الموضوع: مذكرات وحد داخل الجيش

المشاركة الأصلية كتبت بواسطة khaled_sabry

انا معاك لكن بصراحه كده هل كنت تعتقد ان فى ظل النظام السابق كان ممكن تحصل حرب ... مش علشان مباارك كان راعى السلام لا لأنه كان راعى الاستسلام فاسرائيل و امريكا مثلا مش محتاجين يحتلونا او يهجمو علينا (لأن اى حاجه بيحتاجوها مبارك كان بيلبيها) ... و احنا عارفين ان مبارك استحاله يهجم على اسرائيل
و بالتالى كان دخول الجيش مالهوش لزمه لأن الجيش كله فقد معناه
واعداء امبارح (اسرائيل ) بقو اصدقاء اليوم
و اخر حرب مصر دخلتها من 1973

اما دلوقتى الدنيا مختلفه ... مصر فى اضعف حالتها امنيا (رغم انها فى اقصى حالات الاستنفار الشعبى -لو اسرائيل هجمت مثلا الشعب نفسه حيكلهم من قبل ما بعدو العريش ) و الوضع مش مستقر و الحمل كبير على الجيش
علشان كده بقول اللى بيدخل الجيش دلوقتى حيحس انه عمل حاجه
غيرى انا مثلا دخلت فى 2003 و فاضلى سنه و يخلص الاحتياط بتاعى و حاسس انى اتبهدلت على الفاضى لأنى ماعملتش حاجه و لا كان فيه بادره انى ممكن اعمل حاجه رغم استعدادى لكده

بص يا ريس ملناش دعوة بالنظام السابق او اللاحق ديه حاجة منقدرش نقولها لأنها ممكن تحصل في اي وقت و كمان الموضوع مش حرب ده ينفع في اي كارثة تحصل
يعني الكارثة بتاعت الانفلات الامني و نزول الجيش هي ديه حرب لأ بس التدريب جيه بفايدة صح و لا لأ ؟
فاللي بتكلم فيه انها استفادة في الحالتين
لأنك لما دخلت اكيد عرفت ازاي تستخدم السلاح ازاي تتعامل ...الخ...الخ
ولو اطلبت دلوقتي هتبقي برده عارف تعمل ايه
فالتدريب انت بتاخده عشان تبقي ع اهبة الاستعداد في اي لحظة
و متقلقش مفيش حاجة ان شاء الله و الدنيا هترجع زي الفل
و من ناحية الاكل فايام اللجان الشعبية و اخبارها و فيديوهاتها قامت بالواجب و ورت العالم كله احنا عاملين ازاي و نزلنا كلنا من اصغر واحد لأكبر واحد محدش هامه و لا رشاش و لا نيلة و كله واقف مستبيع
كما لو ان اسود واقفة و رافعة شعار النصر او الشهادة :)