نفسي اتبرع بس مقلق

**aminibrahim** · 12-08-2011 08:54 PM

انا تبرعت لجهات والحمد لله بس انا شايف الموضوع بقي كتير مع احترامي للجميع ::مصر الخير::الاورمان ::: الصومال::: مجدي يعقوب::: 57357ودي انا بحب اتبرع ليها وحجات كتير قوي وقريت قيل كده عن دور رعايه للايتام وغيره الاخر البعض منهم بيلهف التبرعات

المشكله الواحد نفسه يدي كل الجهات بس انا دايما بيشغلني هل الفلوس دي بتوصل

طب ليه ماينش في جهه من الازهر تتولي جمع التبرعات وتتولي هي التوزيع

ربنا يستر وكل التبرعات توصل لجهاتها

حد عارف ماكينات الصرف الالي اللي فيها باب الخير زي السي اي بي احيانا بتبرع من خلال الماكينه علي اسم الجهه هل هي كويسه؟

**ahmedbatoos** · 12-08-2011 09:01 PM

الفساد او الاختلاس . . بيحصل اثناء صرف التبرعات مش جمعها في الاغلب. . في جهات كتير جيدة جدا وفي جهات سيئة شوف انة تأثيرة في الارض اكتر وكدة
واظن ان مستشفي 75 والمؤسسات الي زيها اظن الفساد فيها قليل المستشافة حسب ما بنسمع ماشية كويس . .

**sayed911** · 12-08-2011 09:02 PM

بص انا على ضوء دراستي المتواضعة في المجال ده !! تبرع للبناء وليس للطعام !! ها اشرح لحضرتك !! يعني انا عندي اني اعطي لمركز الدكتور مجدي يعقوب !! او لجمعية تبني مشاريع للفقراء افضل من جمعية بتوزع اكل وفلوس عليهم !! لأنه الفلوس بتخلص لكن المشروع بيفضل وده اعتقد ها يساعدك على تقليص اتجاهاتاك !! نصيحة ثانية يا اخي جرب مثلا جمعية بنت مصر وتكفل طفلة يتيمة ومقرهم في مصر الجديدة وانتا اللي بتوصل الفلوس بنفسك انا شايف انه عاقبتها افضل من اني اوزع فلوس على ناس او اكل لأني ببني بذرة خير مش بأديهاله !! على رأي المثل لا تعطيني سمكة ولكن اعطي صنارة :d

**dieseltrucker** · 12-08-2011 09:32 PM

الافضل تطلع التبرعات دي للفقراء والمساكين اللي حواليك او في محيط حياتك
ولو افترضنا انه مافيش
يبقى لجهه تضمنها
لكن عموما اذا تبرعت لجهة ما وقام جامعي التبرعات يسرقتها وده مش مستبعد في هذا الزمان فأنت ان شاء الله لك اجرك وهم عليه الذنب
وبالمناسبه دي انتشرتحاليا جهات كتير اوي وافراد بيجمعوا تبرعات ومعاهم فتوى انهم ياخدوا من التبرعات دي لنفسهم لان اية مصارف الصدقات شملت الفقراء والمساكين والعاملين عليها
بس المشكلة ان العاملين عليها يعني القائمين بتجميعها وتوصيلها لباقي المستحقين ممكن ياخدوها كلها او نصها
عايزين لو حد عنده علم يقولنا الحد المسموح لهم ياخدوه ومين اللي يسمح لهم يجمعوا ومين اللي يوزع

**abokoko** · 12-08-2011 09:32 PM

حضرتك هتلاقى فى توقيعى رقم حساب لجمعيه الروضه بالغردقه امام مستشفى النيل
الجمعيه بتبنى مسجد الروضه على مساحة الف متر تقريبا وانتهت من جزأ كبير جدا من المسجد وحاليا تقام فيه الصلاة فى جزأيه الخاصين بالرجال والنساء
لكن نشاط الجمعيه طموحه اكبر من مسجد وتحفيظ قرآن وتوزيع معونات ( ذلك حادث فعلا )
الجمعيه ترغب فى الحصول على موافقه ببناء حضانه ومستوصف خيرى بنفس المنطقه
لكن الى الان الموافقه لم تنتهى من مجلس المدينه ومركونه بالتخطيط رغم انى الارض
المراده موجوده ويكفى تاشيره بتخصيصها للجمعيه

**د/أحمد ابراهيم** · 13-08-2011 12:22 AM

اتبرع عن طريق الجمعية الشرعية (وخد ايصال بالمبلغ)

الناس دول بجد كويسين وعليهم رقابه عالية (نحسبهم على خير ولا نزكي على الله احدا)

وممكن حضرتك تحدد عايز تتبرع لايه من مشاريع الجمعيه:

مثلا كفالة يتيم
للصومال
بناء مساجد
عيادات طبية خيرية

هم انشطتهم كتيرة ... اختار اللى تحبه

تقبل الله منا ومنكم