الموضوع: تعديل العربية .. طبعا أزواق وتفكير .. تعدل لغاية أيه ؟

كل واحد بيبص لعربيته ويبقي عايز يخليها أحسن عربية
في ناس تقول مش مهم منظرها المهم موتورها ودول قليلين
وفي اللي عايز منظرها فقط حلو ومش مهم أي حاجة .. أكترية
وفي المهتم بالأتنين

طبعا كل ده درجات
يعني ممكن واحد مهتم بأداء العربية يغيرلها الموتور
واحد تاني يغير فلتر هوا !
انت بقي أيه أهتماماتك ؟

انا عن نفسي عايز الأتنين
شكل وأداء
بس برضه بدرجات
في الشكل مش قوي ..
يعني أهم حاجة تكون نضيفة
عتب وكساحات
ستيكر واحد مش كبير
جنط بمقاس محترم .. كل عربية وليها اللي يناسبها
من جوة تكون نضيفة جدا جدا جدا وكل حاجة منظمة ومفيهاش دوشة

الأداء ... وده يهني جدااااا
انا أحب العربية يكون شكلها نضيفة ومحترمة وبنت ناس وساعة الجري تلاقي وحش موجود
في الأداء لو الموتور يستدعي هغيره
لو كويس وممكن بحاجات بسيطة يبقي أحسن ماشي
نقول علي التعديلات البسيطة
فلتر سبور ممكن سيموتا
بوجيهات نضيفة بسلوك سبليت فاير
ديفل hks

يعني .. مش هاقول كل حاجة أكيد أنتوا فهمتوا المغذي

بتعملوا أيه في عربياتكوا ؟ :)

بص انا كان ولا زال اهتمامى بالعربية هو الاداء و كنت بحاول اعليه

و لكن لقيت ان الطرق عندنا متساعدش ع كدة و بالاضافة الى فتى الصنايعية و ثقافة السوق اللى بتقول ابعد عن المتعدل و غنيله و بيبخس ثمن العربية بحجة التعديلات دى متركبة غلط و حتبوظ الموتور ...الخ

ف اتجهت للاكسسوارات و الشكل الخارجى

فلقيت ان العربية مهما عملت فيها و مهما كنت محافظ عليها حتلاقى اللى يحكهالك و اللى يبوظلك كل اللى انت عملتو
و ف الاخر اقتنعنت ان العربية ف مصر لا ينفع فيها شكل ولا اداء
و مؤخرااا الشيطان ابتدى يلعب ف دماغى و بيقولى ظبط شكل و خلاص:)