عرض مودرن موتورز على الماروتى 2011 أية رئيكم

كنت فى سوزوكى مودرن موتورز فرع الدقى المساحة بتفرج على الماروتى وسعرها ذى ما أنتم عارفين 39000 جنية بس أنا كنت فاكر أنهم غلو سعر العربية من 38000 الى 39000 علشان حطوا فيها أى كماليات وكمان عرفت من مدة أنهم نزلوا فيها كاسيت المفاجأة أنى لقيتها فاضية . المهم سئلتهم على الكماليات قالولى أن فى عرض على الماروتى 2011 ألا وهو : تركيب كاسيت وسماعتين وسنتر لوك بالريموت وأنذار وفرش جلد بس لون واحد أسود علية علامة سوزوكى للكراسى مش متأكد فى للأرضية ولا لآ وكمان غطاء للعربية وبكام يا ترى ؟؟ ب 1100 جنية غير سعر العربية يعنى المجموع 40100 جنية قول يا عم 40000 جنية أية رئيكم يا شباب فى العرض وكمان سعر العرض دة .. ....

والله الموفق والمستعان

بصراحة الموضوع بقي مبالغ فيه اوي يعني الالتو غيروا اسمها و خلوا اسمها سيلاريو و توصل لحاجة و ستين الف
و دلوقتي الماروتي اللي تعتبر في متناول الجميع و حبيبة الملايين
بعد ما كانت بــ35-36 الف بقت 38 الف و بعدين حضرتك دلوقتي بتقول 39الف يعني 40 الف بالمصاريف

و لو حضرتك حسبتها هتلاقيهم معوضين تمن الحاجة ديه بطريقة غير مباشرة و هو عن طريق انهم زودوا سعر العربية
كفاية ان حتي التابلوه متجددش لحد دلوقتي زي برة

لكن لو واحد خلاص قرر انه يجيب الماروتي و كده كده هيدفع الــ39 الف يبقي ياخد العرض اوفر له
لأن لسه فيه مصاريف هتقفل معاه 40 الف و لأن لو جاب الحاجة ديه لوحدهم من برة ممكن يدخلوه 700-1000 جنيه ساوند سيستم و فرش 300 جنيه و انذار و سنتر 300
و انا شايف ان الموضوع كما لو انهم بيجبروا الشخص ياخد العرض
شكل الناس هتبتدي تبتعد عن الماروتي حبيبة الملايين

أنا شايف أصلا أن سعر 39 ألف دا مبالغ فيه جدا
أنا السنة اللي فاتت زي دلوقتي اشتريت موديل 2010 بـ 36500
وطبعا مش من الوكيل من معرض في روكسي

هي الميزة الوحيدة في الوكيل أنه بيبقى صاحب العربية وبيخلصلك ورقها على طول
أم المعرض بتقعد يومين مثلا عقبال ما يخلص الورق

لو أنت ناوي تابع جرايد أخبار السيارات وشوف الوسيط بيبقى فيها اعلانات برضه
وممكن برضه سمير ريان

وانا شارى من السنة اللى فاتت بردة ب 36.250

انا شاري السنه دي ٢٠١١ ب ٣٧٠٠٠