بعيدا عن الكآبة و الاكتئاب

**OlaOsman** · 10-05-2008 08:03 PM

المشاركة الأصلية كتبت بواسطة engamrnour80

فكرة حلوة خليتى الواحد سرح فى ايام الجامعة و ايام الخطوبة ...يااااااااااااااااااه
طالعة بالنار من صدرى الواحد بيفكر يركب تكييف داخلة عشان يحافظ على دمه
احيكى جدا يا اخت علا على فكرتك
انا احسن حاجة مهونه على اليومين دول ان اختى لقت شغل و ربنا كرمها الحمد لله

ربنا يكرمك أختك كمان و كمان و يكرمنا جميعا يا رب :)

**aif** · 10-05-2008 08:07 PM

انا النهارده فرحان جدا جدا .... ياه ... فعلا فرحان
زوجتي عملتلنا النهاردة سمك مقلي ..ورز احمر وطحينه :D.... انا فرحان جدا :o
اصلي باحب السمك اوي ;)

**OlaOsman** · 10-05-2008 08:26 PM

المشاركة الأصلية كتبت بواسطة Islam_galal

أحسن حاجة بتهون عليا لما أرجع البيت و أشوف زوجتي و ابني (زيزو) مبسوطين و من غير مشاكل
حقيقي تحس ان كل حاجة تهون بعد كده

فعلا يا إسلام.. كل ما الدنيا بتضيق بالواحد بيسأل نفسه: مش الحمد لله كل اللي باحبهم بخير؟.. الحمد لله حمدا طيبا مباركا فيه و يا رب يديمها نعمة :)

**aif** · 10-05-2008 08:27 PM

المشاركة الأصلية كتبت بواسطة OlaOsman

أكيد النتيجة زمانها طلعت يا احمد.. طمنا عليه الله يكرمك

مش احنا كنا هانعدي عليكوا النهاردة نسلم على المدام انا و اللي باتدرب معاها على السواقة؟ كنا في العباسية و سألتها هو البيت فين قالت لي تعالي نعدي عليها.. قلت لأ بأه خليها مرة تانية

انت تنورينا يا علا .... والمدربة اللي معاكي عارفة البيت تماما ...
والله كانت تبقي مفاجأة ظريفة جدا ....كان الواد ابراهيم عملك الشو بتاعه بالكامل ....بلياتشو صغير ...
المرة اللي جاية ابقي اعمليها .... انا باكون في المكتب ... وهي بتكافح مع العيال في البيت ... بتحاول تربيهم .... لكن علي مين ..آل تربيهم آل
والبيت يبعد عن المكتب 300 متر يعني كانت ح تجيبك وتيجي علي المكتب بعد ما تاخدو قعدتكم براحتكم ... تلاقيني قاعد في المكتب عامل نفسي باشتغل ... وانا في الواقع ... علي النت طبعا
المرة الجاية ضروري تنورينا يا علا

**OlaOsman** · 10-05-2008 08:33 PM

المشاركة الأصلية كتبت بواسطة alaa_dash

لو فيه حد بيسهر لغاية ساعة كمان ..لو يعرف يصلي اربع ركعات على 2 بنية قيام ليل و ركعة وتر ..و يقرا ايات من القران ...

و يدعي ربنا بكل اللي يقدر عليه من خير لنفسه و اهله و بلده الناس كلها ..و يا سلام لو حد بيصلي الفجر جماعة ...قبلها بنص ساعة ..ادعي ..ربنا يتنزل للسماء الدنيا ...مش يمكن تكون ساعة اجابة ؟

خصوصا ان بكرة الجمعة..او حد فينا يكون نيته سليمة و يستجاب لدعاه ؟...و بالنسبة للحاجة الحلوة ..البلد بعد الفجر بتبقى حلللووووووة اوي و رااايقة و الهوا جميل ..ربنا يمتعكوا بأوقاتكوا..:)

ساعات باحس اني محتاجة أنزل أصلي الفجر في المسجد و احس بحلاوتها.. لكن الله عنده من الخير الكثير :)

جزاك الله خيرا على المشاركة الرائعة دي :)

**OlaOsman** · 10-05-2008 08:35 PM

المشاركة الأصلية كتبت بواسطة onna

اكتر حاجة مفرحانى دلوقتى يا علا بجد ان الحمد لله مبسوطة جدا من العربية و حاسة

انها بيتي الصغير و الحمد لله كان اختيار موفق جدااااا

الحمد لله

يا رب يكرمك كمان و كمان يا نهى و يبارك لك فيها :)

بس اوعي تعيشي في جو انها بيتك بجد و أهلك بالليل يدرورا عليكي يقوموا يلاقوكي نايمة في العربية :D

**OlaOsman** · 10-05-2008 08:40 PM

المشاركة الأصلية كتبت بواسطة MohabSaeed

فى خبر سمعته امبارح وفرحنى جدا ... احد اصدقائى حيتجوز ان شاء الله كمان شهرين ..... قعد اتخيل ايام ماكونا لسة فى ثانوى .. وازاى الايام مرت بسرعه " سبحان الله :)

حاليا انا عامل مود " هادى " .... ومشغل موسيقى " Chillout " . :)

شكرا على فكره الموضوع ........ فعلا محتاجين نفتكر حاجة حلوه ...... محتاجين تفائل :)
:):):)

فكرتني بيوم فرح أنتيمتي.. لما شفتها بفستان الفرح عينية دمعت من الفرحة كأنها بنتي :)

**OlaOsman** · 10-05-2008 08:43 PM

المشاركة الأصلية كتبت بواسطة eng_mkhalaf

ربنا يديمها عليكم نعمة

يديمها "علينا" يا باش مهندس.. كل حد لازم فيه في حياته حاجة بتفرحه :)

الموضوع: بعيدا عن الكآبة و الاكتئاب

LinkBack

أدوات الموضوع

عرض

-

-

المواضيع المتشابهه

بعيدا عن الاحداث الحالية شقة تحولت الي محل !

انا طالب مساعدة (بعيدا عن الشيفرولية)

100 طريقة مصرية للقضاء على الاكتئاب (لعمـــــر طاهر)

بعيدا قليلا عن السيارات

الكلمات الدلالية لهذا الموضوع

المفضلات

المفضلات

ضوابط المشاركة