حاجة غريييييييييييييييييييييبة !!!!!!!!!!!!!!!!!!!!

**BooDElGn** · 08-05-2008 08:58 PM

السلام عليكم و رحمة الله و بركاته
ازيكم يا شباب المنتدى يارب تكونوا بخير
بصوا يا شباب حد يفهمنى الانا سمعته قال ايه ؟ انا اتصلت بأبو الفتوح العندنا هنا فى الإسكندرية علشان اسالوا عن حجز الدايو و كده الاقى العامل يرد يقولى الحجز واقف من فترة و قولتله هيرجع امتى قال هيقعد فترة قولتله طيب الواحد لما يحب يشترى عربية دايو ز كده يشتريها منين قالى ممكن من اى معرض طيب ازااااااااااااى المعارض يبقى عندها عربيات و التوكيل نفسه لأ مش بزمتكم حاجة غريبة ولا ايه ؟ حد يفهمنى يمكن انا مش واخد بالى من حاجة و بعد كده سألتوا سؤال تانى بقوله طيب سعرها كام قالى الكاملة 67500 و الهاف 63500 قلتلوه طيب كويس:) و سعرها فى المعرض نفس السعر ده قام رد عليا قالى طبعا لأ تزيد تلاتة اربعة الاف عن كده قولتله شكرا و قفلت يا ترى بقى التوكيل بقى يلاقى نفسه مكسب انه يبيع عن طريق المعارض و لا ايه
أرجو منكم الرد يا شباب المنتدى و حد يفهمنى الحوار ده لو حد عنده فكرة عنه و اسف انى طولت عليكم .

**eng_mkhalaf** · 08-05-2008 09:16 PM

على نا اعنقد أنة أتوقف أنتاجها خلاص

**S H @ F T** · 08-05-2008 09:35 PM

طبيعي
لأن التوكيل بيوزع 10% فقط من الإنتاج والباقي للمعارض

**Akram** · 08-05-2008 11:42 PM

المعرض بيحجز من التوكيل و بيستلم بعد فترة (شهر مثلا) و انت لما بتروح للمعرض بتاخدها على طول و الفرق ده مكسب للمعرض بخلاف مكسبة الأساسي لأنك مستنتش ,
و على فكرة المبلغ ده مش ثابت و لو تعرف حد في معرض ممكن تدفع 500 أو 1000 بس ,
اما بالنسبة لموضوع وقف الإنتاج فانا قريت إنه في شهر 8/2008 بس مش أكيد لأن العربية ما زال عليه طلب ,
و لو حصل مش هيفرق كتير لأن مصانع قطع الغيار هتفضل تتنج طالما فيه طلب ,
و المثال على كده مصانع قطع غيار الفيات اللي اتوقف إنتاجه من 20 سنة ,
و بعدين شوف فيه كام عربية لانوس من سنة 99 حتى 2008 .

**ameer** · 01-06-2008 04:08 PM

انا لسة مستلم من يوميين عربية لانوس جديدة من التوكيل بالمعادى أول ما أدمت قالولى الاستلام خلال 4 شهور و أتصلو بيا بعد 40 يوم فقط علشان استلم

**mohamed ibiza** · 01-06-2008 04:27 PM

المشاركة الأصلية كتبت بواسطة ameer

انا لسة مستلم من يوميين عربية لانوس جديدة من التوكيل بالمعادى أول ما أدمت قالولى الاستلام خلال 4 شهور و أتصلو بيا بعد 40 يوم فقط علشان استلم

طب ما الناس قالوا خلال 4 شهور مش بعد 4 شهور عادي جدا

**fady.bekatcho** · 01-06-2008 05:03 PM

انا رحت التوكيل علشان اسال من قريب حوالى اسبوع
قالولى تدفع 20000 وهتستلم فى خلال ما بين 3 او 4 شهور لكن مش قبل كدة ودا خلانى ما احجزش لانها محتاجها فى اقرب فرصة وهخلص امتحاناتى وهشترى من معرض

**shady102** · 18-07-2008 01:14 AM

ياعم انتوا بتتكلموا فى ايه انا رحت معرض فى محافظة قنا وطلبت منهم اشترى عربيه لانوس كامله .. والله والله تانى دفعت 70500 واستلمت بعد اسبوع اللون اللى انا عايزة .. وهى دى الحقيقه .. واحب اقول اللى غاوى ينقط بطاقيته ويدفع اكتر لسرعة الاستلام لانها فعلا عربيه تستاهل مع انها فى التوكيل بسعر 67500 وبطلوا كلام بقى

**waleedrahmy** · 23-09-2008 12:41 PM

انا سمعت زى اغلب الناس من زمان ان اللانوس هيقف انتاجها
وطبعا زى ما انتوا عارفين من المواضيع الى بكتبها انى كنت هشترى لانوس بس اجلت الشراء لانى سمعت ان اغلب الى موجود دلوقتى فية عيوب

الكلام دة صح ولا اية لانى لغاية دلوقتى لسة ما اشترتش

وحاجة تانية اللانوس الجوليت انا كنت عارف انها وقفت لكن انا ليا كام يوم اشوف منها جديد وبيروحوا يرخصوها فى مرور المعادى وعندى فى بنى سويف كمان

هيا بدا انتاجها تانى ولا اية وياترى هيا بكام

منتظر ردكم

اللانوس وقف خلاص النوبيرا مستمرة.......... ده كلا ابو الفتوح فرع المعادي........... الجوليت ال سيادتك بتشوفها دي استيراد مستعمل (معاقين)