مـا هـو افــضـــــل مـركـز صيــانـة لــغـــبـور ؟؟؟

**tito2020** · 03-10-2008 11:38 AM

يا جماعه ممكن تفيونا فى موضوع مراكز الصيانه لصيانه ال 1000 كيلو
عاوز اعرف ايه افضل مركز للصيانه ابو رواش ولا العبور
وهل غبور العبور هو هو كارتك العبور ولا دة حاجه تانيه
ارجو الافادة انه احسن مركز صيانه ؟؟؟؟

شكرااا

**AHMEDCAR** · 09-10-2008 04:14 PM

قليوب ممتاز جدا

**Amrrr** · 09-10-2008 05:52 PM

انا مجربتش قليوب بنفسي بس عن تجربة واحد صاحبي معاة فيرنا ماكانشي حلو عشان مربطوش فرد الكاوتش كويس واكتشف وهو ماشي ان العربية بتلعب جامد فراح بنزينة يكشف على الزوايا لقى ايه ؟
1- العجل مفكوك مش مبروط كويس
2- الزوايا بايظة خالص حسب كلام العامل بتاع البنزينة ورجع ظبطها تاني وكأنة مش
ظابطها في التوكيل
ماكانشي في مشاكل تانية !!
انا بعديها بكام شهر جبت آتوس برايم وعاملة معايا 60 ألف كيلو وعامل كل الصيانات في أبو رواش ومفيش مشاكل حصلت معايا حتى في صيانة التلاتين ألف كان فيها تغيير حاجات
بس انا مش عارف ماكانشي عندي عيوب الصناعة زي الحدفة او الزوايا وكدة
كان عندي مشكلة واحدة مع الفانوس اللي قدام يمين مش بينور واللمبة كانت بتبقى سليمة لحد ماكتشفوا العيب تعبوني شوية بس الحمد للهه المعاملة كويسة لما بيكون شكوى وبتشتكي بس من غير خناق ولا حاجة عملت شكوى وحطيتها في البوكس بتاع الشكاوي والحركات دي واتصلوا بية ولما الفانوس طفى تاني رجعتلهم بالشكوى وخلصولي القصة وكلة تمام ومن ساعتها مفيش مشاكل الحمد لله

**د.محمد** · 07-05-2009 05:08 PM

مفيش مركز صيانة محترم في الدلتا وبالذات المنصورة

**bishoy02010** · 15-05-2009 11:31 AM

المشاركة الأصلية كتبت بواسطة marshall

أنا برضة لسة عامل صيانة الألف كيلو في قليوب الأسبوع اللي فات

والله وأنا رايح كنت حاسس أني رايح أرمي عربيتي لوحوش هيرجعوهالي خردة

الحمد لله وصلنا الساعة عشرة الصبح والمهندس سألنا اذا كان في أي مشاكل قولناللو لا مافيش وسألنا عن نوع الزيت اللي عاوزينوا وادانا كارتين (لي وللوالد) علشان نجيب بيهم مشروبات في الاستراحة

وبعد تلات تربع ساهعة ندهوا علينا و دفعنا 110 واستلمت العربية

أول أما ركبيناخا أعدنا نفتش فيها لقيناها زي الفل وكانو حاطين كياس على الكرسي والدركسيون والأرضية علشان ما تتوسخش وعلبة فيها بقيت الزيت وكان في كياس فيها أكل ما اتلمستش وازازة مية برضة ما اتلمستش والعربية زي الفل

اللي ما عجبنيش هانك :
الحمامات من غير مناديل
المهندس ما يعفش الفرق بين الزيت المعدني والتخليقي (بقولو تخليقي بيقولي ايوة الزيوت عبارة عن خلطة)

جامدة قوى حكاية الزيوووووت اللى عبارة عن خلطة

**artist** · 19-05-2012 05:27 PM

المشاركة الأصلية كتبت بواسطة puresoul

النهارده عملت صيانة الالف في أبورواش
كانت مواعيدنا الساعة 3 و تقريبا وصلت على الساعة 2 و ربع..
اول ما وصلت لزقولي بلاستر على العربيه برقم ترتيبي و مع مين من المهندسين..
لما ركنت العربيه و دورت على المهندس ما لقيتوش قمت سالت عليه و كانو معلقين لسته باسماء المهندسين و ارقام تلفوناتهم اتصل على المهندس الي مفروض اتابع معاه..
قمت جيبته و كانت معاملته محترمه و كويسه و وضح لي ايه الي حيتعمل و سألني عن اي شكاوي خاصه الحمد لله ما كانش في حاجه..
المهم لما قعدنا كانت الساعة 3 و مفروض انه حسب ما اتفقنا معانا انه حنستلمها على 6 أو 7 بالكثير..
المهم طلعنا الاستراحه فوق و قعدنا انتظرنا لما جات الساعة 6 ندهو علي و دفعت الفاتوره و استلمت العربيه على طول..
طبعا كان في فحص ليها و كانو حرصين انها ما تتوسخ و كانو حاطين ورق في الارضيه و فويل على الدركسون ..صراحه الانطباع جدا مرتاح و مبسوط انه كان كده التعامل بعد ما خوفني اعضاء كثار من مشاكل أبو رواش..

طب معلش سؤال صغير كده! دفعت كام في اول صيانه دي ؟! وهيا عبارة عن ايه بالضبط علشان انا خلاص هاروح قريب!