أنا من موقعى هذا بعتذر للهيونداوية و للعربيات الكورية

**Ghosts** · 13-08-2011 01:23 AM

ممكن الواحد تتغير طريقة تفكيرة مابين يوم وليلة ؟
أه ممكن أوى ودة حصل معايا من يومين وهاقولكوا أزاى ....
أنا دايمآ كنت بتمنى أنة يكون معايا عربية أوروبى عشان عوامل الأمان اللى فيها ....
وكنت فاكر بسذاجتى المعهودة أنة اللى معاة عربية زى ال BMW و المرسيدس والهاااااامر ....
مش ممكن حتى أنة يتعور فى حادثة وأن الحوادث بتحصل بس للناس اللى معاهم عربيات كورى ....
لحد ما دخلت على ال U Tube و شفت الفيديوهات دى ....
Hummer Crashes - YouTube
BMW CRASH - The worst world BMW Accidents - YouTube

العقل وعدم التهور ....
هما أهم وسائل الأمان ....
المشكلة مش فى العربيات ....
المشكلة فينا أحنا وكل ما الواحد بيبقى معاة ....
عربية غالية و مزودة بكل وسائل الأمان كل ما تلاقية متهور أكتر ....
يعنى شاب معاة عربية هامر مثلآ وماشى فى طريق فاضى هتلاقى الشيطان ....
بيلعب فى دماغة ويقولة :
دة أنت معاك دبابة مش عربية وفيها كل حااااااااااجة ماتخافش وأجرى مستنى أية ؟

وطالما العربيات كلها على السرعات الغالية خطر ....
يبقى الواحد يشترى العربية اللى سعر أعادة بيعها أفضل و قطع غيارها متوفرة أكتر ....
ودة طبعآ فى صالح العربيات الكورى ومهما كان نوع العربية فالواحد لازم بردوا يمشى على مهلة ....
وكما قالت الفنانة شادية :
سوق على مهلك سوووق ....
لا تلبس فى لورى وتطلع فوق ....

على فكرة المشاركة دى أتكررت مرتين قبل كدة ....
بس أنا قلت أعمل منها موضوع جديد عشان يبقى أعتذار رسمى للهيونداوية كلهم ....
لأنى كنت دايمآ باسب وألعن فى الهيونداى وياريت كل اللى يقرا الموضوع دة يقولى أنة سامحنى ....

**yoko** · 13-08-2011 01:50 AM

مع كامل إحترامي مش عشان العربيات دي إتعجنت يبقى كله زي بعضة طيب لو نفس الحادثة بالملي مرة عربيه فيها وسائل أمان والتانيه لأ هتبقى نفس النتيجة بالطبع لأ
وبرده ممكن تسوق محترم وحد يلبس فيك يبقى وسائل الأمان مهمه
أو تبقى ماشي في امان الله ولوحدك وهب تمشي على زيت والعربيه تلف حوالين نفسها وعلى سرعة ٦٠كم\س زي ما حصل معايا مش معنى إن العربيات دي ممكن تتعجن يبقى الأمان ملوش لازمة

**Screenplays** · 13-08-2011 03:27 AM

اي عربيه في الدنيا بتعمل حوادث و بتتعجن و الناس بتموت عادي و ملوش داعي الاعتذار ده لان كل واحد له وجهه نظره واللي قولتله في الموضوع مفيهوش جديد

**Ghosts** · 13-08-2011 04:25 AM

المشاركة الأصلية كتبت بواسطة yoko

أو تبقى ماشي في امان الله ولوحدك وهب تمشي على زيت والعربيه تلف حوالين نفسها وعلى سرعة 60كم\س زي ما حصل معايا

ياريت تقولنا بالتفصيل أية اللى حصل معاك ....
وياترى ال abs بيمنع زحلقة العربية على الزيت ؟

**Screenplays** · 13-08-2011 04:34 AM

وياترى ال abs بيمنع زحلقة العربية على الزيت ؟

ممكن بس بطريقه غير مباشره

**khpopo** · 13-08-2011 04:36 AM

المشاركة الأصلية كتبت بواسطة yoko

مع كامل إحترامي مش عشان العربيات دي إتعجنت يبقى كله زي بعضة طيب لو نفس الحادثة بالملي مرة عربيه فيها وسائل أمان والتانيه لأ هتبقى نفس النتيجة بالطبع لأ

+1

ربنا يوفق

**Ghosts** · 13-08-2011 04:38 AM

المشاركة الأصلية كتبت بواسطة Screenplays

ممكن بس بطريقه غير مباشره

معلش ....
ياريت توضح لى أكتر ....
هل ال abs بيخلينى أقدر أتحكم فى العربية بالرغم أتها ماشية على زبت ؟؟؟

**Screenplays** · 13-08-2011 04:54 AM

فكره فرامل ال ABS انك لما بتدوس علي دواسه الفرامل التيل مبيقفش في الديسك علي طول لا بيقفش و يفك كذا مره في الثانيه فبيديك تحكم افضل في العربيه يعني مثلا قدامك عائق و بتفرمل و تاخد عرزه ممكن تقلب لا قدر الله و خصوصا مع السرعات العاليه لكن من الفرامل ال ABS العربيه مبتتطوحش منك جامد فبتتخطي العائق ده بدون مشاكل و طبعا موضوع القلب ده وارد حتي مع الفرامل ال ABS و هنا العائق هو بقعه الزيت اللي هو مش عائق اصلا و طبعا هيخلي العربيه تتزحلق لكن مع فرامل ال ABS الزحلقه بتقل نسبيا و اهه العضو الفاضل yoko عمل حادث بسبب بقعه زيت مع وجود فرامل ال ABS يعني اي عربيه ممكن تقلب بسبب بقعه زيت

**yoko** · 13-08-2011 04:56 AM

abs فرامل وزيت بس مش في ملف أو ملف بسيط عادي لكن الي حصل معايا كان ملف 90 درجة العربيه راحت يمين وشها في الرصيف لمتها قامت لافة 180 درجة وطلعت فوق الرصيف بجمبها يا ريت حضرتك تقولي لو عربيه أي كلام هيحصل إيه ولو عربيه محترمة هيحصل إيه وهقولك أنا الي حصل إيه؟