استفسار بخصوص بولو 99

**vwlover** · 08-05-2008 07:22 PM

السلام عليكم,انا اول مرة اشارك فى المنتدى دة وان شاء اللة معاكو على طول,انا معايا عربية بولو 99 مكيفة وعايز اعرف انا لو ركبتلها جنوط 15هل دة هيتعب العربية بالرغم من ان الكتالوج بتاعها مكتوب فية انة ينفع بس دة اكيد فى شوارع المانيا مش فى شوارع مصر المعفنة فاية رايكم ولا احط جنوط 14يا ريت ردودكم يا جماعة,اما بخصوص العربية فالعربية ما شاء اللة ممتازة ممتازة ممتازة,ثبات وتجميع وشد عربية البولو فعلا عربية حكايةةةةةةةةةةةةةةةةةةةةة ةةةةةةةةةةةةةة,سلام مستنى رودكم

**mohamed ibiza** · 08-05-2008 07:37 PM

صاحبي كان معاه ابيزا 2001 1000 سي سي و كان مجنطها 15 و كانت كويسة جدا متعبتش العفشة ولا حاجة بس شوف انت لو بتهري العربية تخميس و حرق و قرص استعمالك عنيف يعني يبقي خليها 14 ميبقاش من كله بعني:)

Ibiiiiiiiiiiiiiiiiiiiiiiiiiiiiiiiiiiizzzzzzzzzzzzz zzzzzzaaaaaaaaaaaaaaaaa For Ever

**vwlover** · 08-05-2008 08:35 PM

لا والله انا مش بخمس ولا بحرق انا بشد الشد العادى اللى مبيتعبش العربية ,الكلام التانى بطلناة من زمان,بس انت شايف انة عادى واتوكل على الله واركبة؟

**mshamy** · 08-05-2008 08:40 PM

طالما موجود في الكاتلوج يبقى توكل على الله الناس دي عارفه هي بتعمل ايه..تأكد لو فيها مشكله ما كانوش حطوه ..انا كان معايا الجولف 4 و كنت مركب 15 و اللي كانت جايه بيه من المانيا كان 17

**Islam_galal** · 08-05-2008 11:39 PM

أنا معايا بولو 99 (1000 Cc)
الكتالوج مكتوب فيه جنط 13 و 14 فقط
مفيش 15

**SEATLOVER** · 09-05-2008 12:27 AM

لا طبعاً جنط 14 فقط
ال 15 بيبوظ عفشة العربية و بيبهدلها

**mohamed ibiza** · 09-05-2008 01:45 AM

بص انا برضه عشان اكون اديتك افادة و في نفس الوقت تعمل اللي انت عايزة طرق مصر مع الجنوط العريضة ممكن تعمل شغل مش لطيف فأنا كلامي الاخير خليها 14 عشان متبقاش من كله برضه :)

Ibiiiiiiiiiiiiiiiiiiiiiiiiiiizzzzzzzzzzzzzzzzzzzza aaaaaaaaaaaaaaaaaa For Ever

**vwlover** · 09-05-2008 02:27 AM

شكرا يا جماعة على الردود بالنسبة لرد الاستاذ اسلام العربية مش شرق اوسط العربية جية استراد اتحاد اوروبى والكلام دة عندى فى الكتالوج ومكتوب من داخل غطاء التنك بس عموما انا شايف ان 14 كفاية عشان طرق مصر,شكرا يا جماعة ما اتحرمش منكوا