وموديل 2006 كان فية عيوب كتيرة
موديل 2007 ابتدو يحلو العيوب
موديل 2008 العيوب بتخلص
موديل 2009 لايوجد بها عيوب وقطع الغيار بتباع فى شارع دمشق
عرض للطباعة
وموديل 2006 كان فية عيوب كتيرة
موديل 2007 ابتدو يحلو العيوب
موديل 2008 العيوب بتخلص
موديل 2009 لايوجد بها عيوب وقطع الغيار بتباع فى شارع دمشق
يا جماعه فعلا زي ما فيه اخ قال
انا فعلا ليه واحد جاري معه 516 2008 بيشكر فيها لدرجه مش ممكن تتخيلهاااااااا لدرجه انا زهقت منه اول ماكان جايبها كل ما يشوفني يشكر فيها لدرجه انه بيفكر يجيب 620 كمان
ليه بقه الكلام ده كله لانه كان راكب عربيه علش في الكلمه تعبااااانه وقديمه ومطلعه عينه ومفيش باور ولا تكييف ولا الكلام الحلو ده (132 فيات)
طبعا فرق السماء والارض بين 132 موديل 78 واي عربيه موديل 2008 لازم هتحس ان دي طياره مش عربيه
كنت انا ساعتها بفكر ابيع عربيتي كانت لانسر 99 وقعد يقنع فيه اني اجيب اسبرانزا طبعا معلش يعني استخااااااااله اني انزل من ياباني اركب صيني
العكس بقه واحد كان معه هوندا سيفيك 93 وبعدين جاب اسيبرانزا وكان معجب بيها الاول برده لزوم الشكل الحديث من جوه وفرق السنوات بس بعد فتره بسيطه حس انه غلط غلطه عمره وكان اكتر حاجه بيشتكي منها
العفشه لدرجه انه راح التوكيل وكان عايزهم يغيروها كلها حتي لو حسابه
وده برده سبب من اسباب انتشارها كماليات كتييييييييييير بسعر علي الاوبشن ده قليل لكن علي العربيع كعربيه كتيييير عليها فعلا السعر ده
ومع ذلك هي عربيه اثبتت وجودها اعتقد في مصر فقط
لان في مصر احنا عندنا استعداد نبقي حقل تجارب للصين ؟!!!!
و الله كلام حضرتك مش صح
انا شفت عربية تيجو معلقة نمر ليبيا
يبقى ازى احنا حقل تجارب
اعتقد انك لازم تراجع كلامك
مبعدين كل حاجة على قد فلوسها
العربية ده على اد فلوسها ممتازة
وحضرتك راكب لانسر 99
ابقى اشترى لانسر 2009 واعتقد ان اقل سعر ليها فاضية ب 95 الف جنيه واوعى تفكر فى الاسبرانزا خالص ام 67 الف جنيه فول اوبشن
ألف مبروك يااستاذ raed badr El Kelany العربية الاوبترا ربنا يديك خيرها ويكفيك شرها الاوبترا فعلا عربية جامدة وممتازة ومحترمة وبتسوى راس احسن عربية صينية عملت الصح انك بعتها وخلصت منها وعقبال ماتبيع السبيرانزا التانية وتشتري احسن منها وانا معك 100/100 ومع اعتذاري واحترامي لاراء وتجارب مالكي العربيات الصينية ان العربيات الصينية بشكل عام ودون اجماع او تحيز لأي ماركة صينية سيئة ووحشة ومابتنركب والصين الدولة الاولى في العالم في انتاج المنتجات السيئة والرديئة هذا رأيي وعن تجربة كتير من الناس اللي بعرفها والسلام عليكم
هي الصين مزعلاكو في ايه ؟
دي اكبر كيان اقتصادي في العالم بعدما تخطي اليابان و الولايات المتحده
كون الاسبرانزا مش كويسه- و ده رايكم و رأي العديد من اللي ركبوها - مش علشان هي صيني علشان بتتجمع في بلدنا الغاليه مصر لكن لو استوردت العربيه من هناك هتبقي احسن من اي عربيه بتتجمع في مصر حتي لو الماني
بالنسبه للعربيه الاسبرانزا انا راكب a 516 موديل 2008 و كنت راكب قبلها سويفت ياباني موديل 1993 صحيح الياباني ناعم في سواقته بس انا بحس ان ربنا كرمني في اختياري للاسبرانزا هي فيها عيب واحد مضايقني بس ان شاء الله هلاقيله حل الاو هو تزييق في العفشه علي السرعات القليله الاول والتاني في الشوارع المكسره بس
كمان 10 سنين بعد مانتهلك تجارب ونستنزف فلوسنا هيكون ليهم منتجات حلوة اكيد.
لكن في حاجة لازم الكل يبقي عارفها الصين مش قليلة ولا حاجاتها وحشه لكن احنا تجارنا الي بينقوا الفئات والخامات التعبانة لرخصها فبذلك كلمة الصين عندنا معناها اردئ نوع وازفت خامة ودي حقيقه مش هتزول
كلام حضرتك مضبوط أوى وانتا جبت من الأخر .اقتباس:
الصين مش قليلة ولا حاجاتها وحشه لكن احنا تجارنا الي بينقوا الفئات والخامات التعبانة لرخصها فبذلك كلمة الصين عندنا معناها اردئ نوع وازفت خامة ودي حقيقه مش هتزول
انا ليا صديق والدى مستورد وبيقولى ان هما هناك فى المصانع بيقولوا ان ثمن المنتج مثلا 100 بس احنا ممكن نعملهولك بأقل من كده حتى لو وصل 10
يعنى من الأخر الشكل واحد والمضمون مختلف
والمضمون ده اللى بيفرضوا علينا هما التجار
فا بلاش تسيئوا للعربيات الصينى .. عموما يكفيهم فخرا ان هما بيصنعوا او حتى بيقلدوا .. مش احنا مصر بلد التخلف والهطل والسفالة ..