تختار أي تخصص في كلية الهندسة ؟

**Dr_Smart** · 08-05-2008 07:38 PM

أخويا في اعدادي هندسة عين شمس

مالوش ميول محددة ( زي معظم الطلبة )

هو الحقيقة محتار يختار اي تخصص ... قلت ناخد رأيكم لأن في في نايل موتورز مهندسين وناس محترمة ومثقفة

اتمنى كل اللي عنده وجهة نظر في الموضوع ده مايبخلش علينا بيها وخاصة المهندسين يعني اكيد كل واحد بعد ماخرج لسوق العمل

عرف مميزات وعيوب معظم التخصصات سواء من تجربته او تجربة زمايله .

طبعا هنحط في الاعتبار لكل تخصص ( سهولة دراسته - مجال العمل متاح وبراتب كويس - الجيش - العمل خارج مصر - الخ )

وشكرا جزيلا لكل من سينفعنا برأيه .

**Hossam_Hassan** · 08-05-2008 07:49 PM

يحول قناة السويس و يدخل بترول، اللتر ب 185 قرش

**freez** · 08-05-2008 08:05 PM

بص يا باشا انا اختى فى تانيه هندسه
هو بيبقى حسب المجموع بتاعه فى اعدادى
بس احسن حاجه هندسة اجهزه طبيه ومش عارف دى موجوده فى عين شمس ولا لأ
واتصالات
بس دول بيبقو عايزين مجموع معين فى اعدادى
بعديهم عندك عماره وعلى فكره مستقبلها جميل بس خلى بالك عايزه شغل جاااامد جدا
ومصاريف زى ما يكون فى جامعة مصر :d
ومهم جدا مجموعه لان كل قسم وليه تنسيق
وغالبا الاقسام اللى هقولك عليها دى بتبقى فى المراكز الاولى
-اجهزه طبيه (وده مش عارف موجود فى عين شمس ولا لأ )
-هندسة اتصالات
-باور
-عماره
-مدنى
وهتلاقى فى الاخر
-انتاج
-ميكانيكا
طبعا انا مش ملم بكل الاقسام بس انا حبيت اوصلك اللى اعرفه
وعلى فكره لازم يكون ليه ميول حاول تسأله مثلا بيحب ماده معينه بيعرف يزاكرها اكتر من المواد التانيه او بيرسم كويس كده علشان يقدر يمشى كويس فى القسم اللى هيدخله وميكرهش دراسته لان هندسه دى ثانويه عامه تانى بس بشكل مختلف :d
ويارب اكون افدتك

**Dr_Smart** · 08-05-2008 08:26 PM

الف شكر يا باشا على ردك ربنا يكرمك

**soundoffear** · 08-05-2008 08:26 PM

ايوة انا مهندس كهرباء قوي جامعة عين شمس
طبعا قسم ممتاز
هبقي اتديك فكرة اكتر بس اما افضي شوية ان شاء الله
بس مبدئيا زي ما بقولك كدة كهربا

**Dr_Smart** · 08-05-2008 08:27 PM

في انتظار التفاصيل يا بشمهندس

شكرا جزيلا

**yahyanaabil** · 08-05-2008 08:40 PM

انا فى بكالوريوس كهربا باور جامعه الاسكندريه
انا حنصحك بكهربا باور ده لو عايز شغل انما لو عايز سهوله كهربا اتصالات مفيش اسهل منها
الكلام ده اعتمادا على هندسه اسكندريه هيه ديه الاقسام اللى بتلاقى شغل بسهوله وممكن تضم معاهم ميكانيا غير كده كله زى بعضه بس لو باظت معاه اوى يخش مدنى شغلهم كتير بس رواتبهم بتبقى اقل شويه من مهندسين الكهربا انا بتكلم على الحاله العامه

**ams** · 08-05-2008 09:00 PM

المشاركة الأصلية كتبت بواسطة Dr_Smart

أخويا في اعدادي هندسة عين شمس

مالوش ميول محددة ( زي معظم الطلبة )

انا فى تانيه ميكانيكا عين شمس
أولا : ربنا يعديه من اعدادى على خير
ثانيا : هكلمك على الاقسام من ناحية الدراسة و بترتيب تنسيقهم
كهرباء عاوزه واحد بيعرف او بيحب يذاكر كتير و خياله يبقى عالى
عماره عاوزه واحد فنان و مبدع "المفروض ده يبقى قسم فى فنون جميله" و بيشتغلو كتييييييييييير اوى
ميكانيكا عاوزه واحد بيفهم و يحب يشتغل بايده ودايما فى حاجه لازم تتسلم
مدنى قسم فى اللذيذ اسهل قسم و ده مش معناه انه سهل

المشاركة الأصلية كتبت بواسطة yahyanaabil

لو عايز سهوله كهربا اتصالات مفيش اسهل منها

يا راجل ! انت بتتكلم جد !
ده عكسنا تماما اتصالات عاوزه واحد جامد جدا جدا

**Chicco** · 08-05-2008 09:08 PM

أنا طبيب ....مدرس في كلية الطب !!!!
و أنا صغير كان نفسي أطلع مهندس كهربا أو إلكترونيات لأن المستقبل كله ليهم و مجال العمل خارج مصر متاح .....ربنا يوفق أخوك إن شاء الله

**noble911** · 08-05-2008 09:21 PM

انا مهندس معماري دفعة 2002
انصحه بالحاسبات او الاتصالات قم الكهربا
دول اللي سوقهم ماشي اليومين دول و مش محتاجين معارف او كده لايجاد وظيفة الشاطر في اي تخصص من دول بيلاقي شغل

مشاهدة نتائج الإستطلاع: ما التخصص الذي تفضله في كلية الهندسة ؟

الموضوع: تختار أي تخصص في كلية الهندسة ؟

LinkBack

أدوات الموضوع

عرض

تختار أي تخصص في كلية الهندسة ؟ - انشر الموضوع فى :

-

-

-

-

-

-

المواضيع المتشابهه

لو تختار شاشة 37lcd بوصة، تختار إيه في دول؟

سؤال بخصوص كلية الهندسة

بخصوص الهندسة الخاصة

مساعدة فى الهندسة

الكلمات الدلالية لهذا الموضوع

المفضلات

المفضلات

ضوابط المشاركة