مقارنه بالتفصيل

**ahmedfarou2** · 12-08-2011 02:38 AM

بعد ازن خبراء الاوكتافيه و يا ريت الي راكب a4 ايه الفرق بين الموديلات 98 و 99 و 2000
يعني الشكل القديم و الجديد و هل الشكل القديم فيه اختلافات اصلا و المهم بقي الفرق بين موتور الاس ار و الموتور العادي و يتعرف منين عند الشراء و تقيم شامل و يا ريت الحاله الممتازه للشكل القديم تعمل في حدود كام

**midoabokhadra** · 14-08-2011 04:10 PM

ال2000 بداية المكنة الكبيرة اكبر من ال99 و98
والتابلوة ف ال2000 احدث من ال99 و98
اسعار ال98 هتلاقيها اقل من 60000
والله اعلم انتظر باقي الاراء برضو

**ahmedfarou2** · 15-08-2011 06:46 AM

شكرا لردك و مرورك ميدو بس في اعلانات لل98 و99 بردو و فيها المكنه الكبيره
و يا ريت لو حد عنده العربيه يقولنا تقيمها يعني تسارعها معقول بتجري حتي لو بعد تسارع قليل
هل ينصح بسياره تانيه في نفس فئه السعر غير الكوري عشان بسافر مسافات كبيره بس كل فتره
يعني يا جماعه دلوني و شكرااااااااااااااااا لاني عندي وسواس من العربيات عشان اطمن لنوع معين

**Ahmed.Fahmy** · 19-08-2011 12:22 AM

طيب هو انت حاطط رينج كام او مستقر على ايه
مبدئيا كدا الاحدث افضل اكيد

**ahmedfarou2** · 25-08-2011 02:20 AM

والهي انا حاطيط في حدود 65 علي اساس 99 او 2000 يعني الرنج ده و سؤال صغير هي العربيه دي بتجري
مقصدش التسارع عشان الحجم لا في النهايه بتجمع سرعه عشان السفر يعني لو ماشي 160 تبقي العربيه مرتاحه ولا قرص عليها و شكرا

**midoabokhadra** · 25-08-2011 04:18 PM

160 , 180 كمان العربية ما شاء الله ثبات عالي جدا حضرتك بتتكلم عن اوكتافيا
مش عن لانسر ولا تويوتا مع احترامي للياباني
طبعا الالماني مريحة جدا في السفر وكمان السحب بعد ال120 احلى

**ahmedfarou2** · 27-08-2011 02:16 AM

الف شكر يا باشا علي ردك انهارده شفت واحده استيراد فبريكه تحفه مفيهاش همسه و كيلو متر قليل بس للاسف الحلو ميكملش مفيش تكيف عشان اوربي و المكنه الصغيره هي موديل 1998 في معرض بيتكلم من بقه 62
بس من غير تكيف و المكنه الصغيره