يا مربي في غير ولدك يازارع في غير ارضك
لو كان كلمة لو كانت الأمور تحلو : دايما كان جدي الله يرحمه يقوله
عرض للطباعة
يا مربي في غير ولدك يازارع في غير ارضك
لو كان كلمة لو كانت الأمور تحلو : دايما كان جدي الله يرحمه يقوله
ومع تغيير الزمان اصبحت الامثلة الشعبيه بحاجه هى الاخرى للتحديث والتغيير واليكم الجديد :
اللى بيته من إزاز ميغيرش هدومه فى الصالة
فاقد الشىء يدور عليه
اقلب القدره على فومها الفول يقع منها
تأتى الرياح محمله بالرمال و الأتربة
ياخبرالنهارده بفلوس بكره ينزل عليه أوكازيون
اللى معاه قرش محيره يجيب حمام ويحمره
قال يامحشحشين يكفيكوا شر الكمين
اللى ياكل لوحده يشبع
لاتبكى على البيبسى المسكوب
اقطع عرق و حتة بتلو
لو حبيبك عسل ما تحطلوش طحينة
اللى يتلسع من الشوربه يتصل بالمطافى
وبكره ترجع ريما من عند خالتها فى مارينا
اصوم اصوم وافطر على المدفع
القرش الأبيض بيعوم فى البحر الأحمر
ضربوا الأعور على عينه قالهم كسرتوا النضاره
اللى مايشوفش الغربال يكشف نظر
من خرج من داره مينساش يأخد المفتاح معاه
الباب اللى يجيلك منه الريح شيله وركب قبنورى
المضطر يركب التاكسى
رب صدفة خير من ألف ليلة و ليلة
اللى يخاف من العفريت يعمل عبيط
المركب اللى فيها رايسين يلعبوا طاولة
اللى ميعرفش يقول What
أكل العيش يحب الطعميه
العين عليها Lenses
قالوا للحرامى أحلف قالهم وحياة قلبى وأفراحوا
اللى على راسة بطحة بيحط عليها بلاستر
لا تستقلل القليل فإن منعه أقل
اللي يجرب المتجرب مخه مخرب
أن تهدي إنسان وردة واحدة في حياته خير من أن تضع باقة كاملة على قبره
حلوة منك قوي دي
بس أعتقد المثل مش الغرض منه كده
لكن ممكن نقول إنه يتماشى مع قول الرسول الكريم صلى الله عليه وسلم ( لا يلدغ المؤمن من جحر مرتين ) صدق رسول الله
ساعات تلاقي واحد الناس جربوه ولقيوه نصاب مثلا
ونلاقي واحد مصر يتعامل معاه ويقول هو قدر ينصب على الناس كلها لكن علي انا لااااااااااا !!!
أو مثلا لما كان الناس يقولوا على مبارك ( اللي نعرفه أحسن من اللي ما نعرفهوش ) وطبعا المفروض إن اللي نعرفه وجربناه وطلع وحش نجربه تاني ليه - الإحتمال الأكبر إنه هيطلع وحش بردو
ولا لما واحد بيتمنى عمرو موسى ولا عمر سليمان ولا شفيق يا راجل يبقى رئيس علينا ويقولك أصل وفصل
طيب ما إحنا جربناه وعرفنا ديته يبقى نغامر تاني بمستقبل البلد ليييييييييه
تحياتي لك