الموضوع: برجاء المساعدة من أهل المنصورة الجدعان وكل عام وأنتم بألف خير

واحد جارى عنده لانسر بومة 1600 2007 كان فى المنصورة وراح لواحد بتاع مفاتيح موجود فى بداية السكة الجديدة قريب من صيدلية الطرشوبى على حسب ما وصفلى المكان .. المهم صاحبى عمل عنده مفتاح مشفر للسيارة بتاعته يفتح الابواب ويدور الكونتاكت وبتكلفة 100 جنية فقط لاغير

حد من حبايبنا فى المنصورة عنده فكرة عن المحل بتاع المفاتيح دة ولا أيه خاصة فى ضوء المعلومات التالية :
1- فى التوكيل يتم رفع الرقم المسلسل لشاسية السيارة وارساله للقاهرة لطلب مفتاح للسيارة يتم تشفيره بمركز الصيانة المعتمد ويتكلف اكثر من 900 جنية !!!!

2- الراجل بتاع المفاتيح حذر جارى من نزع الشريحة التى ركبها بالمفتاح الجديد الذى عمله وادارة السيارة بالمفتاح دون شريحة أو بمفتاح أخر منسوخ دون شريحة حتى لا يقفل نظام الكمبيوتر بالسيارة اتوماتيكيا وساعتها يلزم تحميل السيارة ونقلها للتوكيل فى القليوبية أو جسر السويس لاعادة التشغيل فيه حد سمع عن موضوع قفل تلقائى للكمبيوتر فى حال محاولة تشغيل السيارة بمفتاح مقلد ؟

3- مخافة أن يكون الرجل قد ألغى عمل الشريحة المشفرة بالتابلوه قمنا بالفعل بنزع الشريحة وادارة السيارة بالمفتاح الجديد بدون شريحة ولكنها لم تدور الا بعد تقريب الشريحة من التابلوه يعنى المفتاح شكله سليم ومشفر !!

مش عارف أروح عنده اعمل مفاتيح مشفرة لسيارات أخرى ولا لأ ولو كان المفتاح سليم 100% ليه يتكلف عنده 100 جنية ويخلص فى نصف ساعة ونفس المفتاح يتكلف أكثر من 900 جنية ويبعتوا يجيبوا مفتاح من القاهرة برقم الشاسية ؟؟

برجاء المساعدة من أهل المنصورة الجدعان وكل عام وأنتم بألف خير