مذكرات وحد داخل الجيش

**M.Elgergawy** · 14-08-2011 04:02 PM

مش عايزكوا تتفائلوا كلكوا هتدخلوا الجيش لا يوجد اي تأجيلات
وأخويا معاكوا هو كمان
وأنا سبقتكوا من 10 سنوات وكنت سلاح أجهزة قيادة ملحق بحرية وكانت ايام ما يعلم بيها الا ربنا
ربنا معاكوا

**Imhotep** · 14-08-2011 04:03 PM

المشاركة الأصلية كتبت بواسطة khaled_sabry

انا مش عاوز اروح الجيش تانى حبا فى المرمرطه .. لأ انا حاسس ان اللى حيدخل الجيش دلوقتى حيفيد البلد فى ظل الوضع المتوتر اللى احنا فيه

انت عايز تفيد البلد.... بس تفتكر العقليات اللى هتتعامل معاها و هتشتغل تحتيها هتتفهم ده.... ما اظنش.... هتبقى نفس العقليات المتحجرة المتخلفة اللى بتحول التجنيدالى عمالة يدوية رخيصة بدلا من خدمة وطنية

**eng_volto** · 14-08-2011 04:09 PM

انا كنت سلاح مشاة اجهزة قياده ملحق دفاع جوى
و كنت فى قيادة الدفاع الجوى شعبة امداد و تموين (رحتها بدون واسطه والله)
انا مش عاوز اروح الجيش تانى حبا فى المرمرطه .. لأ انا حاسس ان اللى حيدخل الجيش دلوقتى حيفيد البلد فى ظل الوضع المتوتر اللى احنا فيه
يعنى بجد دلوقتى نفسى ارجع الجيش تانى ...بس ابقى سلاح شرطه عسكريه (رغم انى عارف ده استحاله) او فى اى حته ابقى فيها فى موقع مواجهه مع البلطجيه
انا كان دمى بيغلى فى الايام الاولى فى الثوره لما كانت عربيات تعدى تحت بيتنا و تضرب نار فى الهواء - كنت اقول يامين يناولنى كلاشنكوف دلوقتى و كنت وريتهم
فانا عاوز احقق الحلم ده

مش لازم علشان تخدم البلد لازم تدخل الجيش
ممكن تخدمها بره الجيش بانك متكونش سلبى وتحترم القوانين وتطبق الحياه الى انت تتمنا تشفها فى البلد

واذا كان على الجيش والبلطجيه متقلقش كلها ايام وادخل الجيش وهسيطرلك انا على الوضع
هههههههه

وليه استحاله تدخل شرطه عسكريه ؟

وانتو ازى عندكم ناس تيجى تضرب نار عادى
احنا عندنا مكنش فى نمله تتجراء تدخل حتى الجيش مكناش بندخله
كان يجى مدرعه كل يوم الفجر تيجى لحد الكمين بتعنا ومتدخلش تانى جوه
المنطقه كلها متامنه مش عيزنهم فى حاجه

**saadelden** · 14-08-2011 09:49 PM

طب و الي مش عايز يخدم البلد يعمل ايه :d ؟؟

**khaled_sabry** · 14-08-2011 11:50 PM

المشاركة الأصلية كتبت بواسطة eng_volto

وليه استحاله تدخل شرطه عسكريه ؟

فى اعتقادى ان الشرطه العسكريه بتبقى مؤهلات متوسطه و بدون (يعنى عساكر سنتين او تلاته)

المشاركة الأصلية كتبت بواسطة mahora

انت عايز تفيد البلد.... بس تفتكر العقليات اللى هتتعامل معاها و هتشتغل تحتيها هتتفهم ده.... ما اظنش.... هتبقى نفس العقليات المتحجرة المتخلفة اللى بتحول التجنيدالى عمالة يدوية رخيصة بدلا من خدمة وطنية

اهه الواحد بيعمل اللى فى ايده ... مش يمكن حظى يوقعنى فى حد بيفهم

المشاركة الأصلية كتبت بواسطة saadelden

طب و الي مش عايز يخدم البلد يعمل ايه :d ؟؟

فيه 3 حلول
يأما تعمل عملية تحويل و تبقى سعديه

ياما تتنازل عن الجنسيه
يأما تقتل اخواتك و تبقى وحيد والديك
بهزر ياباشا ماتزعلشى

**Nistelrooy** · 15-08-2011 01:44 AM

الي عمل ورقة بعد ما خلص علطول وراح بعدها بشهر ده محظوظ

مش واحد زيي متخرج من شهر 1 ومستني دفعتي شهر 10 ؟؟

**khaled_sabry** · 15-08-2011 02:03 AM

اللى بستغربه ان الناس لغاية دلوقتى بتتكلم كأن الجيش ده العقاب اللهى
الكلام ده صحيح قبل كده ... حتدخل الجيش و تتمرمط من غير لازمه و انتا عارف ان البلد نايمه عمرها ماحتحارب و لا حد محتاج يحاربها
لكن دلوقتى الدنيا متوتره و معرضين ان اى بلد تسطاد فى الميه العكره و تهاجمنا مثلا او حتى دور الجيش فى مكافحة البلطجيه
يعنى لما حتدخل الجيش حتتمرمط صحيح ...بس بهدف لأن دلوقتى البلد محتاجه الجيش اوى غير زمان لما كنت بتتمرمط بدون هدف

بعد النكسه زاد الاقبال على التطوع فى الجيش .. لأن كل الشباب عاوزين يشاركو فى استعادة سيناء و ماحدش كان بيفكر فى المرمطه و البهدله
المفروض ان نفس الروح دى تبقى بينا لأننا بنعيش ظروف مشابهه الى حد ما

**Amr Axel** · 15-08-2011 02:52 AM

المشاركة الأصلية كتبت بواسطة khaled_sabry

اللى بستغربه ان الناس لغاية دلوقتى بتتكلم كأن الجيش ده العقاب اللهى
الكلام ده صحيح قبل كده ... حتدخل الجيش و تتمرمط من غير لازمه و انتا عارف ان البلد نايمه عمرها ماحتحارب و لا حد محتاج يحاربها
لكن دلوقتى الدنيا متوتره و معرضين ان اى بلد تسطاد فى الميه العكره و تهاجمنا مثلا او حتى دور الجيش فى مكافحة البلطجيه
يعنى لما حتدخل الجيش حتتمرمط صحيح ...بس بهدف لأن دلوقتى البلد محتاجه الجيش اوى غير زمان لما كنت بتتمرمط بدون هدف

بعد النكسه زاد الاقبال على التطوع فى الجيش .. لأن كل الشباب عاوزين يشاركو فى استعادة سيناء و ماحدش كان بيفكر فى المرمطه و البهدله
المفروض ان نفس الروح دى تبقى بينا لأننا بنعيش ظروف مشابهه الى حد ما

+1111111

الا اني مش معاك في حتة بدون هدف انت مش بتدخل الجيش بدون هدف انت بتدخل تدرب و و تتبهدل عشان ساعة الزنقة تنزل
يعني الموضوع عامل زي مقولة في الصاعقة بتقول
العرق في التدريب يوفر الدماء في المعارك
هتدرب و تتبهدل لكن ساعة لما يتم استدعائك هتبقي عارف انت بتعمل ايه و هتقدر تستحمل اي ضغوط مش واحد لسه داخل جديد لسه هيتعلم ضرب النار و لا لسه مش عارف يتحرك ازاي...ألخ....الخ
و جميع المعارك السابقة اثبتت مين هو الجندي المصري
وانا ذكرت في الموضوع التالي قصة من قصص كتيير تثبت ده و هو ان كتيبه تقعد 114 يوم تحت الحصار بدون امدادات

http://www.nilemotors.net/Nile/238677-114.html

فمفيش حاجة اسمها تدريب و بهدلة بدون هدف :)
و هدي مثل بسيط بما اني حقوق
دلوقتي لما خريج او طال حقوق بينزل تدريب عند محامي بينزل يتبهدل و يتمرمط و يلف محاكم مصر كلها هل ده بدون هدف ؟؟؟ اكيد لأ لأن ده هيفيده اول ما يبتدي الحياة العملية الحقيقية هيبقي عارف هو بيعمل ايه مش لسه هيسأل
صح و لا ايه :)

**khaled_sabry** · 15-08-2011 09:19 AM

المشاركة الأصلية كتبت بواسطة axel

+1111111

الا اني مش معاك في حتة بدون هدف انت مش بتدخل الجيش بدون هدف انت بتدخل تدرب و و تتبهدل عشان ساعة الزنقة تنزل
يعني الموضوع عامل زي مقولة في الصاعقة بتقول
العرق في التدريب يوفر الدماء في المعارك
هتدرب و تتبهدل لكن ساعة لما يتم استدعائك هتبقي عارف انت بتعمل ايه و هتقدر تستحمل اي ضغوط مش واحد لسه داخل جديد لسه هيتعلم ضرب النار و لا لسه مش عارف يتحرك ازاي...ألخ....الخ

انا معاك لكن بصراحه كده هل كنت تعتقد ان فى ظل النظام السابق كان ممكن تحصل حرب ... مش علشان مباارك كان راعى السلام لا لأنه كان راعى الاستسلام فاسرائيل و امريكا مثلا مش محتاجين يحتلونا او يهجمو علينا (لأن اى حاجه بيحتاجوها مبارك كان بيلبيها) ... و احنا عارفين ان مبارك استحاله يهجم على اسرائيل
و بالتالى كان دخول الجيش مالهوش لزمه لأن الجيش كله فقد معناه
واعداء امبارح (اسرائيل ) بقو اصدقاء اليوم
و اخر حرب مصر دخلتها من 1973

اما دلوقتى الدنيا مختلفه ... مصر فى اضعف حالتها امنيا (رغم انها فى اقصى حالات الاستنفار الشعبى -لو اسرائيل هجمت مثلا الشعب نفسه حيكلهم من قبل ما بعدو العريش ) و الوضع مش مستقر و الحمل كبير على الجيش
علشان كده بقول اللى بيدخل الجيش دلوقتى حيحس انه عمل حاجه
غيرى انا مثلا دخلت فى 2003 و فاضلى سنه و يخلص الاحتياط بتاعى و حاسس انى اتبهدلت على الفاضى لأنى ماعملتش حاجه و لا كان فيه بادره انى ممكن اعمل حاجه رغم استعدادى لكده