بعيدا عن الكآبة و الاكتئاب

طبعا الوضع اللي حاصل في البلد لا يخفى على أحد.. و مش سايب لنا مساحة للفرحة او السعادة.. انما تعالوا ندور على حاجة بتفرحنا.. يعني نحاول نفتكر حاجة في حياتنا بتسعدنا او تفرحنا.. حاجة نفتكرها نلاقي الابتسامة نطت على وشنا.. موقف جميل مريت بيه.. خطر في بالك صورة حد بتحبه.. حاجة كنت مستنيها من زمان و هاتحصل.. خبرحلو لسه سامعه.. أي خاطرة تيجي على بالنا تفرحنا او تدخل على قلوبنا السعادة و لو للحظة :o

انا عن نفسي لسه جاية من برة.. كنت في الأزهر بارك مع مجموعة من بنات منتدى آخر بقالنا 6 سنين نعرف بعض و أصحاب.. قضينا وقت روووووووووعة.. ضحك من القلب و قلوب صافية و حب في الله :)

برغم كل اللي حاصل برضه انا بقالي يومين مبسوطة عشان بدأت أتقدم شوية في السواقة و إدراكي للعربية و الطريق بأه احسن الحمد لله :)

تعالوا نخرج برة الضغوط اللي احنا فيها و نتشارك لحظاتنا السعيدة :)

فكرة حلوة خليتى الواحد سرح فى ايام الجامعة و ايام الخطوبة ...يااااااااااااااااااه
طالعة بالنار من صدرى الواحد بيفكر يركب تكييف داخلة عشان يحافظ على دمه
احيكى جدا يا اخت علا على فكرتك
انا احسن حاجة مهونه على اليومين دول ان اختى لقت شغل و ربنا كرمها الحمد لله

انا برضه فرحان جدا ....
الحمد لله بعد مجهود مضني وشاق و وقت طويل وعصيب ....
وبعد قلق كتير وليالي ما شفناش فيها النوم
الحمد لله ......
ابراهيم ابني نجح واتخرج من البيبي كلاس ....
والسنة اللي جاية ان شاء الله يروح كي جي ون
..........
ومحمود خلص امتحان كي جي تو وفي انتظار النتيجة
ربنا معاه .....
تفتكرو ح ينجح :confused:

أحسن حاجة بتهون عليا لما أرجع البيت و أشوف زوجتي و ابني (زيزو) مبسوطين و من غير مشاكل
حقيقي تحس ان كل حاجة تهون بعد كده

قائدي مسيرة "ضد الاكتئاب في نايل موتورز" أحمد باشا و علا باشا بارك الله فييكما :)

عن نفسي حاجتين بسطني ...أول حاجة الجو إتعدل في تورنتو و فصل الربيع أخيرا جه .....سبحان الله الشجر اللي كان شكله مات ابتدى ينبت من تاني و الزهور و الورد حاجة في منتهى الجمال

تاني حاجة الأمور اتضحت شوية من جانب الشغل و الأمتحانات و بقى عندي أمل أنزل مصر اجازة في خلال كام شهر :)

تصدقوا و تؤمنوا بالله ....مصر وحشاني قوي :o

لو فيه حد بيسهر لغاية ساعة كمان ..لو يعرف يصلي اربع ركعات على 2 بنية قيام ليل و ركعة وتر ..و يقرا ايات من القران ...

و يدعي ربنا بكل اللي يقدر عليه من خير لنفسه و اهله و بلده الناس كلها ..و يا سلام لو حد بيصلي الفجر جماعة ...قبلها بنص ساعة ..ادعي ..ربنا يتنزل للسماء الدنيا ...مش يمكن تكون ساعة اجابة ؟

خصوصا ان بكرة الجمعة..او حد فينا يكون نيته سليمة و يستجاب لدعاه ؟...و بالنسبة للحاجة الحلوة ..البلد بعد الفجر بتبقى حلللووووووة اوي و رااايقة و الهوا جميل ..ربنا يمتعكوا بأوقاتكوا..:)

بارك الله لكم جميعا و جزاكم الله خيرا على محاولة إخال البهجة على قلوبنا :)

اكتر حاجة مفرحانى دلوقتى يا علا بجد ان الحمد لله مبسوطة جدا من العربية و حاسة

انها بيتي الصغير و الحمد لله كان اختيار موفق جدااااا

الحمد لله

فى خبر سمعته امبارح وفرحنى جدا ... احد اصدقائى حيتجوز ان شاء الله كمان شهرين ..... قعد اتخيل ايام ماكونا لسة فى ثانوى .. وازاى الايام مرت بسرعه " سبحان الله :)

حاليا انا عامل مود " هادى " .... ومشغل موسيقى " Chillout " . :)

شكرا على فكره الموضوع ........ فعلا محتاجين نفتكر حاجة حلوه ...... محتاجين تفائل :)
:):):)

ربنا يديمها عليكم نعمة

اقتباس:

---

المشاركة الأصلية كتبت بواسطة engamrnour80

فكرة حلوة خليتى الواحد سرح فى ايام الجامعة و ايام الخطوبة ...يااااااااااااااااااه
طالعة بالنار من صدرى الواحد بيفكر يركب تكييف داخلة عشان يحافظ على دمه
احيكى جدا يا اخت علا على فكرتك
انا احسن حاجة مهونه على اليومين دول ان اختى لقت شغل و ربنا كرمها الحمد لله

---

ربنا يكرمك أختك كمان و كمان و يكرمنا جميعا يا رب :)

انا النهارده فرحان جدا جدا .... ياه ... فعلا فرحان
زوجتي عملتلنا النهاردة سمك مقلي ..ورز احمر وطحينه :D.... انا فرحان جدا :o
اصلي باحب السمك اوي ;)

اقتباس:

---

المشاركة الأصلية كتبت بواسطة aif

انا برضه فرحان جدا ....
الحمد لله بعد مجهود مضني وشاق و وقت طويل وعصيب ....
وبعد قلق كتير وليالي ما شفناش فيها النوم
الحمد لله ......
ابراهيم ابني نجح واتخرج من البيبي كلاس ....
والسنة اللي جاية ان شاء الله يروح كي جي ون
..........
ومحمود خلص امتحان كي جي تو وفي انتظار النتيجة
ربنا معاه .....
تفتكرو ح ينجح :confused:

---

أكيد النتيجة زمانها طلعت يا احمد.. طمنا عليه الله يكرمك :confused:

مش احنا كنا هانعدي عليكوا النهاردة نسلم على المدام انا و اللي باتدرب معاها على السواقة؟ كنا في العباسية و سألتها هو البيت فين قالت لي تعالي نعدي عليها.. قلت لأ بأه خليها مرة تانية :rolleyes:

اقتباس:

---

المشاركة الأصلية كتبت بواسطة Islam_galal

أحسن حاجة بتهون عليا لما أرجع البيت و أشوف زوجتي و ابني (زيزو) مبسوطين و من غير مشاكل
حقيقي تحس ان كل حاجة تهون بعد كده

---

فعلا يا إسلام.. كل ما الدنيا بتضيق بالواحد بيسأل نفسه: مش الحمد لله كل اللي باحبهم بخير؟.. الحمد لله حمدا طيبا مباركا فيه و يا رب يديمها نعمة :)

اقتباس:

---

المشاركة الأصلية كتبت بواسطة OlaOsman

أكيد النتيجة زمانها طلعت يا احمد.. طمنا عليه الله يكرمك :confused:

مش احنا كنا هانعدي عليكوا النهاردة نسلم على المدام انا و اللي باتدرب معاها على السواقة؟ كنا في العباسية و سألتها هو البيت فين قالت لي تعالي نعدي عليها.. قلت لأ بأه خليها مرة تانية :rolleyes:

---

انت تنورينا يا علا .... والمدربة اللي معاكي عارفة البيت تماما ...
والله كانت تبقي مفاجأة ظريفة جدا ....كان الواد ابراهيم عملك الشو بتاعه بالكامل ....بلياتشو صغير ...
المرة اللي جاية ابقي اعمليها .... انا باكون في المكتب ... وهي بتكافح مع العيال في البيت ... بتحاول تربيهم .... لكن علي مين ..آل تربيهم آل
والبيت يبعد عن المكتب 300 متر يعني كانت ح تجيبك وتيجي علي المكتب بعد ما تاخدو قعدتكم براحتكم ... تلاقيني قاعد في المكتب عامل نفسي باشتغل ... وانا في الواقع ... علي النت طبعا
المرة الجاية ضروري تنورينا يا علا

اقتباس:

---

المشاركة الأصلية كتبت بواسطة Chicco

قائدي مسيرة "ضد الاكتئاب في نايل موتورز" أحمد باشا و علا باشا بارك الله فييكما :)

عن نفسي حاجتين بسطني ...أول حاجة الجو إتعدل في تورنتو و فصل الربيع أخيرا جه .....سبحان الله الشجر اللي كان شكله مات ابتدى ينبت من تاني و الزهور و الورد حاجة في منتهى الجمال

تاني حاجة الأمور اتضحت شوية من جانب الشغل و الأمتحانات و بقى عندي أمل أنزل مصر اجازة في خلال كام شهر :)

تصدقوا و تؤمنوا بالله ....مصر وحشاني قوي :o

---

تيجي بألف سلامة ان شاء الله و نسمع عنك سمع خير كده انك حضرت مقابلة مع أعضاء نايل موتورز :)

اقتباس:

---

المشاركة الأصلية كتبت بواسطة alaa_dash

لو فيه حد بيسهر لغاية ساعة كمان ..لو يعرف يصلي اربع ركعات على 2 بنية قيام ليل و ركعة وتر ..و يقرا ايات من القران ...

و يدعي ربنا بكل اللي يقدر عليه من خير لنفسه و اهله و بلده الناس كلها ..و يا سلام لو حد بيصلي الفجر جماعة ...قبلها بنص ساعة ..ادعي ..ربنا يتنزل للسماء الدنيا ...مش يمكن تكون ساعة اجابة ؟

خصوصا ان بكرة الجمعة..او حد فينا يكون نيته سليمة و يستجاب لدعاه ؟...و بالنسبة للحاجة الحلوة ..البلد بعد الفجر بتبقى حلللووووووة اوي و رااايقة و الهوا جميل ..ربنا يمتعكوا بأوقاتكوا..:)

---

ساعات باحس اني محتاجة أنزل أصلي الفجر في المسجد و احس بحلاوتها.. لكن الله عنده من الخير الكثير :)

جزاك الله خيرا على المشاركة الرائعة دي :)

اقتباس:

---

المشاركة الأصلية كتبت بواسطة onna

اكتر حاجة مفرحانى دلوقتى يا علا بجد ان الحمد لله مبسوطة جدا من العربية و حاسة

انها بيتي الصغير و الحمد لله كان اختيار موفق جدااااا

الحمد لله

---

يا رب يكرمك كمان و كمان يا نهى و يبارك لك فيها :)

بس اوعي تعيشي في جو انها بيتك بجد و أهلك بالليل يدرورا عليكي يقوموا يلاقوكي نايمة في العربية :D

اقتباس:

---

المشاركة الأصلية كتبت بواسطة MohabSaeed

فى خبر سمعته امبارح وفرحنى جدا ... احد اصدقائى حيتجوز ان شاء الله كمان شهرين ..... قعد اتخيل ايام ماكونا لسة فى ثانوى .. وازاى الايام مرت بسرعه " سبحان الله :)

حاليا انا عامل مود " هادى " .... ومشغل موسيقى " Chillout " . :)

شكرا على فكره الموضوع ........ فعلا محتاجين نفتكر حاجة حلوه ...... محتاجين تفائل :)
:):):)

---

فكرتني بيوم فرح أنتيمتي.. لما شفتها بفستان الفرح عينية دمعت من الفرحة كأنها بنتي :)

اقتباس:

---

المشاركة الأصلية كتبت بواسطة eng_mkhalaf

ربنا يديمها عليكم نعمة

---

يديمها "علينا" يا باش مهندس.. كل حد لازم فيه في حياته حاجة بتفرحه :)

اقتباس:

---

المشاركة الأصلية كتبت بواسطة aif

انا النهارده فرحان جدا جدا .... ياه ... فعلا فرحان
زوجتي عملتلنا النهاردة سمك مقلي ..ورز احمر وطحينه :D.... انا فرحان جدا :o
اصلي باحب السمك اوي ;)

---

يا رب يا سيدي يجعل أيامك كلها سمك في سمك :D

ان شاء الله نعمل لكوا زيارة كده قريب بإذن الله.. و انا اللي هاجي سايقة بأمر الله.. دعواتك بس :)