ركبت الاشعال الالكترونى فى البيتل ....
السلام عليكم يا اخوانى البيتلزاويه
قلت انقل تجربتى و انعنش البيتلزاويه باى موضوع نتكلم فيه
و برضه الناس تستفيد
المهم
من حوالى شهرين كده
روحت اشتريت الاشعال الالكترونى( اللى هو بديل للابلاتين و الكوندينسر و بيطلع كهربا ثابته عنهم )
اللى طلعت عليه اشعات و اقاويل قد كده
و اللى يقول بيبوظ و اللى بيقول كويس
و قلت انا لازم اجرب بنفسى و اشوف ايه الموضوع
روحت للشركه المحمديه اشتريت الاشعال ب 175 جنيه
و طلعت على محمد على ركبته ب 20 جنيه
و ظبطلى الكهربا و الكربراتير على الالكترونى
و كده الاجمالى 195 جنيه
بس مش خساره
المهم طلعت جربت لقيت الاداء ما شاء الله حلو
و العربيه بتسحب احسن من الاول
و التجميع على التالت و الرابع حلو كده و بتجرى
مش زى الاول مع الابلاتين و الكوندينسر كنت بحس انها نايمه
و جربت العربيه كذا مره
و ادينى شغال بيه بقالى شهرين اهو و الحمد لله ماشى معايا كويس
و انهارده كمان ان شاء الله
ناوى اروح اغير بوجيهات كمان
4 شمعه من عند صلاح شاكر
و اشوف ايه الاداء
لانى غيرت الاشعال على البوجيهات القديمه و كانت فى الضياع
و ان شاء الله بعد ما اركب البوجيهات و اشوف السحب تانى هاقولكوا ايه التقييم
و اى حاجه تحت امركوا ان شاء الله :8_8_13:
رمضان كريم :)