الموضوع: الواحد بيتعلم من الروس يا أخي!

موجودة و بشكل واضح كمان
و مش لازم حكاية ان ابن الدكتور لازم يبقى معيد .. انت كفاية تعرف حد في شؤون الطلبة و اضمن انك هتعدي نضيف الكام سنة بتوعك و دي شفتها قدامي .. واحد صاحبي ابن دكتور و التاني والدتة شغالة ادارية في القسم و اخوة في شؤون الطلبة فا بشوف منهم بلاوي بصراحة

انا عايز افهم حاجة بس بتجيبو الكلام ده منين ؟؟

أنا ابويا دكتور وساكن في منطقة فيها 30 عمارة *9 ادوار كلهم دكاترة واصحابي كلهم ولاد دكاترة وعمري في حياتي ما شفت حاجة من الكلام اللي بيتقال ده ولا شفت واحد اتعين علشان ابوه ولا نتيجته اتلعب فيها نهائياً ده في ناس بينقصوهم درجات علشان عرفو انهم ولاد دكاترة
مفيش غير حالات قليلة سمعت عنها زيي زيكم والله اعلم بس محتاجة واحد واصل جداً جداً ويكون مظبط مع مجلس الكلية كله ودا صعب ،وهي ان في دكتور في هندسة القاهرة بعد ما ابنه اتخرج بجيد خلاه عمل ماجستير في حاجة معينة محدش بيفكر يعمل فيها وراح منزل إعلان مطلوب معيد حاصل على الماجستير في نفس الموضوع وطبعاً مفيش غير ابنه

انما غير كدة مسمعتش ولا شفت واللي بيجيب امتياز بيكون جايبها بمجهوده فعلاً وانا دخلت كنترولات وصححت ورصدت درجات وعارف ان مستحيل دكتور يعرف دي ورقة مين وفي ناس بتراجع وراك الرصد كذا مررة وآخرهم يظبطو اعمال السنة وبرضو مشفتش حد يقبل انه يعمل كدة او واحد هزق نفسه مع زميله علشان درجتين اعمال سنة انما في الفاينل صعب جداً
الميزة الوحيدة اللي بتعود عليا ان النتيجة بتجيلي بدري عن بقية الدفعة بيوم بالكتير