية للبلطجي المصري
عمر البلطجي والغوغائي وتربية الملاجئ والارصفة اللي اتعود علي الفوضي ورضع اهمال
عمره ما هيحترمني حتي لو انا محترم
لانه باختصار عنده قناعه تااااااااااااااامه ان الحق مش بيتاخد غير بالدراع والبلطجة
البلطجي مش بيفرق معاه دين ولا شرف ولا اخلاق
بيشوف ان مادام اللي قدامه فريسة يبقي لازم ياكلها لحد اخر عظمة فيها
يقرقشها لو قدر
مش بيحترم الا بلطجي اقوي منه

هبقي محترم هاخد علي دماغي
هبقي بلطجي ... هيتحرق دمي واعصابي هتنهار من كتر المشاكل والخناق

طب اعمل ايه ؟؟؟؟؟؟؟؟؟؟؟؟؟

المشاركة الأصلية كتبت بواسطة khaloooda

بس انت كده مش فاهم التركيبة النفسية للبلطجي المصري
عمر البلطجي والغوغائي وتربية الملاجئ والارصفة اللي اتعود علي الفوضي ورضع اهمال
عمره ما هيحترمني حتي لو انا محترم
لانه باختصار عنده قناعه تااااااااااااااامه ان الحق مش بيتاخد غير بالدراع والبلطجة
البلطجي مش بيفرق معاه دين ولا شرف ولا اخلاق
بيشوف ان مادام اللي قدامه فريسة يبقي لازم ياكلها لحد اخر عظمة فيها
يقرقشها لو قدر
مش بيحترم الا بلطجي اقوي منه

هبقي محترم هاخد علي دماغي
هبقي بلطجي ... هيتحرق دمي واعصابي هتنهار من كتر المشاكل والخناق

طب اعمل ايه ؟؟؟؟؟؟؟؟؟؟؟؟؟