ايانا و اياكم كفايه عليا الدعوه اللي فوق ده
احنا أسعد و مستني منك تقرير بقي عمتاا لما تخلص ان شاء الله
عرض للطباعة
انا أعرف ال gr90 لكن ال 80 ما أفتيش
ال gr90 كان عامل 750-850 205/60/15حاجه كده و ده ياباني و فرده طريه و ناعمه بس مش أكيد هي سوبر سيلنت ولا لا
لكن مقاس ال 205/55/16 زميل سأل عليه قريب و قال انه غلي و كسر الالف و ده بوتنزا و ده كاوتش رياضي
ممكن تخطف رجليك و تسأل أو تكلمهم بالتليفون و تبقي واخد المعلومه متأكد منها منهم بنفسهم و الناس بتساعدك لو انت عاوز تعرض أو محتاج أي مساعده
معلش ما قدرتش افيدك بس انا ما بأحبش أفتي :b4_556:
شكرا جزيلا انا احب الناس اللى متفتيش :M_yes[1]:
بس موضوع كسرت الالف ده كده يعنى انا مش هفكر اشتريهم و حتى 850 غالى اوووى
لو كده مالها الفرده الهانكوك
بصراحه انا الكاوتش عندى نيكسن كورى ركبت عربية خليجى فيها هانكوك لقيت العربيه انعم فى المطبات و الدريكسيون اخف... معرفش ده عيب عربية و لا ايه بس منطقى جدا انه فرق كاوتش
لو الهانكوك بيلعب فى رينج 600 او 650 فى الحاله دى ممكن اشتريه و اعتقد بردوا فرده محترمه حتى لو اقل من البريدجستون
متشكررررر
طب نزلت محل حماده غزي اللي في القاهره ؟!
اشرفكو اللي في أول مصطفي النحاس
الكاوتشات هات ال 205/60/15
أو ال 195/65/15
و هتدعيلي و الماركه علي حسب فلوسك بس انا أفضل البريدج الياباني
و ال dvd ما عنديش أي خلفيه الصراحه بس ل انا و هأفكر في سماعات حلوه س أخوك قصده ايه بالصالون
علي الفاضي ليه بس يا راجل يا طيب مفيش بينا كده هنا علي المنتدي و كفايه الفرصه الحلوه ده
و كريم علطول بلاش باشمهندس ده
ماشي يا كريم :)
لأ والله ماشوفتش في حماده غزي ولا في اشرفكو !
احتمال انزل بكره ان شاء الله اشوف تاني.
بالنسبه للمقاسات دي انا مش عارف بصراحه ال205 دي ترمز لأيه ؟ ده العرض ؟
انا فكرت في الDVD الاصلي بتاع العربيه عشان شكله شيك وفيه GPS كمان. انما السماعات بتاعت العربيه مرضيه بالنسبالي قوي الحمدلله.
اخويا يقصد بالصالون الي هو الinterior بتاع العربيه.
ربنا يخليك يا كريم باشا :)
طب انزل بس بص عند الناس ده و بعدين نشوف موضوع ما عجبكشي
ده انت ممكن أصلا تشتري من أول نزله بس بلاش تدعي عليا ساعتها و حماده عنده حاجات بتعجبني بس الكاشات بايظه معايا
أيو ال 205 هو مداس الكاوتش علي الارض و ال 55 هي ارتفاع الاطار(الكاوتش) عن الجنط و ده نسبه = 205*55/100 و ال 15 ده قطر الكاوتش بالبوصه , شوف اللينك ده كده
Tyre Sidewall Explained | Blackcircles.com
بخصوص ال DVD انا بس بأقلق من اللعب في الضفيره و الكهربا
انا مركب فرش عند جينز و كفايه كده
هههههههههههه لأ ماتقلقش مش هدعي عليك :) ... ماشي ان شاء الله هشوف اشرفكو وحماده .
ومتشكر على انك فهمتني الارقام دي ترمز لإيه.
بالنسبه للdvd انا مش مقلق من موضوع اللعب في الضفيره عشان قبل كده كنت غيرت الكاسيت والراجل لعب في الضفيره اساسا :) .. وبعدين رجعت للكاسيت الاصلي تاني ومخنوق منه عشان كده فكرت في الdvd. انما فكره برضه موضوع اني اركب فرش حلو عند جينز كار !
انا شكلي هصلي استخاره عشان احترت
صلي استخاره يا باشا و ان شاء الله خير
علي فكره انا عربيتي أول النترا تعمل الفرش اسود و خياطه حمرا خصوصا انها نبيتي كمان :]
اسأله بس الحاج أحمد عليها و هو يوريك صورها انا لسه كنت عنده امبارح بأضبط امبريزا بتاعه واحد صاحبي
بس هو ما يعرفنيش بالاسم :]
و هما ما شاء الله عليهم عندهم كل حاجه نضيفه و علي حسب كاشاتك غير انهم بيساعدوك كمان
و اتكلف 1400 أو 1200 والله ما فاكر بعد الخصم بس ده من غير أرضيه, الارضيه الخطه الجايه ان شاء الله
الف الف مبروك الفرش الجديد وكده انت شجعتني على موضوع الفرش اكتر من الجنط .. على الاقل هستمتع بيه طول ما انا سايق :rolleyes:
كنت بفكر اعدي على جينز كار بكره بس عرفت ان هما بكره اجازه, ان شاء الله يوم الاثنين وربنا يسهل.
وفي نفس الوقت ان شاء الله هعمل الكاوتشات بالمقاس الي حضرتك قولت عليه واكون مسكت العصايه من النص :D
الف شكر يا كريم باشا على المساعده والتفكير معايا :)