رانجلر.... بس تيربو ديزل....

**MOUSTAFA_SAAD** · 15-08-2011 03:04 AM

المشاركة الأصلية كتبت بواسطة karim_monir

الله ينور عليك يا مينا
اهو ده الكلام المظبوط
لاني كنت فكرت جديا اجيب هاي لوكس او ايسوزو دي ماكس
بس نمر النقل اول عقبة
والتانية الشكل والبرستيج
والتالتة الكنبة الخلفية ضايعة
لكن كدة لو الواحد فكر في فرونتيرا ويسقطلها المكنة الايسوزو التربو ديزل
يبقي خد كل حاجة
نمر ملاكي
راحة الملاكي
وتوفير الديزل

والاهم العزم الرهيب

على فكره ياكريم اوعى تفكر ان الهاى لوكس رخيصه
تمنها بيعدى ال200 الف جنيه زيرو
يعنى ممكن تشترى كياسبورتاج او نيسان قشقاى ويفضل معاك 50 الف جنيه تاكل بيهم جمبرى من الراجل اللى بتاكل عنده دايما

**MOUSTAFA_SAAD** · 15-08-2011 03:05 AM

المشاركة الأصلية كتبت بواسطة m_elkhishin

انا ركبت عربية الشركة تويوتا هاي لوكس 4*4 2011 بنزين
من جوة شيك وتحس انها قربت للملاكي
بس تغور بعفشتها
تحس انك راكب جمل
أقل مطب ( أو بالأصح اختلاف في مستوى الطريق) تحس انه بيضرب في ضهرك

أعتقد ان العربيات ال suv عفشتها أحسن بكتير لأنهم عاملين حساب البني ادمين اللي حيركبوا العربية
لاكن النص نقل عاملين حساب سواق والباقي بضايع

كلام مظبوط لانها مصممه لحمولة 1 طن للكابينه المفرده او نص طن للكابينه المزدوجه علشان كده ناشفه جدا غير لو حملتها حاجات تتطريها شويه ويفضل ماتجيبش الفتيس الغرز منها

**MOUSTAFA_SAAD** · 15-08-2011 03:07 AM

المشاركة الأصلية كتبت بواسطة mik_t4

مينا باشا يعني مثلا شاسية البي ام الي بيستحمل موتور ام 3 وام 5 ميستحملش موتور ديزل 200 سي سي؟؟؟
وهل ينفه اركب موتور تويوتا علي عربية مرسيدس مثلا؟؟؟؟

ياباشا ماتور الديزل يوزن اد ماتور البنزين من نفس الحجم اربع او خمس مرات
الديزل معدنه تقيل لان الضغط جواه رهيب
وعموما بى ام برده من اشهر الشركات اللى عملت عربيات ديزل للسباق كمان

وممنوع فى المرور تركب ماتور عربيه مختلف عن ماركة العربيه نفسها

**M!NA** · 15-08-2011 03:27 AM

المشاركة الأصلية كتبت بواسطة mik_t4

مينا باشا يعني مثلا شاسية البي ام الي بيستحمل موتور ام 3 وام 5 ميستحملش موتور ديزل 200 سي سي؟؟؟
وهل ينفه اركب موتور تويوتا علي عربية مرسيدس مثلا؟؟؟؟

المشاركة الأصلية كتبت بواسطة moustafa_saad

ياباشا ماتور الديزل يوزن اد ماتور البنزين من نفس الحجم اربع او خمس مرات
الديزل معدنه تقيل لان الضغط جواه رهيب
وعموما بى ام برده من اشهر الشركات اللى عملت عربيات ديزل للسباق كمان

وممنوع فى المرور تركب ماتور عربيه مختلف عن ماركة العربيه نفسها

+1

أضف على موضوع الوزن الأتقل للموتور.... الاهتزازات الشديدة جدا.... و اللي كفيلة تكسر الشاسيه بتاع البي ام....
ببساطة لأن موتور البنزين مهما كان كبير... اهتزازاته متجيش حاجة جمب أصغر موتور ديزل.....

بالنسبة لموضوع المرور... كل حاجة بتتعمل.....

**SHNORY** · 15-08-2011 03:37 AM

مينا باشا برنس الجيب واسد الصحاري
موضوع رائع
وتجربه جميله
وانا متابع معاك يا باشا

**Mik_t4** · 15-08-2011 03:52 AM

الهاي لكس ال 2 كابينة مريحة اوي علي فكرة النص نقل هي الي مش تمام
الهايلكس عربية جبارة بجد وخصوصا اما بتتظبط
بتبق قريبة من الشكل دا بس اسقف الي ورا دا بيكون اعلي من كدا بمستوي سقف العربية ونازل بميل شكلة حلو اوي بيخليها زي الجيب وبيتشال ويتركب بكلبسات عادي

**M!NA** · 15-08-2011 03:53 AM

المشاركة الأصلية كتبت بواسطة shnory

مينا باشا برنس الجيب واسد الصحاري
موضوع رائع
وتجربه جميله
وانا متابع معاك يا باشا

حبيب قلبي... :)
تسلملي يا شنر... و ألف شكر على تشجيعك و كلماتك.....

**M!NA** · 15-08-2011 12:01 PM

المشاركة الأصلية كتبت بواسطة medo.malek

استاذ مينا تسلم على الموضوع و فى انتظار التكملة :)
معلش سؤال خارج الموضوع
تويوتا لاندكروزر موديل 84 .. 4000 سى سى بنزين .. تقريبا تانى يد .. و الحالة العامة .. من جيدة ل جيدة جدا
اية رأيك فيها ( هل قطع غيارها متوفرة ؟ و سعرها يعمل كام دلوقتى ؟)
شاكر ليك اهتمامك مقدما
و معذرة لخروجى عن الموضوع

لو تقصد ال4 باب... مش التعلبة..... و الحالة كويسة زي ما بتقول.... فدي مالهاش سعر محدد خصوصا للموديلات القديمة اللي زي التمانينات.... بس ممكن تقول انها تقع في رينج 60-65
و حسب الاضافات اللي فيها و الأوبشنز اللي شغالة.... يعني لو عروسة أوي... ممكن توصل ل80-85 كمان....

ياريت لو مزيد من التفاصيل عنها عشان أقدر أحدد ....

-

الموضوع: رانجلر.... بس تيربو ديزل....

LinkBack

أدوات الموضوع

عرض

-

-

-

-

-

-

-

المواضيع المتشابهه

استفسار عن حاجتين(شيروكي-وموتور تيربو ديزل)

جي ام سي بليزر .... تيربو ديزل...

سعر جيب رانجلر

جيب رانجلر

مخترع محرك ديزل رودلف ديزل

الكلمات الدلالية لهذا الموضوع

المفضلات

المفضلات

ضوابط المشاركة