الموضوع: مطلوب تقرير كامل عن الCitroen C4

يا باشا العربية زى الفل و الحمد لله

عربية قمة فى التكنولوجيا و الاداء و الجمال .. انا عايز بس حضرتك تبص على c4 2006 و اى عربية كورى 2011 و تقولى ايه الفرق ما بينهم , التصميم فالـ c4 تصميم ماشاء الله هاتشباك عصرى و بيلفت النظر لحد دلوقتى عشان جماله , امكانيات ففيها اوبشنز لسه مش موجودة فى عربيات جديدة اصلا , الاداء ماشاء الله العربية ثبات و تسارع زى الفل , الفتيس عشان مضحكش عليك فيه مشاكل فى الستبترونيك و دا كلام سمعته من ناس كثير , عشان كده فضلت انى اجيبها مانيوال , و على فكرة انا الحمد لله عندى برضه ميجان 2006 و العربية برضه ماشاء الله زى الفل , الـ c4 مفيش عليها كلام كثير عشان زى ما قلت فى موضوعك ان عددها قليل جدا , اقل من الميجان بكثير فده مخلى عدد ملاكها قليل و دا طبعا بينعكس على عدد ملاكها فى المنتدى , بالنسبة لقطع الغيار فهى مش رخيصة بس حضرتك لازم تبص راكب عربية فى انهى فئة السى فور تمنها جديد حوالى 140 الف فلازم تقارنها بالعربيات فى المستوى ده مينفعش تقارنها مثلا بالفيرنا عشان هى سعرها مستعمل رخيص , يا ريت اكون قدرت افيدك

و اى استفسار عن الميجان او الـ c4 انا موجود

والله يا باشا أنا مش عارف أشكرك إزاي على الرد المفيد ده .. طبعا إنت مش محتاج تحكي في جمال العربية ومدى جمالها مقارنتا بمعظم الموجود سواء الجديد أو القديم وفي رأي الشخصي هي أجمل من الميجان وراقية جدا جدا وكمان التكنولوجيا اللي فيها فوق الوصف ود تقريبا طبيعة معظم الفرنساوي..

بس برده للأسف تقريبا كل الناس بتخاف جدا من العربية بسبب إنها بتعطل كتير ولما بتعطل لازم التوكيل وناس كتير اشتكت منه بيسبب الغلاء الفاحش في اسعار قطع الغير وكمان الصيانة غالية وبرده من الحاجات اللي تضايق انهم ساعات مبيبقاش عندهم قطاع الغيار دي وبيبعتوا يجيبها من بره وده وان ده بيعمل تكلفة عليَّ جدا يعني في حد اتكلم عن gearbox إنه معدي ال 15000 جنيه.. وكمان اللي عندهم العربية وحالتها سليمة قالوا إنها لما بتطلع بره التوكيل (طبعا عشان المصنعية وقطاع الغير ارخص) العربية بتبوظ أكتر وبيظهر فيها مشاكل أكتر..

بعد اذنك طبعا يا ريت توضحلنا إيه الاعطال الشائعة اللي ظهرت معاك وعملت إيه عشان تصلحها وكانت التكلفة كام؟؟!! يعني مثلا الميجآن فيها حوار الكويل ده. والناس على طول بتغيره وهكذا .. وفيه ناس كتير كانت بتروح أحمد غلوش وراضيه بيه جدا وباسعاره وفي نفس الوقت في مهندسين رفضوا الفكرة تماما وقالوا على امير وجوزيف أو التوكيل وان أي حاجة بره التوكيل بتقلل من أداء العربية وبيبوظ فيها حاجات أكتر .. هل الكلام ده صحيح برده؟؟

المشاركة الأصلية كتبت بواسطة eng.sameh

السي فور عربية فوق الممتازة ومن العربيات القليلة اللي تمنها مناسب جدا ويمكن قليل عليها ، مشكلة الفتيس دي فعلا كانت موجودة لحد 2007 بس انتهت تماما وتم تغيير الفتيس من 2009 ، لو بتفكر فيها اتوكل على الله عربية هتعجبك قوي وعلى فكرة قطع غيارها مش غالية قوي زي منت فاكر وارخص مثلا من مازدا3 ببفرق مش قليل ، ربنا يوفقك ، انا ببيع عربيتي بس عشان محتاج فلوسها لكن لما اجيب تاني هجيبها هي برضو :)

بص والله أنا احترت لإن في ناس جبتها وبعتها وقالت احنا ماصدقنا خلصنا منها وفي نفس الوقت في بنتين معايا في الشغل معاهم العربية وعاجبهم جدا جدا جدا .. واحدة موديل 2007 والتانية 2008 بس الاخيره دي صرفت عليها 13000 عشان تمشي كويسة معانها كانت جايبها ب76000 و بعد كده مشيت معاها فله.. وحضرتك إن شاء الله تعالى هتبيعها على كام؟؟

المشاركة الأصلية كتبت بواسطة muhammadaomar

والله يا باشا أنا مش عارف أشكرك إزاي على الرد المفيد ده .. طبعا إنت مش محتاج تحكي في جمال العربية ومدى جمالها مقارنتا بمعظم الموجود سواء الجديد أو القديم وفي رأي الشخصي هي أجمل من الميجان وراقية جدا جدا وكمان التكنولوجيا اللي فيها فوق الوصف ود تقريبا طبيعة معظم الفرنساوي..

بس برده للأسف تقريبا كل الناس بتخاف جدا من العربية بسبب إنها بتعطل كتير ولما بتعطل لازم التوكيل وناس كتير اشتكت منه بيسبب الغلاء الفاحش في اسعار قطع الغير وكمان الصيانة غالية وبرده من الحاجات اللي تضايق انهم ساعات مبيبقاش عندهم قطاع الغيار دي وبيبعتوا يجيبها من بره وده وان ده بيعمل تكلفة عليَّ جدا يعني في حد اتكلم عن gearbox إنه معدي ال 15000 جنيه.. وكمان اللي عندهم العربية وحالتها سليمة قالوا إنها لما بتطلع بره التوكيل (طبعا عشان المصنعية وقطاع الغير ارخص) العربية بتبوظ أكتر وبيظهر فيها مشاكل أكتر..

بعد اذنك طبعا يا ريت توضحلنا إيه الاعطال الشائعة اللي ظهرت معاك وعملت إيه عشان تصلحها وكانت التكلفة كام؟؟!! يعني مثلا الميجآن فيها حوار الكويل ده. والناس على طول بتغيره وهكذا .. وفيه ناس كتير كانت بتروح أحمد غلوش وراضيه بيه جدا وباسعاره وفي نفس الوقت في مهندسين رفضوا الفكرة تماما وقالوا على امير وجوزيف أو التوكيل وان أي حاجة بره التوكيل بتقلل من أداء العربية وبيبوظ فيها حاجات أكتر .. هل الكلام ده صحيح برده؟؟

بص يا باشا زى ما قولت قبل كده الستبترونك فيه مشاكل فعلا , مش عارف هل عيب صناعة و لا العربية مش مصممة انها تمشى فى الطرق بتاعتنا سواء الطرق المكسرة او المشى المقرف اللى ممكن تقعد 3 ساعات عمال تطلع و تقف و متعديش سرعة 10 الله اعلم , عشان كده فضلت انى اجيبها مانيوال مع ان عينى كانت على البانوراما بصراحة , بس بصراحة الواحد بيجيب الحاجة يستمتع بيها مش تقعد تعملوا مشاكل , انا مش هقدر افيدك اوى فى الاعطال لأنى لسه جايب العربية من حوالى شهر و مكملتش 1000 كيلو معايا بس انا كنت دارسها طبعا قبل ما اجيبها . العربية فعلا اتغير فيها كذا حاجة زى مهندس سامح ما قال .. العداد اتغير و الموتور و الشاسيه نفس بتاع 308 اظن الكلام دا على الموديل الجديد اللى هو الفيس ليفت .. انا كشفت على العربية قبل ما اجيبها عند امير و جوزيف و ناس فى قمة الاحترام بجد .. شرحولى كل حاجة فيها و جربوا العربية معايا و الحمد لله مكانش فيها مشاكل .. اهم حاجة انك تدور على عربية حالتها نظيفة و تكشف عليها فى التوكيل او مركز معتمد للتأكيد برضو .. و قطع الغيار انا لما اشتريت العربية صاحبها الله يكرمه ادانى فايل فيه كل اللى اتعمل فيها و شفت الاسعار .. مش هقولك رخيصة .. بس اسعار عادية فى الفئة ديه يعنى الاسعار مش نار و لا حاجة بس هى العربية فئة مختلفة عن تسعيرها مستعملة فلازم حضرتك تبقى حاطط دا فى دماغك قبل ما تشترى .. لو اشتريت مستعمل هتشترى بسعر فيرنا و لانوس و افيو بس العربية فعلا فى فئة تانية خالص .

و مفيش شكر و لا حاجة يا باشا .. احنا هنا بنستفيد و بنفيد و الواحد استفاد كثير من المنتدى الحمد لله

المشاركة الأصلية كتبت بواسطة Eng.Sameh

السي فور عربية فوق الممتازة ومن العربيات القليلة اللي تمنها مناسب جدا ويمكن قليل عليها ، مشكلة الفتيس دي فعلا كانت موجودة لحد 2007 بس انتهت تماما وتم تغيير الفتيس من 2009 ، لو بتفكر فيها اتوكل على الله عربية هتعجبك قوي وعلى فكرة قطع غيارها مش غالية قوي زي منت فاكر وارخص مثلا من مازدا3 ببفرق مش قليل ، ربنا يوفقك ، انا ببيع عربيتي بس عشان محتاج فلوسها لكن لما اجيب تاني هجيبها هي برضو :)

عربية حضرتك واضح من الصور انك محافظ عليها جدا و بصراحة العربية تستحق اكثر من تمنها فعلا جديدة انما مهزلة المستعمل يعنى ف فمفيش تعليق عليها , و ماشاء الله التعديلات الجديدة حسنت من العربية اللى هى كويسة من الاول اصلا , معلش ان شاء الله ربنا يكون كاتبلك الاحسن و تجيب التحفة الجديدة ds3

المشاركة الأصلية كتبت بواسطة Eng.Sameh

حضرتك ممكن تشوف الموضوع ده هتلاقي السعر والصور
http://www.nilemotors.net/Nile/225917-c4-2009-a.html

عربيتك يا بشمهندس مايختلفش عليها اتنين بجد ما شاء الله.. فعلا عربية Software Engineer :D .. ربنا يسهلها معاك في بيعها مع إني مش عايزك بجد تفرط في تحفة زي دي.. وأنا والله العظيم لو معايا فلوسها مش هتاخر بس أنا أقَل من كده بحوالي 30-40 فـللاسف مش هأقدر افيدك بس بجد بجد لو معايا مش هتاخر خالص.. وعلى العموم ناس قليله جدا اللي تفهم عربية زي دي فـهتاخد وقت شوية بس عشان كده .. وإن شاء الله تتباع وتفك كربك ..

ممنوع استخدام اللون الأحمر في الكتابة حيث أنه مخصص فقط للمداخلات الإدارية والاشرافية، تم تغيير لون الكتابة.

يرجى مراجعة قواعد المنتدى

مشرف الساحة
٣آ