محتاجة مساعدتكوا اشتري لانسر اوتوماتيك أم نيسان صني او تيدا اوتوماتيك

**onecar** · 12-08-2011 06:04 PM

بالنسبة للتوكيل و سعر قطع الغيار و استهلاك البنزين . و هل فعلا الانسر مش كويسة في مطبات مصر عشان مش عالية عن الارض

**mohammedabdallh** · 12-08-2011 06:17 PM

البومه والصنى تقريبا نفس الارتفاع عن الارض
بس لو هتشترى هات تيدا جامده موتتتتتتت

**bassem_sams** · 12-08-2011 08:59 PM

للأمانه انا معايا لانسر بومه 2009 عمرها ما حكت فى مطب و هى محمله و بأخذه عادى خالص لانسر مش واطيه و مبتحكش خالص ده عن تجربه انما تيدا انا مجربتهاش بس سمعتها كويسه انها عربيه محترمخ ياريت تضع موضوعك فى قسم مقارنات علشان تستفيد اكتر و اقرأ تقارير عن تيدا فى قسمهم اكيد هتستفيد

**mohaismail** · 12-08-2011 09:56 PM

مفيش وجه للمقارنة بين التيدا وبين لانسر او صنى
تيدا عربية شبه مثالية مفيش حد اشتراها وطلع فيها عيب عربية عالية عن الارض واستهلاك البنزين ممتاز واحسن كتير جدااااااااا من صنى ولانسر بالاضافة انها هادية جدا يعنى مفيش اى ازعاج وانتى ماشية بيها وهتحسى ان العربية مش دايره اصلا وتوكيل نيسان كويس جدا ونصيحة متدخليش نفسك فى حيرة بين التلاتة لانى عارف الحيرة قبل شراء عربية انا نفسى قعدت سنة ودالوقتى هبيع عربيتى وفى نفس الحيرة للعربية القادمة بعد 4 سنين مع الصنى توكلى على الله وهاتى تيدا ومش هتندمى ابدا

**onecar** · 12-08-2011 10:23 PM

بس لما استقريت على تيدا لقيت تمنها قريب اوي من تويوتا ياريس و مش عارفة اقرر مين فيهم :(

**basemsaeed** · 12-08-2011 11:27 PM

1-التيدا عربية محترمة و كويسة و عالية عن الأرض و صالونها وااااسع من جوه حتى لو رجعتي الكراسي الأمامية للاخر و توكيل نيسان توكيل محترم و كويس
2-الصني كويسة,و ارتفاعها عن الأرض أقل من ارتفاع التيدا عن الأرض,بس صالونها ضيق من ورا لو حترجعي الكراسي الأمامية لوراء على الاخر,و التوكيل توكيل محترم و كويس
3-اللانسر حلوة برده و ارتفاعها عن الأرض تقريبا نفس ارتفاع الصني و توكيلها جديد و كويس لحد دلوقتي بس فيه ناس بتقول ان خامات اللانسر البومة بش قد كده والله اعلم
4-التويوتا ياريس حلوة بش وحشة و ارتفاعها عن الأرض أعلى من اللانسر و الصني,,و تقريبا نفس ارتفاع النيدا او أقل حاجة صغيرة و توكيل تويوتا معرفش عنه حاجة
*بالنسبة لقطع الغيار تقريبا كل قطع الغيار قريبين من بعض في السعر و لو فيه فروق
الفروق دي حتبقى بسيطة
*بالنسبة لإستهلاك البنزين,,
التيدا حلوة في استهلاك البنزين
الصني استهلاكها ازيد من التيدا شوية نظرا لاختلاف تكنولوجيا الماتور
اللانسر البومة بش عارف استهلاكها عامل ايه الصراحة
الياريس,,برده معرفش استهلاكها عامل ايه,,بس عموما تويوتا معروفة بمواتيرها الموفرة في استهلاك البنزين

**onecar** · 12-08-2011 11:58 PM

شكرا يا جماعة على مشاركتكم

**mohaismail** · 13-08-2011 01:10 AM

التيدا افضل من ياريس

**bassem_sams** · 13-08-2011 02:19 PM

المشاركة الأصلية كتبت بواسطة mohaismail

التيدا افضل من ياريس

كلام مظبوط لأن تيدا 1600 سىسى و الياريس 1300 سىسى مدام سعر قريب و الأتنين يابانى بالرغم انى سامع ان تيدا جديده فى مصانع فى مكسيك بس لو مقارنه بينهم افتكر تيدا تكسب ياريس و كفايه فرق ماتور