بصراحة انا كنت ببيع عربيتي عشان ناوي أجيب حاجة وأعدل فيها
فكرت كتير ولقيت أساسيات لا يمكن أسيبها
شركة تكون بتعمل مواتير 1600 محترمة
يعني ماروحش أجيب حاجة أقول عايز أغير لموتور عالي ألاقي الشديد فيها عادي جدا
وخصوصا عندنا في مصر ماينفعش أحط أي موتور في أي عربية
نجيب من الأخر
عايز أجيب سيفيك 93 موتور 1600 ال 2 كامة ال 130 حصان
بس عايز أستفسر شوية بعد أزنكوا
انا عايزها Si عادية وتكون حالتها نضيفة جدااااا
وموضوع اني هبقي أحط ال SiR ده بعدين
هتبقي في حدود كام ؟
الأوتو بتاعها عامل أيه ؟ .. فيه مشاكل ؟
كربراتير ولا أنجيكشن ؟
التكييف طبعا بتاع هوندا معروف قوته .. فيه مشاكل ؟
أيه مشاكل العربية من الأخر
يا ريت لو حد يقولي أسعار قطع الغيار بتاعتها وهل هي متوفرة ولا لأ ؟
يعني فلاتر والطرمبات وأي حاجة تيجي علي بالكوا
أهم حاجة .. العربية ده بياعة ؟ .. يعني حالها في السوق أيه ؟ .. مطلوبة ولا هتعب في بيعها ؟
أستهلاك العربية للبنزين عامل أيه ؟ .. بتعمل كام في الصفيحة ؟
يا ريت لو في أي حاجة أخد بالي منها لو بشوف عربية
وشكرا مقدما